.
عمر وياك بس ما كاعد وياك
اجه واحد غريب لمشيك انضم
اول ساعة حط ايدة اعلى المتون
ورا شجم ساعة يمكن ... الله يعلم
حيلي ودمي طاحن وي الخيال
شسولفلك بعد هو انت تهتم
اليدك مو رجلة گلبه بصفي والله
من خيالي يطلع صدك الدم
ضلمك دفن لونك جوة التراب
اوصلك الصورة حتى تفهم
اذا يم الشمس صورة اخذ وياك
ما تطلع حلو لا تطلع اظلم
من اشوفك نعست اتكابل وياك
محسب من تغفي بحلم نلتم
اركض على النجم من تغمض العين
لان بغير واحد تبقى تحلم
سما انا وبكت سمعي يا مغرور
وتدري الذلة وصلت بية ليوين ؟
اكل للنجمة وابجي لو شفت طير
عليج الشمس سمعيني الجناحين
.
.
.
.
#شعراء_وذواقين_الشعر_الشعبي
#علي_الشمري
#ابو_تراب

.
انا غلطان وي اخوتي
اترس الشبجة هوا
صوجي بالظلمة افزعلهم
شايل بجفي ضوة
شبيدي من الجم جرحهم
غير احطلهم دوه
من اتعافوا كاموا ذموني
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
بقينه بعش حزنه ... ما نقلنه
وحجي الوادم ل وادم ... ما نقلنه
الوكت من امتحنه ... ما نقلنه
واخذنا بكل درس اخلاق مية

وحق من حط الاحرف ... نكطه بيها
شطوط البخت ما ضل ... نكطه بيها
حلاة الرجل كصته ... نكطه بيها
وتطك طوفان من جلمة ردية
.
.
.
.
#شعراء_وذاوقين_الشعر_الشعبي
#سعد_محمد_الحسن
#ابو_تراب

.
جدامي من ثجيل الحمل ... عاين
ولا صاحب لعند الضيج ... عاين
كعد واثنى ركبته وعلية ... عاين
اخوي وحط سهم ثلاثي بية

الاودنه اصيرن روح ... وي روح
معاه وترك بية اهات ... و يروح
الما مقسوم يم الحلك ... ويروح
لا تنفع ملامه ولا شجية

وليت وما كعد حضي ... على جماي
غفيت بكثرة جروحي ... على جماي
بحلك بطران صرت انا ... علج ماي
من كتر لكتر ويلوج بية
.
.
.
.
#شعراء_وذاوقين_الشعر_الشعبي
#ابوذيات
#ابو_تراب

.
بية المستحى شكد طمع الناس
طمع حلك المساحي بمستحه الطين
خورسني الحيا وما اكلك شلون
جرح وتخورس بحلك السجاجين
خضر عشب رجلي بعتبة الباب
ولا مديت راسي من الروازين
وانا اندل الهدم بس ما كلت وين
اخاف اطفر واشك ستر الحياطين
.
.
.
.
#شعراء_وذاوقين_الشعر_الشعبي
#ناظم_الحاشي
#ابو_تراب

.
اخ من الليالي اليوجعني
انا الما ينسمع ينشاف وني
ولك من روحتك ما بان سني
مو مالت جفى لاوين خايب
ولك من روحتك شفت العجايب
حلك من نمت واصحيت شايب
نشدوني عليك فلان و فلان
منك أيست واتريه قمصان
ولو ميت ضميرك عندي دفان
يا ابو وعود الصدك جا وين وعدك
عفتني وكعدت شمات عندك
.
.
.
.
#شعراء_وذاوقين_الشعر_الشعبي
#اياد_عبدالله
#ابو_تراب

.
شدينا الجرح وانكطع حبل الخوف
وكحلنا الجفن وانسدت العبرة
بعد ما ننطي لزمة نضم ملح بالماي
ميزنه الحروف و وضحت الجفرة
ما نغلط بعد ونصير مثل الخيط
تحطنه اعلى الفتك وتعوفنه الابرة
عود احنا ويبس منصير ماشه نار
مو بينه الحفر ولغيرنه المجرة
تجوينه نعم نكطع هواها تموت
كافي تضل عمر بجفوفنه الجمرة
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

