.
كلتولنا شيلوا وشلنه
عليمن بعد تشكون منه
بسطوا بينا بسعر الدنان
وصاحوا اجوبه بيش ما جان
شنهي المعطلك ما تجينه
وكلوبنا تدري حنينه
احنا ترى نحبلك الزينه
من كون ناسي وانسينه
وديلك بنادم علينه
حسبالي لهفة گلبك تدوم
طلعت رسم على الرمل مرسوم
من اكعد كبالك صاير تكوم
ثاري المحنة موش تعلوم
شسوى الگلوب البيض عطاب
على الكلشي ماكو وشهنو الاسباب
وي ما نجي تكنسون بالباب
حتى اليطب يدمر تراب
.
.
#شعراء_وذواقين_الشعر_الشعبي
#ماهر_الجاسم
#ابو_تراب

.
كون افقد الذاكرة وارتاح من همك
ماريد ادنك بعد من امر من يمك
ماريد اضل بالمطر ع الجام اخط اسمك
.
.
#شعراء_وذواقين_الشعر_الشعبي
#احمد_عاشور
#ابو_تراب

.
كتلي من تعطش ترويك الجفوف
وهذا انا عطشان وين جفوفك ؟
وكتلي اذا شح النظر بعيوني شوف
شفت كل الناس بس ما اشوفك
وكتلي اذا جرحك كبر برموشي روف
شو كبر جرحي وزغر معروفك
انا ادري رموشك امضى من السيوف
شجاب گلبي وحطه بين سيوفك
.
.
#شعراء_وذواقين_الشعر_الشعبي #مهدي_عبود_السوداني
#ابو_تراب

.
و انت اخر نفس وشكد عزيز تصير
وبلحظة الموت تريدنا نملك
خيط اعلى الجرح باللحم صرت وياي
لو كل الجروح تطيب ما افلك
تعرف كلشي بية وما عرفت شبيك
لغز حلك لغز من يكدر يحلك
.
.
#شعراء_وذواقين_الشعر_الشعبي
#جبار_رشيد
#ابو_تراب

حرامات القصايد بيج
وحرامات الگلب يقبل لهسة بداخله يخليج
بعدنا بأول الرحلة ورضيتي بكاع
وخسرتي الجان رايد للسما يوديج
.
.
#شعراء_وذواقين_الشعر_الشعبي
#حسين_السعيدي
#ابو_تراب

.
والله حلوة جايني تكلي نسيتك
ولا تحبني وللزعل صفيلي نيتك
انا اكلك لا تحبني
غيرك هوايه عجبني
شلون اعوفك وانا بالكوة لكيتك
والله حلوة
شلون تحجيلي نسيتك والله عيب
هيج انت تكول شيكول الغريب
غيرك بعيني ولا يحلى حبيب
گلبك انت انطاك تنسى ايامنه
الله لا ينطي گلبك
ترضى ما ترضى احبك
وما اعوفك وانا بالكوة لكيتك
والله حلوة
.
.
#شعراء_وذواقين_الشعر_الشعبي
#منقول
#ابو_تراب

.
المهم تخلص وكلشي يهون بعدين
واصبر على الوجع بلكي تعود
كلها ايام تكضي وترجع تراب
واحلامك تموت وكلشي ينهد
حتى الخابصينك واليحبوك
رابع يوم ويذبون الاسود
.
.
#شعراء_وذواقين_الشعر_الشعبي
#عزام_الشمري
#ابو_تراب

.
ما بيهن دمع ذبلانه الجفون
واذا ما بچن ما اسميهن عيون
بعد ما اشوف بيهن لا تجوني
خلص مايهن راحن عيوني
هذا الصار بينه ويا حرامات
ليلية السهر برموشنه يبات
.
.
#شعراء_وذواقين_الشعر_الشعبي
#منقول
#ابو_تراب

من اموت انسو اسمي
وشيلو كلشي ايخصني من گلوبكم
وشگگو كل المراسيل التخصني
وشگگو صوري التذكركم برسمي
انا خايف...
حتى لا ينزل دمعكم
خاف تبچون وعزيزة ادموعكم
.
.
#شعراء_وذواقين_الشعر_الشعبي
#علي_السعيدي
#ابو_تراب

