.
مخدتنه عصافير
ونفانيفك حمام من امد ايدي يطير
وعلى صدرك مري ينثن عطر ويلمن المكتوم
وابدكلك وانا المالوم
واريد اشبع حسن متلحك عيوني
من اسولف وي طولك تتعب ضنوني
و حلو خبالي عليك يشيب الراس
اذا وسواس يتعب ينخى وسواس
.
.
.
.
#شعراء_وذاوقين_الشعر_الشعبي
#موفق_محمد
#ابو_تراب

.
يا صاحبتها يا الوصلتي لدارها
احجيلي عنها شلونها وشخبارها
شدار الكلام ال بينج وما بينهة
شجانت تكلج هية نظرة عينهة
وشكالت وما كالت من اسرارها
يا صاحبتها عيوني ما ينسنها
خليني اشوف عيونج الشافنها
انطيني اديج اللامسن جفينها
ولمساتها الضلت بجفج وينها
محتاجهن بلكن يطفن نارها
شكالت علية شلمحت وشذكرت
ما وصتج ما سلمت معتذرت
هواي ضل من السوالف عدها
روحي الخذتها وياها يمتى تردها
لو خيروني اختار هم اختارها
.
.
.
.
#شعراء_وذواقين_الشعر_الشعبي
#جبار_رشيد
#ابو_تراب

.
توكل بالله روح وعوفني بحالي
وعلي خلصان گلبي وكل خلگ مالي
كاع اعلى النهر يا عشرتك وياي
وعلى هيج ارض ما تنبني آمالي
ما انكر عشت ايام حلوة وياك
وعلية سم طلعتها فراكك احلالي
فطن ومن البداية عرفت نيتك بيع
من انطب مزاد تصيحلي الغالي
ولك يا عنب انا الشالك الصوباط
عليتك علية وانت مو عالي
جنت كلش سهل وتلولحت جواي
بس رديت منك فارغة اسلالي
وانا اكدر امنعك ما تجي برجليك
المصيبة شلون امنعك ما تجي ابالي
.
.
.
.
#شعراء_وذواقين_الشعر_الشعبي
#مهيمن_الامين
#ابو_تراب

.
عامان مرن قد اخفيت احساسي
على اهلي على صحبي على ناسي
اصير كبالهم اسكت وما يدرون
شنو هاي المصيبة الضامها براسي
تناديني جموع الناس يا ثملآ
وما بصروا نزول الخمر في كاسي
تاليها وعرفت الزين للموزين
وكلمن گلبه طيب يوكع بقاسي
مرت عليه من الايام اصعبها
بها ندمي وخذلاني و وسواسي
راح ومن وكت هالجفن ممغمضه
ولحد الان حاير بيمن اتوضى
اضم بصورته وخايف عليها تضيع
ومدري شلون ذب كلادة الفضه
من فاركني علمني المحبة حظوظ
مو كلمن وحبه كلمن وحظه
.
.
.
.
#شعراء_وذاوقين_الشعر_الشعبي
#مهند_العزاوي
#ابو_تراب

.
حتى انساك لازم ينلغي الليل
اذا بالليل اذكرك جا شسويت ؟
واحتار من اضل بين رأيين
اذا عن رأي منهن ما استغنيت
بما انك عفتني بكل الاحوال
ما تفرق نسيتك لو تناسيت
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
كل العمر ليلة وفركتك ليلة
سرابك بالسما ومفكر امشيلة
يحصد بالجدام الدرب من يطول
اذا رايد تقشمر جدمك بسفرة
على الرايح تغنيلة
اجيتك صعبة ارد اردود
وهو السحب سيفة بعد ما تلتفت خيلة
الكمر خلص حياته مشابك وي الماي
ولو طاح الكمر على الماي
يا روجه التدنك يمة وتشيلة
ويا دمعة التبات بجفن المعزية
ينشف حيلها وما تنشف الشيلة
الحك البروحي جادر محد يشيلة
.
.
.
.
#شعراء_وذاوقين_الشعر_الشعبي
#علي_طالب
#ابو_تراب

.
يا نبتت خير عند المو فلاليح
تعبت من النذر كل باب اشده
تعبت كد ما ألولي لوحدي بليل
وانيم فوك ذرعاني المخده
امس جاهل يبيع هدوم بالسوك
حرجني وكال ل ابنج اخذي وحده
متت ومن الخجل كلبت الهدوم
وكلتله اعتذر ما بيها اعلى كده
يبني النعمة هاي تريد شكران
تضل يم امها اذا ما مستعده
المرة مهره والبيت اعلى الظهر كاس
يعني المهره اذا عثرت تبده
ولا يزوج المو كد الايام
على كلشي وكسروا عود الموده
.
.
.
.
#شعراء_وذاوقين_الشعر_الشعبي
#علاء_عبد
#ابو_تراب

