كون ندري بالعتاب يفيد بيهم عاتبينه
وكون يسوون البچي
جا ب اثنعش ناضر بچينه
غافلونا
وباكوا العشرة غفل من بين ادينه
وباكوا من ايدي العمر
سنتين وبودهم رضينه
تالي نزعوا شوكنه من گلوبهم
وكالوا وعوض عنكم لكينه
.
.
#شعراء_وذواقين_الشعر_الشعبي
#الكاطع
#ابو_تراب

.
عنت علية شوفتك واصبرت
بس ما صبر گلبي وصرخ راح اطك
جاباني الك واذعنت
جيتك بليلة شتا ظلمة ومطرها رشك
وشبعده صار الدرب خوف ورعيد وثلج
وجفوف ادية زرك
ابابك طحت ها كمت
ضميت ادية وردت ع الباب بالروح ادك
بس كالوا المن تدك ؟
كلمن مشى لحالته
واحد سكن بالغرب واحد سكن بالشرك
.
.
#شعراء_وذواقين_الشعر_الشعبي
#الكاطع
#ابو_تراب

ياهو مثلي يغار اذا شافوك اموت
وروحه تطلع لو تمر لحظة غياب
وياهو مثلي يحبك وانت بعيد
وضامك بعيونه من عين الشباب
انت كلي هم شفت مثلي حبيب
يصفن اعلى عيونك وينسى العتاب ؟
.
.
#شعراء_وذواقين_الشعر_الشعبي
#حسن_مهدود
#ابو_تراب

رمح فراكهم بالگلب ... طرشان
حرب وضعونهم لبعيد ... طرشان
اصيح محترك يم ناس ... طرشان
غديت رماد يلا فزعوا لية
.
.
#شعراء_وذواقين_الشعر_الشعبي
#منقول
#ابو_تراب

مو بس انت
كبلك كاسرتني الناس
كبلك خاسر وعاذر
بذاكرتي شكثر وادم مراية بسوك
كل ساع تعثر عيوني بوجه عابر
مو بس انت
بس انت الوحيد المادري شكاسر
.
.
#شعراء_وذواقين_الشعر_الشعبي
#صفاء_الصمت
#ابو_تراب

بين الصور والليل والراح
اتگلب اعلى فراش ذباح
كلشي بغرفتي يصيح صياح
ما مرة نمت الليل مرتاح
.
.
#شعراء_وذواقين_الشعر_الشعبي
#منقول
#ابو_تراب

صباح الخير وشلونك ؟
وي هنيالة الفتح عينة
ويلاكي عيونه بعيونك
.
.
#شعراء_وذواقين_الشعر_الشعبي
#منقول
#ابو_تراب

.
لا يا طبيبي توهمت
والجرح ما شخصته
من كال انا احتاج الدوة ؟
دخذ الدوة الوصفته
مو هذا جرح ال بالجلد
بية جرح ما شفته
رافكني وربينه سوى
لا عافني ولا عفته
.
.
#شعراء_وذواقين_الشعر_الشعبي
#الكاطع
#ابو_تراب

بزفتها كل كراه مني اخذ حيفه
حتى الدريول كام يمشي اعلى كيفه
.
.
#شعراء_وذواقين_الشعر_الشعبي
#حيدر_عبدالامير
#ابو_تراب

.
نمت وبحلمي اشوفن ... موته يمي
وجماعة هاي فترة ... مو تيومي
اوصيكم لكبري ... مو تجي امي
لحدي يضيك من تنعى علية
.
.
#شعراء_وذواقين_الشعر_الشعبي
#يوسف_الساري
#ابو_تراب

حيل شوية ضل وعيون تعبانه
مخليهن للمتانه
من تلكى محطة وكاع كلها كطوف
جان الينتظر انه
.
.
#شعراء_وذواقين_الشعر_الشعبي
#احمد_نصير
#ابو_تراب