• .
شتريد المشوا اشمر وراهم ماي ؟
المي سر الحياة على الراح ما اشمرة
وميرفلي جفن على الحابه من يروح
مفتاح الفرج لو ضاع ما ادورة
الكتب ذكرى بسجن غير افتهم شيريد ؟
السجن مو بايگ احلى سنين من عمرة
محكوميته تكضي ويطلع المسجون
جيب من السجن شيطلع الذكرى
.
.
.
.
#شعراء_وذاوقين_الشعر_الشعبي
#مهيمن_الامين
#ابو_تراب

.
غمض واخذلك نفس واحضني كل قوتك
واشبكني من كل كتر بية دفو يفوتك
جربها لا تستحي بس كونك تفضني
بحضن امك تحس خلل من تكعد بحضني
شتكول لو نتفق بيناتا نحط ملح ونعيش كالعادة
وجوة اذنك بنص شبر توكفلي وكفه محب واكفلك كلادة

زعلنا اثنينا وتيهنا الاسباب
على بختك بعدني اتحمل عتاب
لازم بينا واحد عاقل يصير
ليش اثنينا تفاركنا الاعصاب
بلابل واليطب بيناتنا التين
ما اقبل يطب ثالثنه الغراب
.
.
.
.
#شعراء_وذواقين_الشعر_الشعبي
#مالك_السلطاني
#ابو_تراب

.
لان طيب گلب والبيدي للناس
ولان حجايتي ما صارت اثنين
عشت عمري نهر بس ماية مذموم
مشيت بظهر ربعي وما كلت وين
ولان عندي حنين ونية صغار
شمدريني الدرب رايدلة گلبين
ابيع هدومي وانطي شعندي بالبيت
بس واحد يكلي بروح الحسين
.
.
.
.
#شعراء_وذواقين_الشعر_الشعبي
#جبار_العبادي
#ابو_تراب

.
حبيتك وقصرت لو ادري غيرك حاب
شايب عفتني ورحت بس من اجيتك شاب
تمنيت عندي صبر
لو افوت من يم هلك ما التفت على الباب
اتمنيت ما احب صدك مشتاك انامن هني
خل انحسب جذاب
بس هي هم مشكلة مابية اعوف الوفى
وما عندي غير الخشب حطاب ابن حطاب
بسرعة اشتعل جن كصب ما جني دم ولحم كل ساع اشم عطاب
.
.
.
.
#شعراء_وذواقين_الشعر_الشعبي
#مصطفى_العقابي
#ابو_تراب

.
كون اموت اليوم واعدل ثاني يوم
ارد اشوف شلون تصبح عازتي
ارد اشوفن ياهو اليشك ثوبه حيل
وياهو يتمضحك بنص ولايتي
امنيتي اشوف الناس شتكول من اموت
حل ؟! خطية ؟! هي هاي طلابتي
رايد احلفلي بشر غالي بحيث
من اجذب يهدر الدم مالتي
خلصت عمري ومحالفلي بصديق
مرة ب اهل البيت مرة بداعتي
الكلي اموت اعليك شيسوي من اموت
خاف اموت ويمشي وي كتالتي
وحبي ذاك الخلصت عمري ورا
كون كبل امي يبوس جنازتي

وانا حسبالي يحبني وكتله زين
وگلبي حبه سنين ما حب ثاني
وانا حسبالي اذا اطيحن يطيح
شو طحت واولهم العافاني
وانا حسبالي اذا اموتن يموت
نزليت الجادر وما اجاني

