.
يمتى اشوفك ؟
تتعب عيوني من اركز ب انتظارك
واعدتني وكتلي اعود !
وكلشي رد ....
خوفي حسرتي الحيرة الضنون العذاب
كلها ردت الا انت ؟!
شما اصد لدربك الكى الصورة تتحول ضباب
شما ركضت لنهرك ارجع مكتشف نهرك سراب
منو اليندلك طريق الليل ؟؟
الليل لا ما يدري بيك
هواي جم مرة سألته ورفض ينطيني جواب
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
شلك علية يا زمن وشرايد ؟
انطيتك الي ردته مني وزايد
ضحيت ب اغلى احبابي
وخسرت كل اصحابي
وشتريد تاخذ بينت ومعاود
نيشان اكثر من جرح مو كافي
كضيت عمري وياك ما متصافي
الماي يمي والعطش بشفافي
شتريد تاخذ بينت ومعاود ؟
شلك علية يا زمن وشرايد !؟
.
.
#شعراء_وذواقين_الشعر_الشعبي
#الكاطع
#ابو_تراب

.
ليش اليدلي الناس ضايع عمرة
واليغفى شتله ويبجي يكعد شجرة
بماي وهوا وبزاد والناس تموت
بس اكو وادم عايشة اعلى القدرة
وذوله احنا ناس نعيش ونموت الناس
وكل يوم نسأل على السأل كل فترة
بالرايح نچلب واليريد يروح
چلبنه اكثر ردنه بس نأخرة
.
.
#شعراء_وذواقين_الشعر_الشعبي
#محمد_الشمري
#ابو_تراب

.
كالوا رجعلك كلت شي عنده
ما مشتاك بس المصلحة ترده
مبين من سلامة العنده شغلة وياك
ابو العشرة الكصيرة التنتهي بمده
انا بسبب ربعي شكد نمت زعلان
وشكد ما نمت وعيوني تتبده
ضموني وكلت هو الذهب مضموم
كطعوني وكلت خل انكطع ورده
شيل الطيبة مني الشيب كله يروح
رد الطيبة الية الشيب هم رده
.
.
#شعراء_وذواقين_الشعر_الشعبي
#زيد_السومري
#ابو_تراب

.
كل الليالي انكضت بس ليلگ شكبرة ؟
يا گلبي صار الدمع مرساة للعبرة
دورلي يمك صبر گلبي خلص صبرة
لو ماي اعبره ب بلم ... بس ليل شيعبرة ؟؟
.
.
#شعراء_وذاوقين_الشعر_الشعبي #غني_محسن
#ابو_تراب

.
سلس ما اصير وابقى بكيفك انكاد
وحطب ما اصير وانت بعازة النار
جنت زهرة شمس هسة انا صبير
ما ادير وي شمسك وين تندار
كاتلني العطش بس بالي مرتاح
اشرب بالرمل ما اذل للنهار
وي الكاع طولي ومن تجي الريح
اضل ثابت انا وتهتز الاشجار
.
.
#شعراء_وذواقين_الشعر_الشعبي
#سمير_صبيح
#ابو_تراب

.
حنيت وصورك شفتها
والضحكة ذيج تذكرتها
ومن شافتك عيني العفتها
طاحت على الصورة وشلتها
ما اكلك شكد طاحت دموع
كل اخ تطلع طولها اسبوع
مالت ابن ادم ظهرة مكطوع
ومدري شرفس من تحت الظلوع ؟!
واذكرت صوت الليل مسموع
منها وحجينا بغير موضوع
ضلت بگلبي الما كلتها
ديرة وجهكم مو وكتها
.
.
#شعراء_وذاوقين_الشعر_الشعبي
#نهاد_الخيكاني
#ابو_تراب

.
بزعلنه الناس عرفت لزمت الباب
تريد اليوم تعرف شنهو الاسباب ؟
اسمعوا قصتي بلسان دموعي التسيل
ومن رسومي عرفوها التفاصيل
والتسولف دموعه شلون جذاب !
طبع بية اسامح ياهو اليعيل
واشيل الدنيا كلها وزعل ما اشيل
فرح صوغتنه واعراس ومحابس
كبرنه وللزعل ما النا واهس
شتكول نتراضى ونرجع احباب
.
.
#شعراء_وذاوقين_الشعر_الشعبي
#حامد_الشمري
#ابو_تراب