.
صباح الخير وشلونك ؟
وي هنيالة الفتح عينة
ويلاكي عيونه بعيونك
.
.
#شعراء_وذواقين_الشعر_الشعبي
#منقول
#ابو_تراب

.
ما فكرت بية ؟
ما صار عندك نقص
من فجأة تترك شخص وياك يومية
من توكع بمشكلة
ما ترجع الذاكرة وتحتاجني شوية
هسة انا خل نفترض ايامي تنساهن
ما عندي يمك صور بالصدفة تلكاهن
.
.
#شعراء_وذواقين_الشعر_الشعبي
#حسين_السعيدي
#ابو_تراب

كلها موسم حتى طبع الطير موسم
و الايام التجي وتروح موسم
والمواسم من تمر على الناس موسم
موسم ينتهي وموسم جديد يبات
والحب والكره والصلح والزعلات
وانسام العصاري بطيب الحديثات
بس انت حبيبي وما كلت بذات
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

.
اخر حجاية بيا دوة تهيد
كتلك شلونك كتلي شتريد
ملهوف اجيت تردني مذبوح
رايد عيونك كلشي ماريد
.
.
#شعراء_وذواقين_الشعر_الشعبي
#منتظر_هادي
#ابو_تراب

.
اكتفيت بنفسي مو ناسي
واذا حسيت اريد انسان يسمعني
اسولف يم المرايا واهز راسي
.
.
#شعراء_وذواقين_الشعر_الشعبي
#سجاد_صباح
#ابو_تراب

افا تبدل حجيكم ليش ؟
معقولة العمر اثر ؟
هلي خلوا الحجي مدثر
انا شبيدي ؟! العمر ركضة
هلي لو بيدي ما اكبر
مثل حال العراق وياي
عشت وياكم بغربة
الماي الما تحضنه جروف ما يندل بعد دربة
.
.
#شعراء_وذواقين_الشعر_الشعبي
#احمد_العبيدي
#ابو_تراب

الراح ما يرجع بعد يا گلبي ابد لا تاني
مثل اليموت ويندفن للدنيا ميرد ثاني
ذكرى يضل للماضي
لا تنتظر على الفاضي
على الفات ابد لا تنفعل وانسى اليكول انساني
شتاني يا گلبي ولك
صارت رجعته هيهات
ميت صبح محبوبك ويا گلبي المات مات
على الفات ابد لا تنفعل
على الجاي لازم تنسأل
يا گلبي لا ترجى بعد راح ونسى عنواني
.
.
#شعراء_وذواقين_الشعر_الشعبي
#منقول
#ابو_تراب

.
انا بلياك مدري شبية ما بية
زلف وبلاية ترجية
درب ما بية كل جية
نهر فاض وتبع مية
رجع بس ما لكاله جروف
كون تشوف روحي شخله بيها الخوف
مطلوبة نذر وتخاف ما توصل حضرتك من بعيد تطوف
.
.
#شعراء_وذواقين_الشعر_الشعبي
#جبار_رشيد
#ابو_تراب

السلام عليكم حبايب اليوم الذكرى السنوية لوفاة الشاعر جبار رشيد ادعولة بالرحمة واقروا الفاتحة اله ورب العالمين يصبر اهله وناسه ومحبينه .

#ابو_تراب

.
تمنيتك تحبني بكد محبتي
وباچي بكثر ما باچي بغرفتي
منو مثلي وصل وياك ما خاف
التقاليد وحجي الناس وسمعتي
الماخذني كلي وكلي ويا
المخرب تفاصيلي وكشختي
تطبك عازته وساعات الفراك
مثل ما ينطبك جفي اعلى كصتي
.
.
#شعراء_وذواقين_الشعر_الشعبي
#حسين_العميدي
#ابو_تراب

لو صابرة شوية بعد لو صابرة
تدرين هاي الدنيا لحظة وعابرة
لو صابرة وما بايعة
جان ضحكت على الدنيا هاي الضايعة
لو صابرة ومتانية
بينج وبين الفرج يمكن ثانية
توني اداوي جروحي
وجابتني يمج روحي
الباب ادكة بلهفتي وكالوا فلانة مسافرة
.
.
#شعراء_وذواقين_الشعر_الشعبي
#علي_الفريداوي
#ابو_تراب