بالموادع بروحي يصير تابوت
وبالملاكة هلاهل دمعتي تصير
اكو حضنه ملاكة وحضنه وداع
ياهي تريد منهن من الاكيك
كلت ملحك بجرحي وغزر وياي
واكلت سنين عمري وما مضن بيك
الله انطاك عمري وعشت وياي
وي غير شتضن هم الله ينطيك ؟

.
.
#شعراء_وذاوقين_الشعر_الشعبي
#علي_رشم
#ابو_تراب

.
شفتك و روحي تطشرت
شيلمني وانا بالعمر
نص مني ضل يمك عدل
وعلى الثاني اقرا الفاتحة
هيج انا حالي بشوفتك
ضلت انفاسي معلكه
جن ريشة وبعالي الهوا
لا صاعدة ولا طايحة
.
.
#شعراء_وذواقين_الشعر_الشعبي
#عبدالله_الشاوي
#ابو_تراب

.
اني من گلبي بعدتك تدري ليش ؟
مو لان ناسيك لو قل العشك
گلبي بيتك وانت عايش دوم بي
من بعدتك مو لان حتى افترك
احترك گلبي زين ما جنت انت بي
لان لو بي جنت لازم تحترك
.
.
#شعراء_وذواقين_الشعر_الشعبي
#منقول
#ابو_تراب

.
احاول قدر الامكان
اعرف غيرك انسان
والكى بالي كله يمك
شسوي ماكو نسيان
واصل بية الادمان
ناسي اسمي وحافظ اسمك
طلعت ما اكدر بلياك
لسه بالي وگلبي وياك
هاي هيه
مو بدية
ما كتبلي ربك انساك
.
.
#شعراء_وذواقين_الشعر_الشعبي
#منقول
#ابو_تراب

.
تدري كل ليلة ورى فراكك عشتها
لو تشوف البية ترجع
خايف وضليت احرك الميل بأيدي
حتى تمشي الساعة اسرع
اوكف اذا مسموح
علمني اعيش وروح
وشلون وي الجروح
اذا تزيد ؟
تريد الصدك تعبان
من فترة ما فرحان
اي شي عدا النسيان
ماريد
حبيبي ومحد يعوض مكانك
وتدري مفتقد جدا حنانك
حبيبي ما كدرت انسى
وگلبي ما كدر يقسى
انت المحد يعوض مكانك
.
.
#شعراء_وذواقين_الشعر_الشعبي
#باهر_الجنديل
#ابو_تراب

• .
تبارينا الذمم والحب طويناه
وشمرنا الذكريات حجارة بالبير
ما دام النهر ضيك عبرناه
وكلمن خلي يذكر صاحبه بخير
صدك عدنا هدف بس ما وصلنا
مشي الحفاي نمشي اعلى المسامير
ولو كلشي اليضيع النا منلكاه
خشب ويصير بحلوك المناشير
شلك ب انسان مثلي الدهر شلاه
احسن ما اطيح وبية تحير
لو يدري رحيم البشر وياه
ربك ما يسوي جناح للطير
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
كسرتك باقية شكد ما قصص مرت
تخيل انت عفت انسان جان يشوفك بعمره
عوض عن امه الي توفت
.
.
#شعراء_وذاوقين_الشعر_الشعبي
#سجاد_صباح
#ابو_تراب

.
كل ذاك الحجيته وياك خارج قوس
بس هاي التجي بقوسين دخلها
انا بروحي الندم نايم وقانع بي
خايف لو كعد حاجيني شيحلها ؟
.
.
#شعراء_وذاوقين_الشعر_الشعبي
#سمير_صبيح
#ابو_تراب

من الجاي اريد ابتدي وامسح بداياتي
ما اريد اخسر بعد كثرن خساراتي
قسمة وكتبلي الزمن وبقسمتي راضي
شحصلت غير التعب من عشرة الماضي
والماضي هسة انتهى والعبرة بالأتي
چان البرد من يجي ينلچمن جروحي
وتنطفي نار الدفو وادفى انا بروحي
وتاخذني رجفة شته
ويلفني ب ايدة الريح
وتتمنى عيني البچي
وما يرضى دمعي يطيح
متزاعل اويه الرمش بأول محطاتي
.
.
#شعراء_وذاوقين_الشعر_الشعبي
#حمزة_الحلفي
#ابو_تراب

.
ليش وانت بعيد احبك
ومن جنت وياي كل ساع نتعارك
.
.
#شعراء_وذواقين_الشعر_الشعبي
#الكاطع
#ابو_تراب

.
لهسة ما عشكنه اعليك
وانت الطوك والمحبس
يطير الماي يا نورس
اغنيلك ؟ شغنيلك !
اغني شلون وانا اخرس
.
.
#شعراء_وذواقين_الشعر_الشعبي
#محسن_الخياط
#ابو_تراب