.
بعد شيرجعة انتهى البيناتنه
لا اسفنه يفيد لا دمعاتنه
ما يرجعنا الندم
احنا داخلنا انهدم
ومر قطار الشوك عدا وفاتنه
احنا من خاطر علاقتنا انكسر
ما اتنازلنا ولا بينه أنجبر
صار همنا الغلط من عدمن بدر
طبعآ تسيئ الامور
احنا مالينه الغرور
وكلمة ما نتحمل اثنيناتنه
بعد شيرجعة انتهى البيناتنه


.
#شعراء_وذاوقين_الشعر_الشعبي
#رائد_ابو_فتيان
#ابو_تراب

.
روحي ولا تكلها شبيج وانت الماي
مكطوعة مثل خيط السمج روحي
حلاوة ليل محروكة حرك روحي
حمرية كصب مهزومة بالفاله ولك روحي
.
.
#شعراء_وذاوقين_الشعر_الشعبي
#مظفر_النواب
#ابو_تراب

.
ما مرتاح
من العدل من المات من الجاي
من الراح
عركة ويا الزمن وارجعنا مكسورين
وبعيدة المسافة وينسي الي طاح

.
.
.
#شعراء_وذواقين_الشعر_الشعبي
#الكاطع
#ابو_تراب

.
انا كبران متعرفوني حقكم
تجاعيدي وسماري وشيبي منكم
والله اثنينه نفس المواليد
قبل لا اشوفكم جنت بكبركم
.
.
#شعراء_وذواقين_الشعر_الشعبي
#مثنى_كامل
#ابو_تراب

.
اذكرج يا حنينه بضيجة الروح
واذا جان الجبل ينزاح همي
اشكال الورد والعطر ويفوح
ما يوصل عطر ل بشيلة امي
.
.
#شعراء_وذواقين_الشعر_الشعبي
#جبار_رشيد
#ابو_تراب

.
حنينه بس ندري الوكت ما يقتنع يجمعنا
دمعنه وتشابكنه وتفاركنا !!!
.
.
#شعراء_وذواقين_الشعر_الشعبي
#حسين_السعيدي
#ابو_تراب

.
صار سنين امر على الباب
والي يومين ما مريت اجاني الباب !
.
.
#شعراء_وذواقين_الشعر_الشعبي #محمد_الغريب
#ابو_تراب

.
غلطة ممكن تذلنه
من نشغل نفسنا بناس لكن هم مو النه
يجيهم يوم بي يرحون
وكل العدنه تبقى عيون بيها دموع مفضوحه
تحضن نظرة مذبوحه
وبهذا الوقت نلام
مو الا النحبه يكون كوة جفوفنه تلوحه
ذاك مبين البي شوك
من يشتاكلك وتغيب تلكى بابكم روحه
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
شيعوضني الدمع واني الخسرته هواي
وعلى رمله امل كل عمري وشلته
انا الباكو نهاري ورحت ادوره بليل
وبالمسودن طبع ميعوف سالفته
على نفس الدرب ذبولي بس الصوف
حتى ارجع وكول اذياب ماكلتـــــه

.
.
#شعراء_وذاوقين_الشعر_الشعبي
#سمير_صبيح
#ابو_تراب

طفيتك جمر كوه بطلاع الروح
من الدخان سوده الدمعه الابجيهــا
حبني لوحدك كون انه مو وياك
وادوار الضحيه لغيري خليهــــــا
خضت التجربه وضكت االخساره شلون
مره شما خطتهه وردت احليها
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
شيفيد بينه الحرز حدر المخدة صياح
.
.
#شعراء_وذاوقين_الشعر_الشعبي
#الكاطع
#ابو_تراب

.
لا تعتذر ما يلتم ال يتشضى
بس البشر من يخسر الله يعوضه
والجايات هواي والدنيا بخير
والعاف واحد مثلي يا ول حضه
.
.
#شعراء_وذاوقين_الشعر_الشعبي
#حسين_السلطاني
#ابو_تراب