.
لا تعاتب طير غادر بيتهم وبعيد طار
الي يدوس النار يدري مو ثلج جواه نار
احنا مثل الينتظر يمتى يموت
وتدري صعبة الانتظار
يا هوا بغداد بلة انطيني شمة
ليش غيري يشمك واني اغار
يا هوا بغداد دفيلي ضلوعي
ادري بيك شكثر حار
يا هوا بغداد يمتى ؟
يمتى تصفى من الغبار
يمتى يتكاسر نفس منك بريتي
ويكتل الغربة ال بنت في صدري دار
ليش غيري يشمك واني اغار
.
.
.
.
#شعراء_وذاوقين_الشعر_الشعبي
#خضير_هادي
#ابو_تراب

.
مشتاقلك حيل وعلي بس جنك مضيعني
ركز بوجهي اذكرت
انا الجنت من تلتفت حتى الهوا يوجعني
انا الجزوني ربيعتي وحبك قرن رجعني
انا الكلتلك لو متت بجفوفك تشيعني
كالوا مشكك صورتي وجامعها ومكطعني
وكالوا بعز ذاك البرد من گلبك مطلعني
ينطيك گلبك احترك وعيونك يشوفني
البارحة بگلبك فتت بس محد استقبلني
البارحة من فرحتك
لو ميت كبالك نبي هم على الفراك تغني
يا نجمة حجزيلي سما وادني
يا نجمة انا بعازة كمر
يفهم سواد ال بالجفن
صفناتي حيل أذني
.
.
.
.
#شعراء_وذواقين_الشعر_الشعبي
#رفعت_الصافي
#ابو_تراب

.
شعندك داك گلبة ؟ شعندة ينطيك ؟
يا جمرة التضل بالسيل مجنون
حضنته وما جفل ... ! وتريد تبرير ؟
مثل عين الشمس يا گلبي محضون
وأثر بين الشعر ماشيته الجفوف
وطبع فوك الجسم موسوم بعيون
ذب ماي اعلى وجهك وانده الروح
اليشوفونه أثر فوكاه يمشون
اصحى الروج مرسى منين ينطيك ؟
ورا العثروا جريمة اعلى اليعثرون
حسبالك سعد مدفونه الاسرار ؟
وضنيت الحجي المدفون مدفون !
بس مرهن مطر خضرهن وراح
اليأخذ واليعامل كام يشرون
مثل الروح باجر لازم تروح
خطار شكثر يبقون ؟ يرحون
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
مامش جهاز يقيس ضغط المحنا ؟
حتى نعرف ونشوف لليرغب النا

تذكر من نزف جرحك ... شليته
بوريدي وكل ثكل حملك ... شليته
شجاك وچلبك النايم ... شليته
من اجيتك موش عوز اعلى الخوية

احن الكم جم المفطوم ... ل امه
العمر ماي وتبدى يفيد ... لمه ؟
باب البيت جن بالطيف ... لما
انا الميت وانا الجناز بية

يصب دمعي بعد گلي ... عليمن ؟
على ال بالسانه ما وادد ... عليه من
لحط الله وابو فاضل ... عليمن
اليكض بيدة ويكص حبل الخوية
.
.
.
.
#شعراء_وذواقين_الشعر_الشعبي
#كاظم_الزيدي
#ابو_تراب

.
مدري شنقص بالعمر من المرض جاسك
الليل انومك واضل كاعد بصف راسك
ولو نزل مني الدمع لا تقلق أطمن
صدكني راح ابتسم لمن تصير احسن
.
.
.
.
#شعراء_وذاوقين_الشعر_الشعبي
#حسين_السعيدي
#ابو_تراب

.
شوف شلعبت بروحي
بالنوح اسكت نوحي
خبال ما ادري عناد
المفروض احطلها ضماد
النوبه جبتلها جروح
حطيت فوك جروحي
شسويت شوف بحالي
برجلي اعتني ل كتالي
جتفت ايدي بأيدي
و ب احزاني ادور عيدي
والنوبه جبتلها جروح
حطيت فوك جروحي
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
لا تطلب نذل لو بعت الهدوم
صحيح الزين كوة مدبر الحال
من تنخاه عطش يعصرلك غيوم
.
.
.
.
#شعراء_وذاوقين_الشعر_الشعبي
#جبار_رشيد
#ابو_تراب