وين التج ولا ضل حايط بدنياي ما مهدوم
.
.
#شعراء_وذواقين_الشعر_الشعبي
#منقول
#ابو_تراب

.
ليش ما كلتي من الاول ابتعد وانساني
وليش ما كلتي من الاول لا تدك بيباني
ليش من بعد الحنين
وقصة كتبتها السنين
جاية تكوليلي انسى في حياتي شخص ثاني
.
.
#شعراء_وذواقين_الشعر_الشعبي
#عزيز_الرسام
#ابو_تراب

اريدك انساك  اتمنى انام الليل
واكعد ما الك ذكرى
لو ادري ولا حبيت بيني وبينك الزهرة
عشكت عيونك الحلوات
وانا وياك ما حاجي
حبيتك على الفطرة
كل ضني انت تبقى وياي
وسفه وهانت العشرة
.
.
#شعراء_وذواقين_الشعر_الشعبي
#حسن_مهدود
#ابو_تراب

نام ليلك وانا انام
والنا الله الما ينام
يشوفنه وعينه علينه
احنا غير الله شبدينه
.
.
#شعراء_وذواقين_الشعر_الشعبي
#سمير_صبيح
#ابو_تراب

.
ايام كشخه ولعب والطلعة والمشيه
ذكرى اعلى حايط سجن فزيت مختفيه
عشرين عمري ونمت فزيت كودوني
كبران مثل الذنب
ضليت حتى استحي من اليلاكوني
تغير هواي الشكل
الا اكول الاسم يلا يعرفوني
لا يا شريط العمر يا مرايتي تهدي
شيسوي هذا الكطن على الليل متبدي
شيسوي هذا الحزن شيريد من عندي
ايام ذاك الوكت من اصفن عليهن
ابجي من اباوع صور ضاحك صدك بيهن
.
.
#شعراء_وذواقين_الشعر_الشعبي
#زيد_السومري
#ابو_تراب

على يا اساس ابنج كاعد يناغي
وحبيبج ينكطع نسله
وعلى يا اساس نص دينج كمل بعدي
وحبيبج ضيع القبله
وعلى يا اساس كبرتي بسرعة وتربين
وانا الحاسبج طفله
ولو سامع الماريدك من لسانج
اتخطى واضن سهله
ولو راجع جنازة لبيتنه وممدود
ولا راجع ب هالفشله
.
.
#شعراء_وذواقين_الشعر_الشعبي
#منقول
#ابو_تراب

حبيتج حب ما حبه انسان لحد
حسبالي توافين ل اخر حد
خدعتيني خدعتيني وما وفيتي
خدعتيني بعتي حبنه ما شريتي
نادم ندم
على الايام
الي حبيتج بيها
.
.
#شعراء_وذواقين_الشعر_الشعبي
#منقول
#ابو_تراب

.
حنيتلك من ناموا الناس
اكثر من الدم بية الاحساس
ويخنكني شوكي الما رضى يفض
وكل ما نكال اسمك اغمض
ارد انسى بس ال ليش تعرض
وها حشى جدامك صوج دربي
المشكلة عيونك هنه هنه
جا وين وديت المحنه
.
.
#شعراء_وذواقين_الشعر_الشعبي
#علي_مهدي
#ابو_تراب

.
جنت ما راضي عني تروح
اثر جفيني ضل بهدومك من الجر
ولو ناسيك جا هذا الوجع وخر
اذا مشتاكلي مروتك
انا مشتاكلك واكثر
انا بفراك اخوي سويعة ما كبريت
ليش فراكك يخليني جاي اكبر
ترى حتى الله ما يرضى
اردن على الرسالة بساع
وانت اسبوع تتأخر
ولك جا ليش تتغير
جنت بگلبي اهفيلك اعرفك تين
ما تحمل سموم الحر
كزازك نابت بگلبي واخاف عليك تتعور
.
.
#شعراء_وذواقين_الشعر_الشعبي
#مالك_الباوي
#ابو_تراب