.
يا بعد روحي انتظرتك
يوم وهلال وسنه
وانا من يوم العرفتك
يجري نهرك بس ضنه
رغم هذا اشتاك الك
ياهو غيري دللك
وهاي تاليت الدلال
يا بعد روحي تعال
.
.
.
#شعراء_وذواقين_الشعر_الشعبي
#منقول
#ابو_تراب

.
ابد لا تنفعل وصيت الرموش
يا مايع بين ادي يا طيب الانفاس
نام انت عوافي اتغطى بالروح
وانا اغزل للصبح بخيوط النعاس
كضيت الليل كله اسله بأثنين
مرة بالجكارة ومرة بالكاس
كالوا اصبرلها وكلت لا بأس
انا محد فادني شكد عاشرت ناس
انا صندوك فضة مرصع هموم
ويسألوني شجاك مشيب الراس
تعب هاي الحياة هموم والألم
وعلى هالدنيا الله يساعد الناس
.
.
.
#شعراء_وذواقين_الشعر_الشعبي
#منقول
#ابو_تراب

.
جم زلة منك بينت
ما جيت اعاتب مرة
ومن عشرتك كلي شفت ؟
غير ألالم والحسرة
انا ادري يهواك الگلب
وبعدك يعذب حالي
وادري اليحب ليلة صعب
هايم يضل للتالي
.
.
.
.
#شعراء_وذواقين_الشعر_الشعبي
#زامل_سعيد_فتاح
#ابو_تراب

.
شيعودني على غيابك وانا بكل ساعة اكول تعود
ولا اصدك رحت مني وياي بكل وكت موجود
بخيالي كل تفاصيلك
ما اعرف شسويلك
هم مثلي صعب ليلك
لو مرتاح من دوني
هم تشتاگلي بكدي
لو هي ازمة وتعدي
الدمع والله حفر خدي
وتارك حركة بعيوني
.
.
.
#شعراء_وذواقين_الشعر_الشعبي
#علي_الدلفي
#ابو_تراب

.
زين وناس اكو و ما عندك عيون
انا عيون عندي وما شفت ناس
كبل عباس اكو بس ما لكى جفوف
هسة جفوف اكو بس ماكو عباس

اكو باقين بس عن گلبي راحوا
واكو راحوا بنص الگلب باقين
غلط كل ادمي تسمونه انسان
وجريمة كل علي تسمونه ابو حسين
.
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

.
يا عين لا تبجين يا عين
كفي الدمع وارتاحي يا عين
لا سافروا يا عين وانساهم
ولا خلصت دنياي وياهم
بالگلب مرسومين يا عين
شجرة زرعناهم وتانينه
بس من ثمرهم خالية ادينه
مثل الشموع انطفوا يا عين
ما ودعونا ومشوا يا عين
وبروحي مكتوبين يا عين
كالولي عام وتنسى غيابك
وما اضن بعد حزنك يدك بابك
شو مرت الايام يا عين
وبروحي هم ينام يا عين
لا انا النسيت ولا انتي تنسين
يا عين لا تبجين يا عين
.
.
.
#شعراء_وذواقين_الشعر_الشعبي
#منقول
#ابو_تراب

.
خلص باكيت الجكاير بالدرب
صرت اشرب بروحي
وصعد دخان گلبي لغيمة الوهواس
دليني يا كبرك وين
جبتلك ياس لا يذبل بأدية الياس
ولكيته مكانك هذا
بس انت لوحدك بي
ابد لمن شفت كبرك كلت مدفونه كل الناس
.
.
.
#شعراء_وذواقين_الشعر_الشعبي
#الكاطع
#ابو_تراب

.
شيبي والكبر موضوع ثاني
انا ياما دمع بلل ارداني
حجيهن ثوب اسود لبساني
محاجيهن سحر يعكد لساني
قل شوفي وادور عن مكاني
واخجل لو رجف بأيدي استكاني
الصحح دفتري حاقد اناني
عرف بية احب واكتب اغاني
صحح دفتري بس منصفاني
خذت مية انجحت بس رسباني