.
اول مرة احس بروحي مو مالي
ابتساماتي ودمعتي بكيف البالي
يكتلني ب أدية وانعد وي الميتين
وترد روحي من اشمن عطر كتالي
الما يترس فراشه دموع قبل النوم
ما ينحسب عاشك حاله من حالي
العاشك من صدك ينعرف تالي الليل
من اكله احجيلها عنها يكوم ينعالي
ادري الما يحب ينعد ابن ادم ليش
يموت وما مشيب مو مثل حالي
والله الما يحب اي وقت سهلة ينام
ويسألونه ويكول الليل مو مالي
.
.
.
.
#شعراء_وذاوقين_الشعر_الشعبي
#حسين_المرياني
#ابو_تراب

.
طك بطك اسولف بعد ماكو احراج
ما اريده العلية مسوي منيه
ما اريده اليحط سجينته بمكفاي
ومن اوكع بريئ يصيح معليه
انا لخاطر اخلاقي اتلافه بعض الناس
الاذن تتلوع لخاطر الترجيه
اعبرهم وامر واثق الخطوة يعيش
جكارة وخلصت تسحكها رجليه
.
.
#جعفر_الحلفي
.
ما عندي وجه مكروه
بس كافي انا اعديها
التفكه تؤنس بديوان بس عدها وجه مكروه
من تغثها وتهلهل بسركيها
كافي لنعش تعزف ناي
وحيايه الراعي تلدغ وجه راعيها
انا البيها من أول حجي المركاض
ابد ما صرت تاليها
الغابة تهابني ما احب جدم صياد
وجه بوجه جنت اللبوة الاكيها
انا المفروض من ادخل حرب ميدان
على الفرضه وشعيره صعب اخليها
.
.
#علي_المحمداوي
.
.
.
.
#شعراء_وذاوقين_الشعر_الشعبي
#ابو_تراب

.
انت ما ترهملي ما اريدك تحن
انت واحد بالعشك ما تنضمن
من اغير فراشي ما اكدر انام
انت كلي شلون يومية بحضن ؟
.
.
.
.
#شعراء_وذاوقين_الشعر_الشعبي
#ماجد_التميمي
#ابو_تراب

.
من يزود بعينك شوية السهر
يجي ابالك تكعد تكلب الصور
وتلزم ألالبوم وتفتحه بهدوء
مثل ما تفتح الجنطة ال بالسفر
ورغم كل الفوضوية ال بالمكان
ابتسم تلكى التشابه بالبشر
العامل المشترك بين الغايبين
التقارب بالكتابه اعلى الشجر
بلا مخدة تخلي راسك فوك اديك
سكتتك كاسرها بشوية مطر
تغمض وتفرك عيونك لا تنام
نوم لا شابع ولا شابع سهر
ويا دموع من الضحك تنزل صدك
ويا گلوب نفتحت وضلت تدك
والدموع اليبست بترس القطار
كون كلها تطيح لمن تنشبك
.
.
.
.
#شعراء_وذاوقين_الشعر_الشعبي
#محمد_الشمري
#ابو_تراب

.
يمه ذول اهل القصر ما لعبوني
يمه من شافوني اجيت اتنادسوا واستغربوني
يمه ما سموني بأسمي وكالوا هذا ابن الفقير وشتموني
وكالوا هذا ابن الصريفة وعيروني
يمه جا هو الفقير شسوى من نچلة بعمرهم
يمه جا هي الصريفة شماخذه وخايف قصرهم
يمه كالوا لا تمر منا بعد بالك تشم ريحة وردنه
وكالوا بجدمك الحافي نخاف يترب عكدنه
يمه عدهم كلشي عدهم و احنا بس الماكو عدنه
.
.
.
.
#شعراء_وذاوقين_الشعر_الشعبي
#كاظم_خبط
#ابو_تراب

.
حرامينه كبل مو مثل اليبوكون
والغيرة كبل حتى بحرامينه
اخذلك مرة واحد راد بيت يبوك
چي جاعت عياله وضاكت بعينه
طب لبيت عالم كله خير البيت
ومحمل ذهب حتى بحياطينه
صدفه وشاف خبزة وشالها من الكاع
عض منها واكلها وصفك جفينه
انا غلام ابوي شلون ابوك البيت
وانا الزاد ضكته وشانت بعينه
.
.
.
.
#شعراء_وذاوقين_الشعر_الشعبي
#علي_الفريداوي
#ابو_تراب

