.
الحمد لله اكتفيت بقله الموجود
وهم نعمة القناعة مسكته ضنوني
خل تفرغ الدنيا عيوني متروسات
ولا تنترس دنيا وفارغة عيوني
عشت عمري وكضيته وقانع ومرتاح
شريد اكثر كضيته وي اليحبوني
وناس الواصلتهم ثمر بيهم خير
وهم بلسانهم للناس وصلوني
وناس المني وصلوا والنسوني بساع
عندي المهم وصلوا خلي ينسوني
ال على متوني صعد لحد يلومه بيوم
مابي صوج انا الناذر متوني
.
.
#شعراء_وذواقين_الشعر_الشعبي
#عامر_العيثاوي
#ابو_تراب

.
ال بكلشي خسر يقنع بكلشي الجان
الما حصل عنب يقتنع بالسله
احسب لليضل ما اشيل هم الراح
ما ادلي اليروح الباب يندله
اذا بعض البشر تتوسل اليمشون
انا الراد يمشي انتظر ما اكله
.
.
#شعراء_وذواقين_الشعر_الشعبي
#جبار_العبادي
#ابو_تراب

.
ايام البعد جبناها صفنات
بين امالنا وحيره امرنه
تجي لو ما تجي كضينه الايام
وصرنه وياهو يدري شلون صرنه
صبرنا متاع صار وبعدك بعيد
وتجوع ايامنا وتاكل صبرنه
شبعد يا الما تمر مو كافي الغياب
صار هواي ننتظرك تمرنه
نذرنالك تجي وندعيلك تعود
وعمت سجينه وشيب نذرنه
.
.
#شعراء_وذواقين_الشعر_الشعبي
#جبار_رشيد
#ابو_تراب

.
حي وصعد للنمل
والريش الابيض كبل ضل يشبه الغتره
يا هي بروحي كبر متروك من فتره
وما ضايك المي ورد
يا هي محد الي وعايش على المطره
وجيب اليجيب الهوا من تخنكك العبره
ومو ما اندل الدرب
بس انا لمن طحت امغطينها بالسعف
يا وادم الحفره
.
.
#شعراء_وذواقين_الشعر_الشعبي
#سعد_شميل
#ابو_تراب

.
بركت نوكي ولا تمشيش ... بالطاك
ويا روحي طوكاج الضيم ... بالطاك
صرت حنطة وعشيجه تدير ... بالطاك
سرح بيها الفكر وابلشت بيه
.
.
#شعراء_وذواقين_الشعر_الشعبي
#عقيل_العامري
#ابو_تراب

حلم عيون تَوصيفَك
ياقرآن گلب الــروح
يالمَمنوع تَحريفَك
لا أكدَر أجيبَك وكت ما اشتاگ
لا أكدر امر ضيفَك
ولا أكدَر اردَك من تجي بكيفَك
.
.
#شعراء_وذواقين_الشعر_الشعبي
#حسين_علي_المطوري
#ابو_تراب

.
خل شغلك اللاهيك شي ابده من شي
بأخر نفس ضليت بس كضني ارد حي
.
.
#شعراء_وذواقين_الشعر_الشعبي
#عطا_السعيدي
#ابو_تراب

.
انتهينه
وانتهى الما ينتهي وخلص حجينه
انتهينه وبقت كطرات الوفى المذبوح تتناثر علينه
وبقت للمجفين كومه اسرار عد روحي الامينه
وكون نستاهد عتبنه يفيد بيهم عاتبينه
وكون يسوون البچي جا ب اثنعش ناظر بچينه
.
.
#شعراء_وذواقين_الشعر_الشعبي
#الكاطع
#ابو_تراب

ما فكرت بية ؟
ما صار عندك نقص
من فجأة تترك شخص وياك يومية
من توكع بمشكلة
ما ترجع الذاكرة وتحتاجني شوية
هسة انا خل نفترض ايامي تنساهن
ما عندي يمك صور بالصدفة تلكاهن
.
.
#شعراء_وذواقين_الشعر_الشعبي
#حسين_السعيدي
#ابو_تراب

.
نسيت وصدكت كلت انا ناسيك
اول ما نسيتك فكرت بيك
شلتك من لساني
اتصلت بشخص ثاني
كلت حاجيت غيرك ثاري احاجيك
.
.
#شعراء_وذواقين_الشعر_الشعبي
#صباح_الهلالي
#ابو_تراب