.
.
.
.
#شعراء_وذواقين_الشعر_الشعبي
#علي_نجم
#ابو_تراب

.
حتى من اريد اقبل عذر
ما اشوف ترضى جروحي
وساعتها راح ادخل حرب مابين روحي و روحي
اعذرها عن من على البعد ؟ عن دمعي ؟ لو عن نوحي ؟
لو على الشماتة الصفكوا من سمعوا بجتالي
العاهدتني نضل عمر ما كملت للتالي
لو ماخذة سنيني البقت ومخلية راحت بالي
ما بين جفي الخالي وما نفترك حسبالي
كل راي ما ضل باليد
مرات تلكالك جرح بس بي الخنجر ينحد
الجانت اغلى من النفس نزلت دمعي اعلى الخد
ساعتها احس حيلي انهد
لكن وحق هذا الجرح ما حاجي كلشي ل احد
اخسرك كتلي اي بالله ... لا عاب
حلكك وشبقى من الحيل ... لاعب
من الاول وانا گلبي وياك ... لاعب
شما اشوفك اكول يخون بية
.
.
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
عمري سفرة
والله لو بيدي ابد ما سافرتها
عمري سفرة
اغلى ناس بلا موادع ودعتها
روحي طلعت من جسدها وشيعوني
وانا ذاك الغالي عدهم ودعوني
ليلة وحدة بيتهم ما أخروني
فاركتهم رغم عني وفاركوني
بيتي كبري
والمخدة تراب راسي توسدتها
عمري سفرة
والله لو ب ايدي ابد ما سافرتها
.
.
.
.
#شعراء_وذواقين_الشعر_الشعبي
#ناظم_الحاشي
#ابو_تراب

.
راجع بس رجعته تموت المنشار
الرمح لو ما يرد بالحرب ما يكتل
بية الصوج ساويت الكطن بالصوف
الرماد وي الكحل من ينخبط يعزل
كالوا نازل وكتلهم الشلال
بي ميزة يعلي الماي من ينزل
هزن روسهن من اعتنيت الخيل
وحتى المو فرس من جيت ضل تصهل
الما خانك رسنها من ظهرها يطيح
ومن تغير بيها طرادها يفشل
انا من النهر حايگ شجم بساط
وخيم معدان من الماي كمت اغزل
اندك بابي وعرفته المنجل اعلى الباب
صحت اهلآ وفتحت الباب اله بسنبل
كضى عمرة النهر يمشي اعلى متن الطين
بنص خاصرته ساحك منه ما يجفل
.
.
.
.
#شعراء_وذواقين_الشعر_الشعبي
#علي_مطشر
#ابو_تراب

• .
حبيتها وهم قنعتها تحبني
الجانت كبل ما تقبل تصاحبني
بايگ گلبها المنها كل ساع انباك
وهسة انا ما اشتاگ هي التشتاگ
مفاركها بس ما تكدر تفاركني
تشتكي مني لصاحبتها الحلوة
وتكلها علميني شكله ويهوى
بالليل جانت باردة ب شتانه
بنص الغطى متلفلفه وسهرانه
وتكول لا واحد يجي ويسألني
ياهو المحيرني وشنو مسهرني
وبشوفتي تبرد گلبها العطاب
تانيني هي بحجة ترش الباب
وچي جنت منها هواي كل ساع انذل
شالع گلبها وهسة كل ساع ازعل
ازعل وهي التجي وتصالحني
حبيتها وهم قنعتها تحبني
.
.
.
.
#شعراء_وذواقين_الشعر_الشعبي
#حسين_العتابي
#ابو_تراب

.
ها كضت ها لا بعدها ها كضينه ها بعد بينه نفس
ها لكينه عيونه وها ما لكينه وها نسينه الشوف ها بان الخرس
ياهم احنا منين اجينه ل يا نهاية احنا ابتدينه
تضيع بين اشفافنه حروف السؤال
وتهنه وسط بيوت اهلنا ولا تصح جلمة تعال
وصاحت الوادم علينا مسودنين وشككينه ثيابنه
وصاحت الوادم ددلوا التايهين وتيهينه ابوابنه
مسودنين وتايهين
لا اخذنا الكاس قبلة ولا توضينه اعلى دين
وصار فكر البينه دهله لا هو ماي ولا هو طين
مسودنين
نبجي ما ندري عليمن نضحك وماندري ليش
ما درينه انبعنه يمتى وما درينه انبعنه بيش
مسودنين
.
.
.
.
#شعراء_وذاوقين_الشعر_الشعبي
#محمد_الغريب
#ابو_تراب