.
متندم لان ما نايم الليل
ولا مستقبلي الطايح بنيته
ولا عندي وسيلة التقنع الروح
وارد وامسح المشوار البديته
هذاك الحجي الزين الضامه سنين
متندم لان يمك حجيته
وانا فوك العمر مداين ايام
وعلى الما يكضي كل لازم كضيته
المواقف ذيج مثل خدود ادية
بس الدود يمسحهن الية
مو هسة ترى بعد المنية
بفراش الغريب شلون غافي ؟
وانا دمعي غركت منه الجفافي
ليهسة وگلبي يتمنالك الخير
نام براحتك نوم العوافي
.
.
.
.
#شعراء_وذاوقين_الشعر_الشعبي
#حسين_العميدي
#ابو_تراب

.
يا مايع بين ادية يا طيب الانفاس
ابد لا تنفعل وصيت الرموش
كلها باب گلبي تصير حراس
نام انت عوافي تغطى بالروح
وانا اغزل للصبح بخيوط النعاس
.
.
.
.
#شعراء_وذاوقين_الشعر_الشعبي
كلمات : #سعدون_قاسم
غناء : #كريم_منصور
#ابو_تراب

.
حلم سبعة السنابل يابسه ولا هذا
مو نخلة التعوض ميت البستان
لا تحجي بسعر دفنه وجفن وتراب
شتطيحلنا مغلوبين يا الدفان
انا الما تروط جدامي لو معدوم
بقيت ارفس بموتك جن قلم خلصان
عفيت اعلى اللسن من طولوها عليك
رغم ما تكدر تكصهن لسان لسان
شحلاتك لون واحد عشت وتوفيت
و غيرك بسط بدوي شكثر بيه الوان
مثل كسريتك اليوم الشعر مكسور
خذت لكمة جبيرة وشبعت الكيعان
عين مصدكة موتك عين منهن لا
اختلفن بالرأي رغم العيون اخوان
وحكگ حيرتهن حيرة المجذاف
كتر بالماي غاط وكتر يابس جان
كل ما اكول شاعر صرت وتكويت
اذكر شاعريتك والعن الشيطان
.
.
.
.
#شعراء_وذاوقين_الشعر_الشعبي
#سعد_شميل رثاء للشاعر الكبير
#سمير_صبيح
#ابو_تراب

.
اديك شدورن وشلزمن من الأخ ؟
شجان براسك وحتى القلم ناكع !
محد شافك وخلص جدامه عليك
محد صاح حيهم ؟ محد يفازع ؟!
معقولة النجم بالليل ما ينشاف
هيج انكطع بيك و عينك تباوع
عليك الجام كسر روحه لمن شاف
حديد مشابكك وعيونك تدافع
شتمنيت ..؟ سدت عينك بيا أيد ؟
ب أخر نظرة ياهو اعلى الجفن طابع
اولادك ؟ بناتك ؟ ربعك ال بالروح ؟
يا وجه ال بعينك منه ما شابع
يا ويلي الوحيد يموت كبل الموت
من اذا يتلافت وما يلكى اليوادع
.
.
.
.
#شعراء_وذاوقين_الشعر_الشعبي
#حسام_الحمزاوي رثاء الكبير
#سمير_صبيح
#ابو_تراب

.
شحسبالكم
فتره ونسينه العشره ياهو الكالكم
يوميه اشر خدودي من تطلع شمس
واستقبل الليل بنياح انعالكم
واصفن واحطكم مملحه برف الجرح
وابالي يوميه صوركم تنمسح
من التراب
امسحها خلو ابالكم
مشتاك المكم واحجي من ذاك الحجي اليحلالكم
ومشتاك اضوجكم شقى لا والله حت لو بالصدك
المهم وجهي كبالكم
رحتوا ندة وي غبشة الشمات ليش شمالكم
جا ورد روحي الذابل شسوالكم ؟
.
.
.
.
#شعراء_وذاوقين_الشعر_الشعبي
#عقيل_العرد
#ابو_تراب

.
حطيت ادية اعلى الجرح حسبالي دم تمطر لان
من عكسي ينكط دمي
رايد يفاركني الجنت من كثر ما راكض وراه
مفروكه اصابع جدمي
تكبرون احسكم بس علية انتوا وجروحي وهدمي
الواحد تعرفة من الحجي لاكيله يم غيرك وطن
لمن يسولف رسمي
شتريد ؟ مو عوزك بعد صبعين اوصلك ل امي
بس والله مت من الضحك من كتلي ضل لوحدك
هو انا ياهو اليمي ؟!!
.
.
.
.
#شعراء_وذاوقين_الشعر_الشعبي
#احمد_الصالحي
#ابو_تراب

.
هاي من شوكت صاروا اعزاز عليك ؟
هاي السالفة الما تدخل ابالي
شنو الربط بين الصنم وابراهيم
وشخلى الرخيص يكاود الغالي
واني الجنت مو بس افرح بملكاك
سابع جار الك لو شفته هنيالي
احبك هسة جي شكلك يخبل جان
واتخيل ذاك البهذل احوالي