الجكارة بنار دلالي ... ورثها
واعاين دنيتي وينه ... ورثها
دخذها الروح ترثيلك ... ورثها
ساعة انت تنوح وساعة هية
.
.
.
#شعراء_وذواقين_الشعر_الشعبي
#منقول
#ابو_تراب

.
يا وسفة طلعت جذاب
حسبالي توافي انت
ويا وسفة اعلى عمري الفات
هيج وياك ضيعته
كل الصوج من گلبي
على الطيبات متربي
حيل وياه خل يرتاح عافه الجان سالفته
حسبالي توافي انت
توديلي الية اخبار تكول نسيته لا يتاني
بحضني انت وكلت ناسيك هسة تريد تنساني
حتى بروحك انت تخون
اعيش وياك كلي شلون
امانه الگلب ضل وياك ونجم الظهر شوفته
حسبالي توافي انت
ثاري انت جنت وياي وكتك رايد تخلصة
وعلى نيتي جنت وياك عايش حبك بقصة
دور غيري احسلك
واحد شوفه هم مثلك
خاطر ما يفكر بيك وما يهمه لون عفته
حسبالي توافي انت
.
.
.
#شعراء_وذواقين_الشعر_الشعبي
#منقول
#ابو_تراب

.
شتكولون اصبغة الشيب ؟ بس لا عيب من تالي
وعليمن صابغ وتعبان عگب ما راح ال ابالي
ايدي ب ايدة وباله مو يم بالي
سارحه افكاره وميدري بحالي
بين ادية وتعذبت
احجي ويگلي شكلت ؟
الله يدري يفكر بيا غالي
.
.
.
#شعراء_وذاوقين_الشعر_الشعبي
#منقول
#ابو_تراب

.
الدنيا فراك لابد نفترك فد يوم
جنت غلطان حسبتك تضل للدوم
ادور عنك بعيني
واشوفك دمعة تجويني
احسك بعدك بروحي
جرح ما يشبه جروحي
اخذني وياك صعبه انساك
ردت الموت انا بلياك
من بعدك عشت محروم
الدنيا فراك لابد نفترك فد يوم
ادور ذكرياتك والصور بالعين
حضنك هسة اريدة كلي اجيبه منين
يا عشرة محبة وصايرلها سنين
قدر مكتوب هجرانك
شيعلمني اعلى نسيانك
اخذني وياك صعبة انساك
ردت الموت انا بلياك
من بعدك عشت محروم
الدنيا فراك لابد نفترك فد يوم
.
.
.
#حازم_جابر
#شعراء_وذاوقين_الشعر_الشعبي
#ابو_تراب

.
الزمن ما يوم شفنه ... راحة منه
ومن بعدوا علينه ... راح املنه
تكلي شراح منكم ... راح منه
چثير وضلت العلة خفية

وكتنه شلون ترجى ... راحة منه
وهو يا يوم گلبه ... راحمنه
الي راح منك ... راح منه
وخسارتنه سوى وهمنه سوية
.
.
.
#شعراء_وذاوقين_الشعر_الشعبي
#الكاطع
#ابو_تراب