.
هم عبرت الساعة اثنعش هم اجى الليل بدونك ؟
وما ادري وين انطي الوجه من تجي ابالي عيونك
ما اعرف شضل من رحت
ما اكول عن روحي طحت
بس جنت اهز ايدي اذا واحد يكلي شلونك
شسويت بية من درت وجهك بأخر نظرة ؟
ضليت واكف مستحي مثل البيوت الفقرة
ومن عدها ضليت افتهم
ليش المفاركله محب من يمشي يلزم ظهرة
يال على الرسايل ما ترد
لو تعرف احساسي شنو من اكتب وما تقرأ
.
.
#شعراء_وذواقين_الشعر_الشعبي
#احمد_عاشور
#ابو_تراب

.
عافتني حقها ما لكت حل عندي
ما جنت اليناسب حلمها الوردي
جانت تحبني وحاولت تبقى وياي
بس الظرف اجبرها توكف ضدي
مو مشكلتها ايامي كلهن صعبات
يومية تسمع همي وبحيره تبات
على الحلوة والمرة اتفقنا نضل دوم
بس الصدك يا حلوة كلهن مرات
.
.
#شعراء_وذواقين_الشعر_الشعبي
#احمد_المرشدي
#ابو_تراب

.
فحطت خلگي وبعد زعلك طويل
ودرب الملاگه علية شبعدة صار !
روحي ما بيها عشك خلص عليك
و بسما جروحي حنينك كله طار
فرفحت روحي ونكت جفوفي حيل
من سمعت بواهس يم غيري صار
.
.
#شعراء_وذواقين_الشعر_الشعبي
#علي_رشم
#ابو_تراب

من ذكرتك سكت كلشي
وعاند الصفنه وبقى يصب الدمع
ومن ذكرتك مدري شنهو الصار بية
رفس گلبي وراد يشلعلي الضلع
وصحت شو محد سمعني
وللعلم لمن ذكرتك جان ليل
وصوت دخان الجكاير ينسمع
.
.
#شعراء_وذواقين_الشعر_الشعبي
#جليل_الكعبي
#ابو_تراب

اذا تتوقع انا انسى لا تتوقع
بعدني بأنتظارك يمتى ما ترجع
رسايلنه القديمة من يجيني الليل
اطبلها بسهولة وبصعوبة اطلع
.
.
#شعراء_وذواقين_الشعر_الشعبي
#حسين_السعيدي
#ابو_تراب

.
شكد عن عزتي تدنيت
شكد بلا وعي تعنيت
شكد زعلان بس حنيت
.
.
#شعراء_وذواقين_الشعر_الشعبي
#علي_مهدي
#ابو_تراب

.
هي الكارثة من تحب بلا اسباب
الكدامك يحس بيك سلعه
من تشوف نفسك عادي تنباع
من واحد عليه عمرك تدفعه
هذا انت بكثر ما بيك حلوات
انا بكل كتر من عندي وجعه
مثل ما الله رصعه بوجنتك حاط
هيج انت اعلى گلبي مخلي رصعه
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

انتهت الله وياك ما نصطلح دوم
بالجنه لو شفناك بس تكعد نكوم
.
.
#شعراء_وذواقين_الشعر_الشعبي
#منقول
#ابو_تراب

.
انت يا كل شي حلو بالدنيا هاي
يا ضوة عيوني وشريك رويحتي
يا ربح عمري وتعب ذيج السنين
يا نشيدي وموطني وكل غيرتي
ما تحن شعطلك انت حنين
انت يا الشالع گلب محبوبك
والله زحمة الليل لو ذكرني بيك
هاي هم محسوبة من ذنوبك
انت مدري منيلك هذا البرود
يا الجنت من ازعل تغنيلي
مرة كتلي الدنيا هاي شنهي عود
وانا كتلك مثلك شتعنيلي
.
.
#شعراء_وذواقين_الشعر_الشعبي
#عزام_الشمري
#ابو_تراب

تعال من السفر كافي من الفراك
كلت يومين لكن صارن سنين
ما هزك حنين ويوم تشتاك ؟
ولا گلبك يسألك صاحبك وين ؟
صرت كلي حزن من راسي للساك
تعال احسبها منه وجيتك دين
اريد اشبك الروح بروحك اشباك
واريد انگلب كلي ل شوفتك عين
.
.
#شعراء_وذواقين_الشعر_الشعبي
#رحيم_المالكي
#ابو_تراب