مــآبيه حيل اخذ نفس
ماعندي واهس أحــچيي
مــن بره تلكاني ابتسم
مــن جوه اطك مــن البجي
مــآبيه اكمل هالدرب
تعبان ، خلوني انتجي
.
.
#شعراء_وذواقين_الشعر_الشعبي
#منقول
#ابو_تراب

.
من افكر بيك مرات انهضم
كلها يمي وانت مو يمي ظلم
المفترض يمك احط راسي وانام
بس تلاكينه بزمن ما يحترم
.
.
#شعراء_وذواقين_الشعر_الشعبي
#يحيى_العلاق
#ابو_تراب

كونك تحبني صدك جا دورتني
.
.
#شعراء_وذواقين_الشعر_الشعبي
#منقول
#ابو_تراب

هو الحنين يموته الغياب
يشتاك ينسى يعوف العتاب
بدكات گلبه يدكدك الباب
اليعشك البارد گلبه عطاب
.
.
#شعراء_وذواقين_الشعر_الشعبي
#منقول
#ابو_تراب

انت الحنين قسيت شلون ترحمني الظروف ؟!
.
.
#شعراء_وذواقين_الشعر_الشعبي
#سمير_صبيح
#ابو_تراب

مو انتي بس گلبي ذابحني ويصيح انتي
منين اجيتي ومني اتمكنتي
شبسرعة صارت بيدج الروح
ويجمعني طيفج وين ما روح
ما جنتي بس هسة في دنياي كلشي صرتي
مشكلتي احبج من صدك مشكلتي
.
.
#شعراء_وذواقين_الشعر_الشعبي
#جبار_رشيد
#ابو_تراب

حقك ماشفت شكد چان طبعك بارد
من چنت أجيلك محترك
والكاك حيل اتعاند
من چان عندك چم محب
وماعندي غيرك واحد
كل ذنبي موصوچك تره
صوچ اهتمامي الزايد..!؟
.
.
#شعراء_وذواقين_الشعر_الشعبي
#منقول
#ابو_تراب

لا تكلي شبيك ضايع
آنـه ضايع مــن زمان
رحــت ؏ـ صبوره اكتب
ورجعت مــآكو مكان
.
.
#شعراء_وذواقين_الشعر_الشعبي
#جبار_الفرطوسي
#ابو_تراب

تعنيت ل اهل الورد
ردت اشتري ورده
صادفني هذا الحلو
تبسملي وتعدى
شتميت ريحة عطر
تسوى الف وردة
ثاريها مو بالورد
ثاريها من خده
.
.
#شعراء_وذواقين_الشعر_الشعبي
#عادل_محسن
#ابو_تراب

تمره وطحت ما بين سله وعصافير
ضلمه اصبحت ما شوف بس المناكير
.
.
#شعراء_وذواقين_الشعر_الشعبي
#منقول
#ابو_تراب

ما جبرتك انت الختاريتني
انت جيت بنفسك وحبيتني
بيك ابد ما توسلت
لا حجيت ولا كلت
ردت اعوفك وانت ما خليتني
.
.
#شعراء_وذواقين_الشعر_الشعبي
#صباح_الهلالي
#ابو_تراب

انا الحب وتعذب ... وال دلاله
انشلع وبلليل الكم ... ودلاله
لهذا اليوم قيسك ... ودى ليلى
ترد ...... و انت ولا نشاد بية
.
.
#شعراء_وذواقين_الشعر_الشعبي
#منقول
#ابو_تراب

جان كتلي من البداية بعد ما اكدر اكمل
ليش من حبيتك اني مني كمت تمل
عاجبك كلش فراكي هذا منك مو جديد
انا عايش كل عذابك ينكسر گلبك اريد
معقولة هذا انت
الحبيته واعشكته
تتركني بالسكته
شتتوقع اتحمل ؟
مرة كتلك بالجذب خل نفترك
دمع البعينك جمر ضل يحترك
ما يدك كام الگلب
كتلي ماعوفك صعب
جذبة جانت كل وعودك مو صدك
.
.
#شعراء_وذواقين_الشعر_الشعبي
#منقول
#ابو_تراب

الصور كلش قريبة بس حرامات
الناس ال بالصور كلش بعيده
.
.
#شعراء_وذواقين_الشعر_الشعبي
#منقول
#ابو_تراب

خل اكلك خاف ما عندك خبر
راد يوكف گلبي بس ربك ستر
ما مصدك عبرت وهسه انا زين
والله لو ما الله ما اطول شهر
.
.
#شعراء_وذواقين_الشعر_الشعبي
#حسين_السلطاني
#ابو_تراب

.
تمنيت الوكت لو يرجع رجوع
انا مسودن واريدن يرجع الكون
بعده اخضر عشكنه وتوه مزروع
اجوا ربعي بمناجلهم يحصدون
يونس زين عمي بحوت مبلوع
انا بحلك الشماته الما يرحمون
.
.
#شعراء_وذواقين_الشعر_الشعبي
#سمير_صبيح
#ابو_تراب

هلي خذلوني گلت نجرب الغربه
بلكت بيهم احد يدعي من گلبه
وانه والله ادري بروحي خوش انسان
لتخلون هاي الوادم تخربه
.
.
#شعراء_وذواقين_الشعر_الشعبي
#منقول
#ابو_تراب

مليت والله من السهر ما صافي بالي
مليت حتى من الكمر مليت من حالي
صغيرون بس شايل قهر والضحك مو مالي
يوجعني گلبي بلا سبب والدمعة بعيوني
رايد يجوني السافروا حت لو يبجوني
شايل گلب شو كمت احب حتى اليكرهوني
.
.
#شعراء_وذواقين_الشعر_الشعبي
#منقول
#ابو_تراب

مو سهل انت علية
جرح عايش لسه بية
وما تطيب ..... وانا ماريدك تطيب
ابقى بين ضلوعي خنجر
وان جان ما ترتاح افتر
كطع شما تريد كطع
واخذ كل شي ولا ترجع
وبعثر بروحي وانا خليني اجمع
.
.
#شعراء_وذواقين_الشعر_الشعبي
#خضير_هادي
#ابو_تراب

ماضَل شي بعَد ينگال
وياك الحَچي شينفَع
العَتب مَرات فشلة يصِير
إذا مايلگه أذِن تسمَع
.
.
#شعراء_وذواقين_الشعر_الشعبي
#منقول
#ابو_تراب