.
ما جنت ادري هيج الشوك كتال
دخيلك حاول تدبر طريقة
الصور والصوت كاموا ما يفيدون
ولك محتاج اشوفك بالحقيقة
كلما نتفق حتى اطلع وياك
لازم تخرب بأخر دقيقة
.
.
.
.
#شعراء_وذواقين_الشعر_الشعبي
#حسين_السعيدي
#ابو_تراب

.
سألتك والگلب بين دلالة
وابد ما جاوبت گلبي بسؤالة
ليش عيونك الحلوات حلوت؟
يمكن يا حلو امك غزالة
العدالة تكول تنصف باليحبوك
وانت بنظرتك ماكو عدالة
تهيجني بصدودك كل الضنون
وانا ضني علك كطع حبالة
سمجة الروح وادري بوصلك الماي
يا ماي الوصل لا تصير فالة
حلال الله ترى وصل اليحبون
وانت بكيفك تحرم حلالة
.
.
.
.
#شعراء_وذواقين_الشعر_الشعبي
#ليث_النعيمي
#ابو_تراب

.
صار سنين امر على الباب
والي يومين ما مريت اجاني الباب !
.
.
.
.
#شعراء_وذواقين_الشعر_الشعبي
#محمد_الغريب
#ابو_تراب

.
انا كبران متعرفوني حقكم
تجاعيدي وسماري وشيبي منكم
والله اثنينه نفس المواليد
قبل لا اشوفكم جنت بكبركم
.
.
.
.
#شعراء_وذواقين_الشعر_الشعبي
#مثنى_كامل
#ابو_تراب

.
مدري المن احسن نفترك احسنلي مدري احسنلك
يا بوية من عندك حجي وتكسره بعيونك دمع
خاف الحجاية تذلك
ومن تسكت و عندك حجي ازغر حجاية بحلك
جنت من احبك استحي
ما احبلي شي واتركلي شي خافن تحس بمصلحة
جنت من احبك كلك
وعصاتي بيدي وغمضت واحسب شجم عصى الدرب
خاف اعمى اخذ هجي گلب
بالعصى اريد اندلك
.
.
.
.
#شعراء_وذواقين_الشعر_الشعبي
#احمد_الصالحي
#ابو_تراب

.
ياما لسعتنا الشمس وبفي كَصايبهم غفينه
يامافيَّضنه الوفه وحطّولنا المهجة سفينه
ياما ذبنه العطش يمهم وبجدح جفهم روينه
تالي نزعوا
شوكََنا من كَلوبهم
وكَالوا
عوض عنكم لكَينه
تندمينه
وكون يسوون البجي جا ب اثعش ناظر بجينه
.
.
.
.
#شعراء_وذواقين_الشعر_الشعبي
#الكاطع
#ابو_تراب

.
دليني عليك سنين تايه بيك
وامشي وياي ادورك خاطر اندلك
عرفني علشخصك رايد احجي وياك
بس كلمه وبعد ماغيرها نكلك
وحده من الثنين وحده راح اختار
لو كلك احبك لو احب كلك
اسأل ليش احبك حتى اكلك ليش
وليش شما تسوي وياي اقبلك
لحظه موت عمري سنيني كلهن خوف
بس وياك ائمن لمن اوصلك
وانت اخر نفس وشكد عزيز تصير
وبلحظه الموت تريدنا نملك
خيط علجرح بلحم صرت وياي
لو كل الجروح تطيب مافلك
تعرف كلشي بيه وماعرفت شبيك
لغز حلك لغز من يكدر يحلك
وشرد حتى اجيك ومدري ليش الخوف
خاف تخاف مني بسدك اختلك
مثل ظلك اظل والليل يكضي الليل
من تطلع شمس من طولك انزلك
.
.
.
.
#شعراء_وذواقين_الشعر_الشعبي
#جبار_رشيد
#ابو_تراب