لو قبل خمس سنين متعرف عليك
والله اشيل العين وبنصها اخليك

بس بعديش
خدك هذا ما ضل بنفس واحد
ومخلصها يومية بكتر كاعد
من كالولي شفنه فلان يم فلان
والله احسلي لو ساعتها متشاهد
عكب ذيج الميانه تصير رسميات
ونخلصها واحد ما يحب واحد
.
.
.
.
#شعراء_وذاوقين_الشعر_الشعبي
#زيد_السومري
#ابو_تراب

.
الوصلني عليك سوالف كبار
بعد مو مال اكولن فدوه ع الصار

مافكرت بيه الناس شدكول
انا بلمنطقه يسمونه ليغار

ماخلصان منهم وانته موجود
كبل لاتخون بيك اتعير عيار

السنين بحكك اكصر من الايام
عمر ضيعته وانته دكلي مشوار

انا حرورته متلفتله الاعصاب
وبرودك كادر انته اطفي بي نار
.
.
.
.
#شعراء_وذواقين_الشعر_الشعبي
#مصطفى_العقابي
#ابو_تراب

.
شككت الصور بس ضلت ابالي
خفت لا دمعي يمحي رسوم كتالي
ورجعت بحسرة الصياد من صيد وسهم خالي
انت القربتني عليك وثكل وجهك وسدت الباب من تالي
ويا رخص الثكل لو صار من تالي
ولا حسبالك بكل ديرة الك شراي
ترى تراب الوطن بس بالوطن غالي
وانا مثل الذهب ما ابور اغلى وارخص وانباع
لكن ما وصلت المحد بحالي
وكتلي مكانك بگلبي وحلى بعينك شخص ثاني
نزف مشيول صب دمعي اعلى قمصاني
ولا تهتم ورد سندان اني تعودت يتغير مچاني
شريد اعتب على البايعني ؟ اذا الشراي بچاني
.
.
.
.
#شعراء_وذواقين_الشعر_الشعبي
#عمار_سالم
#ابو_تراب

.
دلموها الغراض وشيلوا يمنا
واذا ما بيكم نحملهن احنا
شيصير من الله اذا حايطكم اندك
اعلى حايطنا وغرفكم يم غرفنا
شريد من الله اذا كل ما يجي الليل
تأشرلي وشبخ نشبخ سطحنا
.
.
.
.
#شعراء_وذواقين_الشعر_الشعبي
كلمات : #مصطفى_العقابي
#ابو_تراب

.
غصن بالشجرة لكن غصن ما محسوب
حي الله غصن تجماله الشجرة
ينطيني الوطن جم نسمة بس بالليل
ياخذهن مربع حسرة وي حسرة
اضم احلامي حتى اسمع احلام الغير
ممنوع انقري ومسموحلي من اقرأ
صفكت بدمعتي شكد لليضحكون
وعلى وجهي ملامح سنبلة بصحرة
انا ابالي وطن بس باله مو وياي
جم مرة التحبه بگلبك تعذرة
لان ما واكف كبالة نساني يجوز ؟
ما بين خيال الواكف بظهرة
.
.
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
غمض واخذلك نفس واحضني كل قوتك
واشبكني من كل كتر بية دفو يفوتك
جربها لا تستحي بس كونك تفضني
بحضن امك تحس خلل من تكعد بحضني
شتكول لو نتفق بيناتا نحط ملح ونعيش كالعادة
وجوة اذنك بنص شبر توكفلي وكفه محب واكفلك كلادة

زعلنا اثنينا وتيهنا الاسباب
على بختك بعدني اتحمل عتاب
لازم بينا واحد عاقل يصير
ليش اثنينا تفاركنا الاعصاب
بلابل واليطب بيناتنا التين
ما اقبل يطب ثالثنه الغراب
.
.
.
.
#شعراء_وذواقين_الشعر_الشعبي
#مالك_السلطاني
#ابو_تراب

.
اشلع ما اسد والغيهن الفتحات
الجانن بوب أمس ما اسدهن ابنيهن
والزمهن سره باب العدل والطيب
التسامح والصلح اولهن الغيهن
الحصلته شنو من جانن مشرعات ؟
يكثرن بالهلا وينطعن راعيهن
ملح ما دنكله عيونهم وكحات
شبية و وين وجهي الكهوة تثنيهن
الزمله الدرب لحد ما يجي الدوار
الكمكم والدلال كباله اخليهن
وما ألزم سعر شراي مو شراي
ابد ما اعامله شينطيني انطيهن
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب