.
لو هو مثلك اكو
جا ما عشت وحدي
بليل الشتا البارد
بس هو هيج العشك
مثل الله بس واحد
.
.
.
.
#شعراء_وذاوقين_الشعر_الشعبي
#حسين_المرياني
#ابو_تراب

.
والي يمك گلب من تبتعد رجعة
والك بية حنين امام طيورة يفزن بسرعة
دنطيني مجال اتفاهم وي الناس
كلما اريد اسولف تنزل الدمعة
اتعودتك هوى معلم
ما ينشم اذا ميطوف بردية
ولا ضيجت خلگي وياك
تظلم وانا اكول الدنيا مكضية
اضمك وين ما بية
انت بروحي ويشوفوك دكة بوجه عربية
.
.
.
.
#شعراء_وذاوقين_الشعر_الشعبي
#رائد_ابو_فتيان
#ابو_تراب

.
كل ناسي شردت من طحت
من جنت عالي شكد فرق
شو هسة محد فادني
خلوني چن جثة ب ارض
متروسة عبوات وخطر
وابن امي ما مر شالني
حتى عراقك استقر
بس انا مدري شمالني
.
.
.
.
#شعراء_وذاوقين_الشعر_الشعبي
#حكيم_الفريجي
#ابو_تراب

.
مو كل اليجيك من الله يرهم ليك
مرات البشر بلوة
يوديلك بشر تخرب رسومك بي
نساوة بوجه حلوة
.
.
.
.
#شعراء_وذاوقين_الشعر_الشعبي
#احمد_الصالحي
#ابو_تراب

.
للي خذوا غيبتك مجبور افضي الخلك
واجاتل وي الحجي والخيل داست علية
سحكت ضلوعي سحك
يامن مكدر علية غيرك فصاله صعب
جم دوب اخيط واشك
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
اصعب موقف ب لحظات الوداع
من تشوف الجنت تبني تهدم
من تقوي گلبك وانت مجروح
ما مهتم تبين وانت مهتم
من تبتسم بس بداخل نوح
الدموع باب عينك سكته تلتم
تضطر تمشي لكن وانت مكسور
عزة نفسك تبررلك الهم
وراها تعيش لكن گلبك يموت
واحساسك الطيب يبدي يفهم
ما تحلم بعد بال عنك يروح
وما مسموح الك يومية تندم
كل جروحنه وكل المعاناة
مما ورى الناس البيها نحلم !
.
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
كل العمر ليلة وفركتك ليلة
سرابك بالسما ومفكر امشيلة
يحصد بالجدام الدرب من يطول
اذا رايد تقشمر جدمك بسفرة
على الرايح تغنيلة
اجيتك صعبة ارد اردود
وهو السحب سيفة بعد ما تلتفت خيلة
الكمر خلص حياته مشابك وي الماي
ولو طاح الكمر على الماي
يا روجه التدنك يمة وتشيلة
ويا دمعة التبات بجفن المعزية
ينشف حيلها وما تنشف الشيلة
الحك البروحي جادر محد يشيلة
.
.
.
.
#شعراء_وذاوقين_الشعر_الشعبي
#علي_طالب
#ابو_تراب

.
عنيت وبس عليها الجدم ... يعني
ولا غيره گلب بالناس ... يعني
اكله شكد تحبني يكول ... يعني
شنو ال يعني منو يفسرهه الية

الوكت على الفرح ميلني ... وحشني
وتحزم منجل همومي ... و حشني
غريب وصوت والدتي ... وحشني
ودللوا يا الولد عنت علية

طار وما كلت للناس ... على الطار
وشسولف على الجرح بالگلب ... على الطر
جنت وياك شايل خلك ... عطار
طفل ما يشتري وتلعب علية

علية طبكن همومي ... وانت والسل
وسيل الموت اجاني ... وانت والسيل
لحد يا وكت نرجى ... ونتوسل
مثل قمة توسل بالوطية
.
.
.
.
#شعراء_وذاوقين_الشعر_الشعبي
#جبار_رشيد
#احمد_الذهبي
#ابو_تراب

.
اليسمع دفو صوتك يوكع ب شده
وما اصدك وراها يضل صبر عنده
اكو قبلي نبي كالوا مكلم الطير
وانا أول انسان يكلم الورده
هنياله الهوا اليمك بكيفه يفوت
ما تحمر خدودة ومستحى ترده
ولا يستأذنك يلمسله شي لو لا
او يقترب منك خايف تصده
هم جان اسم غيرك باللعب ينكال
من تلعب وياهم يا ورد شده
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
يوفقك الله ادعيلك بكل نفس
واتخيل انت بخير حتى اطمئن
من اشتاكلك تنعصر روحي عصر
ومدري شطلع صوت لمن أون
دربك كزاز وحافي ماكو وجع
شو غيرك اتوجع ودربه كطن !
علمني يا شباج ما بي الك
دمعة ودعاء وعصرت ايد وحزن
علمني اشوفك حتى ابطل العمى
علمني انام وما تجيني بحضن
كلما ابطل ارجع ل رحلتك
وارسب بحبك ثم ارد امتحن
بلكت بعالم ثاني من ننخلق
اختار غيرك بس اضن ... ما اضن
.
.
.
.
#شعراء_وذاوقين_الشعر_الشعبي
#ميثم_فالح
#ابو_تراب

.
اثنينهن دمعي وضحكتي بلونها
وضايعه الدنيا بخضار عيونها
ابقى حاير بين تعبي وراحتي
روحي يمها تصير ابد مو مالتي
بية اضمها وغيري ميشوفونها
اثنينهن دمعي وضحكتي بلونها
وحدي موجود بكلبها وبالها
الله مدري شحاط فوك خيالها
ترفة تعثر بالضوة وتوكع سهر
النجمة تعرفها ويغازلها الكمر
النسمة بس عشاكها يشمونها
اثنينهن دمعي وضحكتي بلونها
.
.
.
.
#شعراء_وذواقين_الشعر_الشعبي
#علي_رشم
#ابو_تراب

.
ماكو اشكال شرعي بحبي وياك
وشنو يعني اذا اكو اشكال شرعي
وشنو يعني اذا كرهوني الناس
و شنو يعني اذا كرهوني ربعي
وشنو يعني اذا طبيت للنار
اذا انت وياي كلش زين وضعي
وشنو يعني اذا كالوا دخت بيك
اكثر من دخت غير انت ضلعي
طبع بية وانا مغمض دخت بيك
وخذاني الشيب جا شيغيرة طبعي
.
.
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

.
حنينه بس ندري الوكت ما يقتنع يجمعنا
دمعنه وتشابكنه وتفاركنا !!!
.
.
.
.
#شعراء_وذواقين_الشعر_الشعبي
#حسين_السعيدي
#ابو_تراب

.
اي وحقك و انت اعز من اليمين
ولو حلفت بغير ما كتلك جذوب
انا و انت وما علية بالعالمين
ان شرقت وان غربت بينا الدروب
وهسة عتني الشوك يمك والحنين
استاحشيتك من وصل وكت الغروب
كون يمك جا صحت عندك دخيل
دولبني ايام هجرانك شسوا ؟
وانا جبت الغانمة وانا الدليل
وكورت واهل الهوا ما حصلوا
.
.
.
.
#شعراء_وذواقين_الشعر_الشعبي
#صاحب_الضويري
#ابو_تراب

.
بعد ما اجيب جرحي تروفه الية ردود
انا استجمعت حيلي وبالصبر رفته
امر وتشوفني شلونه الوكت وياي
ما مهموم واضحك والحزن عفته
ما خليتلك خيط امل تترجاه
كفض حتى الخيال من الجفن شلته
وضعف روحي ب أدي جريته امثل بي
كدام اليضدك للصلب كدته
من تشوفني تعرفني ؟ لا و الله
مو ذاك الغشيم المن كبل شفته
كبالك غير واحد بي شبه من ذاك
ما يشبه هذاك البي جرح عفته
مره التجربة المريت بيها وياك
مره وعلمتني وحنضلك ضكته
.
.
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
غلطة حبك يسوى كل صح بالوجود
وبية من عندك وجع جن عافية
الصدك ما ارتاحلك بس روحي بيك
وما احبك بس احب مو كافية
انت مو فد شي گلب بين الضلوع
ومو ضوة عيوني وبدونك طافية
ادري شحجيلك وتزعل حتى اموت
نار احس بحضنتك بس دافية

.
.
.
.
#شعراء_وذواقين_الشعر_الشعبي
#ميثم_فالح
#ابو_تراب

.
مشطتني الريح غفله وبيه ضاكت طعم صوتك
من زمان
بيوم شفتك عزف بية السيسبان
وللعشك سواني ريل
وهيل شميت بضحكتك
بالكهف نايم شعورك اعترفلي تبقى خايف ؟
على الشفايف هذا عيد ولازم تمرجح سوالف
ادفن بنص صدري خوفك واكتب ب أذني تعال
خطوة خطوة أبدي بية
روحي غمضت يلا كللها حلال
اكتب ب أذني تعال وبس اجيك
ارسم بصوتك سلام
وعلى الترافة الجوة زلفك شفتي تنحتلك حمام
.
.
.
.
#شعراء_وذاوقين_الشعر_الشعبي
#يوسف_الدراجي
#ابو_تراب

.
يگلبي شبيك ضل بصدري كاعد
تحب واحد يحب يومية واحد
سد بابك يگلبي ونام مرتاح
هو بحضن غيرك هسة كاعد
لا توكف علية مو عندك هواي
يتمنون منك حرف زايد
لتغشك برودة ضحكته تطيح
النخل سعفة جمر بس گلبه بارد
دورلك غصن لا تضل تلم بي
حطب متصير للنار الكواغد
لو تشعل جهنم يمه ميفيد
يضل مكروه طبعة ودمه جامد
لا تصدك المسلسل صدك الاحساس
جذابات صدكني المشاهد
وليغرك المحبس شذرة بيش
الكصيبة هواي احلى من الكلايد
.
.
.
.
#شعراء_وذاوقين_الشعر_الشعبي
#علي_الشمري
#ابو_تراب

.
خذني يمك بعد ما ضل كل عذر لا تعتذر
ليل عمري و عمرك مخلص بعد مابية صبر
خل نلم احلامنه ونحفظ صورهن قبل لا ياخذهن بدربه الفجر
وخل نلم الباقيات سنيني وسنينك نسويهن عمر
وهن ميكفن عمر
ونبدي من جده وجديد بواهس سنين الصغر
ولو وازانه الكبر
خل تمشي ايامنا بخطوة العاقل من عثر مرة ورجع يمشي حذر
.
.
.
.
#شعراء_وذواقين_الشعر_الشعبي
#جبار_رشيد
#ابو_تراب

.
اجى وكت العشك يا اسمر تحضرلي
انزع مستحاك و يلا سولفلي
الحب لا حرام ولا هو عيب يكون
و الله ادرى بهذن وراح يغفرلي
خل ياخذنا يوم الطيش انا وياك
ونخلص عمرنا نصوم ونصلي

#زيد_السومري

عليك امك دعت توكع بحب شيطان
ودعتلي امي بملاك وصافية النية
استجاب الله ل امي وعرفاني عليك
ول امك استجاب وعرفك بية

#احمد_الصالحي

سنين عبرن على الزعل بس ما نسيتك
لسه رجفت صدري من تخطف نفسها
ولسه كلما اشوف غيمة دموع احسها
وبابنه المشتاكة لسه جفوفك الحلوة بنفسها

#احمد_المرشدي
.
.
.
.
#شعراء_وذواقين_الشعر_الشعبي
#ابو_تراب