.
ذنبي استعجلت وذنوبك هوايه
يالموكفني شيبه كبال المرايه
يالعايفني جلد وعظم جن شباچ
ما كتلي الهجر كل واحد ورايه
جائز ما اشد بكل وتد حبلين
على خيمتنا ثاري هواي شعرايه
وانا لوما الضعف البوجهي من فركاك
همات اصبحت وزنتي مسنايه
عمومآ انسحب بس لا تضن مهزوم
نزلت الدمعة غير تنزل الرايه
.
.
.
.
#شعراء_وذواقين_الشعر_الشعبي
#احمد_حقي
#ابو_تراب

.
اذا سألت علية كولولها بخير
شفت كل الجروح المنها اعاني
صدك باقي اثر بس باجر يروح
واذا اضطر ابدل جلد ثاني
المهم ما يبقى شي من يمها تذكار
الخلت هاكثر ناس بمكاني
.
.
.
.
#شعراء_وذواقين_الشعر_الشعبي
#ميثم_فالح
#ابو_تراب

.
جنة صغار نكعد وكت الغروب 
باب الدار ننطر جية ابونه
يرجع مبتسم بس وجهه متعوب
ومن ايشوفنا يضحكن عيونه
يجي محمل ابونه اشكال والوان
وتضل اتلوم بينا امنه الحنونه
تعبك هذا تعبك لا يابو فلان
تتعب والصغار ايضيعونه
لكن يبتسم ودموعة بالعين
ويكل لامي التعب يستاهلونه
هذولي حزام ضهري بساعة الضيج
ولج بالشدة يام افلان عونه
ابونة على اجتافة صغار وكبار
لعبنة سنين ما تعبن متونه
يلبسنة حرير وهوة محروم
وقميصة من التعب مكلوب لونه
واذكر لو لعبنة امنة تصيح
ابوكم نايم ولا تفززونه
.
.
.
.
#شعراء_وذاوقين_الشعر_الشعبي
#عادل_محسن
#ابو_تراب

.
احنا معدان ولمن نعشك نموت
يطك بينا خبال مالت سادة
خلي نلزم خصرك بوكت الشباب
ومن نشيب نلزم السجادة
ركبتك مو للكلايد لا حرام
عدنا شفه تصير خوش كلادة
احنا اجينه بحضرتك ندعي ونتوب
شو رجعنا ويانا تمشي ذنوبنه
هي شامة ويندل الله يحطها وين
بالمكان البي يعذب گلوبنه
.
.
.
.
#شعراء_وذاوقين_الشعر_الشعبي
#زيد_السومري
#ابو_تراب

.
.
ما اكدر اطلعك مني وارتاح
شيطلعه الوطن من رأس الاسرى
من اذكرنك ضفاير تخنك الروح
من اريد انساك لازم شعرة شعرة
بهواك اعصرني مني تطيح سعفات
حقي اشتاقلك لان روحي خضرة
سهم يركص بضلعي بيدي جف مي
جهنم بية تلحك وانت صحرة
اعرفك زين عفت الماي بالايد
وجه ما منطي الية انوب كطرة
تجي بشمره كبر شمره سما تروح
واضل ب اثنينهن مخنوك عبرة
تدري بجفني ليش مركص الليل
واذا نعس اكض ظهره واكسرة
حالف بالنجم ما مرة انساك
اذا اكرهك احس كاتلي كمرة
.
.
.
.
#شعراء_وذاوقين_الشعر_الشعبي
#علي_الشمري
#ابو_تراب

.
ساعة انت اعلى بالي والعمر ساعة
وبجة قبطان روحي ورادك شراعة
يسألوني اعلى جرحك بس شجاوبهم
طلع طلعة سهام الحرب من مكفاي ما حسيت بوداعة
وتبچي ذراعي اذا كالوا حبيبك لزموا ذراعة
اسمر تحرك بگلبي والابيض تعشك اطباعة
النار وي الجذع تحرك گلبنه النار
و بيت الكطن من تمشي طماعة
.
.
.
.
#شعراء_وذاوقين_الشعر_الشعبي
#علي_طالب
#ابو_تراب

.
في ذرى الاطواد صمت شامل
وسكون غشي الكون الفسيح
كل شئ مستريحآ هادئ
وقريبآ انت ايضا تستريح
.
.
.
.
#شعراء_وذاوقين_الشعر_الشعبي
#مظفر_النواب
#ابو_تراب