.
حالف اسوي وياك وحدة بوحدة
حالف اوصلك مرحلة المطلوب دم تحسدة
ذليتني بس انا الك والمثلي مو هسة ترى
بعدين يلا تفكدة
تشتاكلي من تغمض وما تغفى
من تكتب اسمي وتجي تنام بصفة
.
.
.
.
#شعراء_وذاوقين_الشعر_الشعبي
#احمد_عاشور
#ابو_تراب

من مذكرات شاعر ... الحلقة ( الرابعة عشر )

لا افهم لماذا كل هذا الحزن في الشعر العراقي ؟
هل انتم عاجزون عن كتابة مشاعر البهجة والسعادة ؟
كان مدير الاذاعة والتلفزيون يتحدث وكأنه يبوح بسر خطير , يزفر بين الحين والآخر ، و يتابع ببصره وجوه الشعراء الذين حضروا الاجتماع
ثم اردف قائلا : توصيات مجلس قيادة حزب البعث تقضي بأن تكون نبرة الاغاني من الان وصاعدا مليئة بالتفاؤل والفرح تزامنا مع فجر (ثورة تموز المجيدة )
كان كل الحاضرين ينصتون بترقب واهتمام كبير ٫ على عكس رجل يجلس اقصى الطاولة كان متجهما غير مكترث بما يدور من حوله تفوح منه رائحة الخمر ٫ غمغم مع نفسه بكلمات مبهمة ثم اقتطع جزء صغير من علبة السجائر خاصته وكتب :
يگولون غني بفرح واني الهموم اغناي
بهيمه ازرعوني ومشوا وعزوا عليه الماي

من مذكرات الشاعر المرحوم جبار الغزي

...........................................

يگولون غني بفرح واني الهموم اغناي
ابهيمه ازرعوني ومشوا وعزوا عليه الماي
نوبه انطفي ونوبه اشب
تايه بنص الدرب
تايه وخذني الهوى لا رايح ولا جاي
يگولون غني بفرح
دولاب فرني الوكت وخميت الولايات
الغربه صاروا هلي وخلاني الشمات
ومابين شوگ وصبر خلصن سنين العمر
يگولون غني بفرح
احرگ خطوط العتب وانثرها ويه الريح
واذكر محاچي العشگ يابو شعر تسريح
والعمر شمعه انطفت وكل السوالف گضت
يگولون غني بفرح
چنت انا اشوفك گمر وهلال من بعيد
ولمن وصلتك شفت حزنك بيوم العيد
وعرفت ظلمه العمر وياك يالماتمر
يگولون غني بفرح
وانا الهموم اغناي بهيمه ازرعوني ومشوا
وعزوا عليه الماي
يگولون غني بفرح
.
.
.
.
#شعراء_وذاوقين_الشعر_الشعبي
#جبار_الغزي
#ابو_تراب

.
عامان مرن قد اخفيت احساسي
على اهلي على صحبي على ناسي
اصير كبالهم اسكت وما يدرون
شنو هاي المصيبة الضامها براسي
تناديني جموع الناس يا ثملآ
وما بصروا نزول الخمر في كاسي
تاليها وعرفت الزين للموزين
وكلمن گلبه طيب يوكع بقاسي
مرت عليه من الايام اصعبها
بها ندمي وخذلاني و وسواسي
راح ومن وكت هالجفن ممغمضه
ولحد الان حاير بيمن اتوضى
اضم بصورته وخايف عليها تضيع
ومدري شلون ذب كلادة الفضه
من فاركني علمني المحبة حظوظ
مو كلمن وحبه كلمن وحظه
.
.
.
.

#شعراء_وذاوقين_الشعر_الشعبي
#مهند_العزاوي
#ابو_تراب