.
عفتوني
اعله يا سجه
انشري و انباع و اتعثر
يكون بعودي ماكو سنين
خاطر ما انبت و اثمر
افه
اتبدل
حجيكم ليش
معقوله العمر أثر
هلي
خلوا الحجي مدثر
انه شبيدي
العمر ركضه
هلي لو بيدي ما اكبر
مثل حال العراق وياي
عشت وياكم بغربه
الماي الما تحظنه جروف
ما يندل بعد دربه
اهل روحي شبلاكم
مو ابنكم طاح
لو ما ينحظن صعبه
هلي
الماله عرف بالكاع
يضل ياهو اليجي ايشربه
.
.
.
.
#شعراء_وذواقين_الشعر_الشعبي
#احمد_العبيدي
#ابو_تراب

.
سأزور صديقي حسن الذي اوصاني ان اتسلل بعد منتصف الليل خلسه الى قبره وارى القبور تتلفت مذعوره حوله
وك حسن كف انينك اتعبت الموتى
سلم من غضبآ ينشق عن قبرك لا تلويه ريح
انت في قمته تقتص من راسك سكران تصيح
لم يرحني الموت لم يقرأ على قلبي السلام
وشرابك خشن الملمس يا حسون ادمى كبدك
انه يحفر في جرفك سواك حطاما
لا فرق اذن
كان حسن قبرآ فوق الارض ينفخ ناي وربابآ
صار حسن قبرآ تحت الارض ويسري في القبور
يسأل الاموات عن نفخة سور
فلقد هيئا للرب عتابآ
.
.
.
.
#شعراء_وذواقين_الشعر_الشعبي
#موفق_محمد
#ابو_تراب

.
الگلب سلمته بأيدة ... وارده منه
وحال الثكلى حالي ... وارده منه
اجتني بيوم صوغة ... وردة منه
طبت ما ضل بعد كل مرض بية
.
#شاكر_التميمي

انا الواضح والمبين ... ولا خاف
وانا الما رجفن اجتافي ... ولا خاف
وانا الما نقص وزني ... ولا خف
اختفيت وخفت خف وزن العلية

#رحيم_المالكي
.
.
.
#شعراء_وذواقين_الشعر_الشعبي
#رحيم_المالكي
#شاكر_التميمي
#ابو_تراب

.
وين جنتي ؟
و ليش متأخرة علية كل هالسنين
و ليش ما طيفج اجى وفزز صفنتي
قبل تسع سنين مريتي اعلى عيني وما وكفتي
ليش من كف العمر هسة ضهرتي
وين جنتي يا ملك شيطان وتلبس بجثتي
ويا دمع خسران يمثلم وجنتي
ويا ألم لف روحه سجينة بحسرتي
ليش من دك الجرس ما صارن عيونج فرصتي
ليش يا أول درس يفترض كنتي
وليش من عبرن محطاتي ركبتي
وليش فتحتي لمن ذبلت وردتي
والله لو عندي بخت جا لمج من سنين بختي
جان هسة دموع ماكو وخابصة العالم ضحكتي
وجان هسة همومي ميتة وعافية بوجنه فرحتي

.
.
.
.
#شعراء_وذاوقين_الشعر_الشعبي
#محمد_الغريب
#ابو_تراب

.
انا شكد جذبت على الناس اكلهم زين
اذا سألوا شلونك تزرك الشفه
قصة منتحر تعرفني كلها تريد
من يمي اليشبهك لو عبر صدفه
ام جندي بحرب موعد نزوله اليوم
واتأخر واجاها .... تخيل اللهفه
والله لو ترد هيج اطلع اتلكاك
انا المشتاكلك يا عيب يا عفه
صيف جفاك اجى ونشفن البيهن ماي
بس جفني المبلل جيتك تنشفه
.
.
.
.
#شعراء_وذاوقين_الشعر_الشعبي
#حسين_المرياني
#ابو_تراب

.
ماذا يعني لك الفرح ؟
الفرح ساعة ورسمها مسودن اعلى الكاع
.
متى يزورك القلق ؟
من احسب الدنيا احلام وانا ولا وشاله ليل
.
ماذا تعني لك العزلة ؟
دهر تنشد بگلبك ليش ما يسكت
.
كيف ترى الغد ؟
العمر مثل الحكومة يبوكك بسكته
.
علي عباس الغالبي ؟
هذا انا بس كون التعب ما يوصل لحيله
.
اين تجد نفسك ؟
بأخر صفنه من نثيه تعرف الشوك مو ؤنسة
.
كيف تقابل الصدق ؟
مو مليت اطشر بالصدك بوجوه ما تستاهل الجذبه
.
.
.
.
#شعراء_وذاوقين_الشعر_الشعبي
#عباس_الغالبي
#ابو_تراب

.
تذكر ولو ما عندك اي شي ينذكر
الله يا باب المدرسة شكد حلوة من جنت انتظر
حبيتك وما جنت اعرف اسمك شنو
كل الاعرفك عليك ابو عيون الخضر
.
.
.
.
#شعراء_وذاوقين_الشعر_الشعبي
#زيد_السومري
#ابو_تراب