.
ما مجبور احب انسان
هو بعمره ما حبني
وما مجبور اضل اشتاك
كلما لحظة فاركني
ليش انا افكر بي
وهو بية ما فكر
وكلما حاولت انساه
اعرف روحي ما اكدر
وادورله عذر ضليت
واكل لروحي يتندم
اليسحك على الورد معذور
اذا ما يدري بي ينشم
.
.
.
.
#شعراء_وذاوقين_الشعر_الشعبي
#جبار_المياحي
#ابو_تراب

.
دليني عليك سنين تايه بيك
وامشي وياي ادورك خاطر اندلك
عرفني علشخصك رايد احجي وياك
بس كلمه وبعد ماغيرها نكلك
وحده من الثنين وحده راح اختار
لو كلك احبك لو احب كلك

#جبار_رشيد

دليني اعلى گلشي البيج ما ضكته
مو فترة ولا كضيان حاجة وياج
والعباس احبج حب ابو ل بنته

#مالك_السلطاني


دليني الهوا من تروح وين الكاه
بدونك نفسي ضيك و الارض خنكة


#ايهاب_المالكي
.
.
.
.
#شعراء_وذواقين_الشعر_الشعبي
#ابو_تراب

.
الفوكك مو شرط سيطر لان فوك
عمر الفوك لو ما الحدر ما كان
بقت على الكاع بس تخوف النار
وصعد ليفوك بس فارغ الدخان
الجذر ضحى ودفن روحه جوه الكاع
حتى ترتفع ليفوك الاغصان
لا يا رأس لا تحتقر رجليك
لان لوحدك متصير انسان
شلون تكول ما محتاج واحد ؟
من تموت هم تحتاج دفان
بلا بستان متصير انت فلاح
واذا ماكو فلح متصير بستان
.
.
.
.
#شعراء_وذاوقين_الشعر_الشعبي
#عبدالحسين_الحلفي
#ابو_تراب

.
اول مرة احس بروحي خسران
قبل ما ماره علية الخساير
شنو ذنبي واكضي الليل سهران
ومكابل صورك والجكاير
واذا بيك حلمت تحسبني حلمان ؟
حلم كاروك ويمر عين عاجر
هي الغاثتني وحيل زعلان
تضحك وانا دمي عليك فاير
ومن اضحك تكول الناس بطران
ومن ابچي بزمانه تكول حاير
حيره وما يحلها الا دفان
وكبر كون اعلى عرفك بالمكابر
وتمر انت اعلى گبري وتقرأ فلان
مات وضلت بنفسة الضفاير
.
.
.
.
#شعراء_وذواقين_الشعر_الشعبي
#حسين_الحبتري
#ابو_تراب

.
لون لوحتك وردي الحياة ألوان
خلص عمرك لوحتك ملت الداكن
ولا ترسم جبل ارسم نهر بي روح
وارسم ريح بلكي تحرك الساكن
بلكي من النهر يطفح ركاد الغيض
ويطك زود ويهدم سدة ال لكن
وعلك على الوجه ضحكة وأمل بالروح
بزواية العين كافي شجم حزن راكن
وفك باب القفص خلي الاحلام تطير
وانت من الطفولة شجم حلم ساجن
ووخرها الستارة الشمس خل تفوت
ولا تخلي الجروح تبين الباطن
كلها تموت صفرة الموت هم بي لون
عاجبني الكطن للموت ميهادن
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
بعد ما اريدكم تحجون بية
هواي تكبرت كلتوا علية
خلصت وانتهت بس بحرامات
الخمس سنين ضاعت من أدية
المغرب ناس تدعي وتلتقي بناس
وانا اتخبل من المغربية
حتى الطير من يهاجر يموت
انا تهاجرت جا مو خطية
حتى الماي من يمتد على الكاع
ينشف والجرف ينعكس فية
نزلت وياكم لحد ما تريدون
وياكم ما مدور منصبية
موش انطيتكم ماي ال بالعيون
طحت جا ليش ما صرتوا تچية ؟
الفقر مو عيب من يكضلك الباب
بس عيب اعلى صاحب ينطي بية
.
.
.
.
#شعراء_وذاوقين_الشعر_الشعبي
#علي_الجنوبي
#ابو_تراب