.
العلية سألوك هم سألوني واحتاريت
سويتك نبي وكلت انجبر حكه
اناشغ والبجي يوصل لسابع ليل
وفشلتي بدمعة تبدي وتنتهي بصفكه
طش بديرتي حتى التفت والكاك
اختنك صدري ومتت بمدافع السحكه
.
.
#شعراء_وذواقين_الشعر_الشعبي
#علي_رشم
#ابو_تراب

.
نفذ صبري اعلى روحي وراح اجويها
واحاسبها واذلها والا انسيها
واطلعلها گلب مو اي درب تمشي
واراويها وجه جناز كاضيها
شفت نجم الظهر حد ما جبتها الراك
اقل روجة تجي تردها اعلى ماضيها
ما كضت گلب من وحدة من اثنين
العتمة بيا دليل بعتمة تضويها
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

لو صابر أنتَ عليّ
صدگني أعوضك عُمر
بَس انتَ هيچي رحت
مافكرت تنتظر
گتلك حياتي إلك
وشيصير مابدلك
والجرح بية بقى
لو بيك ماعفتة
جائز اكون السَبب
وجائز تكون أنتَ
بَس هي رحلة عمر
وكلشي أنتهى بوكتة
صفحه وطواها الزمن
رحلة انتهت وبثمن
وبين چبير الفرق
وين اني وين انتَ!
.
.
#شعراء_وذاوقين_الشعر_الشعبي
#خضير_هادي
#ابو_تراب

.
صاحبته بغلات الزلم صحبة يوم ما قصر
تريك بالگلب وتغدى بالجتفين
وضم مني سهم لليل تجواعه
ومشاني بدرب بس الدرب شبرين
حتى تلوحني ذراعه
.
.
#شعراء_وذواقين_الشعر_الشعبي
#الكاطع
#ابو_تراب

.
وثيقة بكل فخر گلبي ... وثقلاك
جبل ما شفت بأخلاقك ... وثقلاك
الك يرخص دمع عيني ... وثق لك
الگلب لمن يدك يوكع بأدية

حبيبي بيا بخت وياي ... شديت
وعدا هجرك الي شقدمت ... شديت؟
ب اصبعك حتى تذكر خيط ... شديت
نحصر دمك ولا فكرت بية


.
.
#شعراء_وذاوقين_الشعر_الشعبي
#جبار_رشيد
#ابو_تراب

اخاف تعود ما تلكالك مچان
صوجك خلصتها وياي زعلان
انا خدران گلبي وجدمي خدران
مكانك راح اسدة بيش ما كان
.
.
#شعراء_وذواقين_الشعر_الشعبي
#منقول
#ابو_تراب

.
بينك بين كلبي عركت أحباب
و انه ابيناتهم واكف افازع
مثل ام و تفازع بين خوان
ثنين اعزاز كلي المن تدافع ؟؟
.
.
.
.
#شعراء_وذاوقين_الشعر_الشعبي
#غسان_المكصوصي
#ابو_تراب

.
طير شايه كسروا جناحي وعليت
مو مسيطر لچن بعدك وين احط !
والله ما مقهور چي مني خذاك
المشكلة بيناتكم ماكو ربط
حتى بالطيف اسمع الشامت يكول
شكد چبيرة عليك ولفك مرتبط
اشتهيت ابچي منو يدايني عين ؟
كون تنباع بثمن جان اشتريت
من اغربل عيني جم حسرة التطيح
وكع لون خدودي من كد ما بچيت
حسرتي تدفعك وصلت ل هيج حال
هاي سهلة المشكلة بيوم المشيت
صافنه بشفتي الجكارة ومن خذاك
وصلت الجمرة ل لهاتي وما دريت
.
.
#شعراء_وذاوقين_الشعر_الشعبي
#رفعت_الصافي
#ابو_تراب

.
ازاعلنه ورجعت من الزعل مخنوك
ما اذكر شسولفنه وشسويت
ركض صيح بچى شيذكر المحروك ؟
رجعت منك وشايل تعبي فوك الراس
مثل ما ترجع العربيه من السوك
ادور انسان طايح مثلي واشكيلة
بس ها مثلي ما مشبوك !
ادور ماكو وادم طايحين وياي
انا الخصلة الوحيدة الطايحة من الطوك
رجعت اتلمس بصدري وادور وين گلبي دوارة المبيوك
شلون اتلاحك البروح يتكسر
وانا خواف من صغير ما اتلاحك الماعون من يطيح
اغمض عيوني واتكتر
بجيت وفوك ما تصور اصور
ضكت كل الحزن حزن الوداع  الموت
بس الله ولحد حزن المعير
.
.
#شعراء_وذاوقين_الشعر_الشعبي
#سعد_شميل
#ابو_تراب