.
علامة الصبر ليش اصبر علامة
بحبل الموت حبل الروح مشدود
جسر ويعود لا تكلي بسلامة
اذا كال القدر ميعود ميعود
حر الصيد ينصاد بحمامة
وبركع للممات الشوف مسدود
انا الطب ولكى بروحة غرامة
مكتول وعلى السجين مسنود
واداة القتل مطعون بملامة
وراسم من نزيفة عيون وخدود
كلت بلكي الصدى حافظ كلامة
ما ادور نفي واثبات وشهود
خرسة الكاع وتحذر النعامة
ولسان الصدك بالخوف معكود
من المعدم الى اصحاب الفخامة
ومرورآ بالبطر والعاش مكرود
اسم مخطوط تالينه برخامة
فوك الكاع اسم والطين للدود
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
زعلان بس يا زعل لمن ترد للصدك
كبل المنادة اجي وشلون جيه اجي
اركض ركض محترك
بعدك صدك جربت نمت ويا غيرك سنه
وفزيت جني بحلم شابك جروحي شبك
وبعدك صدك حاولت
والكيت في وعطر عند لشعرها فرك
ولكيت مرسى بجرف بحر العيون الزك
بس ما لكيت الوفى والله عشكنه عشك
يالذتك بريتي
وين الكى مثلك هوا لولاك والله اختنك
هي شراكه نفس لو سكت گلبك سكت گلبي
ويدك لو يدك
جيتك بليلة شتى ضلمه ومطرها رشك
وشبعده صار الدرب خوف ورعيد وثلج
وجفوف ادية زرك
ابابك طحت ها كمت ضميت ادية وردت
على الباب بالروح ادك
بس كالوا المن تدك كلمن مشى لحالته
واحد سكن بالغرب واحد سكن بالشرك
وكل هالمسافة البعد وسوالفك تنسمع
جن احنه حلك بحلك
.
.
#شعراء_وذواقين_الشعر_الشعبي
#الكاطع
#ابو_تراب

.
نسيت وصدكت كلت انا ناسيك
اول ما نسيتك فكرت بيك
شلتك من لساني
اتصلت بشخص ثاني
كلت حاجيت غيرك ثاري احاجيك
افز بالليل گلبي وانا ادفي
طفل بأسمك ينادي شلون انسي
عفت البيت كله الصورتك بي
شلون اباب ذاك البيت الاكي
شلتك من لساني
اتصلت برقم ثاني
كلت حاجيت غيرك ثاري احاجيك
.
.
.
#شعراء_وذواقين_الشعر_الشعبي
#صباح_الهلالي
#ابو_تراب

.
خلص روحي صبرها وانت ما اجيت
خايف ناسي حبنه وغيري حبيت
لا تبعد علية صعبة
احس بدونك بغربة
تعال ارجع لي من البعد مليت
اجيك بشوك ولا ازعل عليك
واخليك بوسط روحي واداريك
جنت وانت يمي واني مشتاك
روحين بجسد ميهمنه الفراك
لا تبعد علية صعبة
احس بدونك بغربة
خلص روحي صبرها وانت ما اجيت
اريدك يمي ماريدك بعيد
وانا مشتاك اشوفك من جديد
اني وگلبي منتظرك على نار
صار هواي ما وصلتني الاخبار
لا تبعد علية صعبة
احس بدونك بغربة
خلص روحي صبرها وانت ما اجيت
.
.
#شعراء_وذواقين_الشعر_الشعبي
#منقول
#ابو_تراب

.
والله زمن صارلنا ما شفناكم
بعد السنين العشنه بيها وياكم
كون هسة انكلب طير
بوسة فوك الخد اصير
واصحى من نومي وافز والكاكم
بعيني دمعة وخايف من ابجيها
خاف اغمض عيني ساعة لان صوركم بيها
كون اشد رمش العيون
ساعة البيها تجون
واصحى من نومي وافز والكاكم
.
.
#شعراء_وذواقين_الشعر_الشعبي
#علي_العتابي
#ابو_تراب

.
احبك لچن ما اكدر احاجيك
واكضي العمر كله شلون بشلون
وبس اصرف نظر لمن الاكيك
وعلى دربك تصد وتربي العيون
.
.
.
#شعراء_وذواقين_الشعر_الشعبي
#منقول
#ابو_تراب

.
اوكف يا زمن وياك الحساب
خذت مني العزيز بغير اسباب
اخذته شلون مني
ضوة عيوني هذني
كمرنه من وكت يا للاسف غاب
اوكف يا زمن بفراكه شلونه
شيصبر حالتي شينوم العيون
اهي الناس لبعضها
وعشرتنه تفضها ؟
كمرنه من وكت يا للاسف غاب
اوكف يا زمن الراح اريدة
صارت جيته ادري بعيدة
لا ما اسامحك لا
كضيت العمر ويا
كمرنه من وكت يا للاسف غاب
.
.
#شعراء_وذواقين_الشعر_الشعبي
#عباس_الحميدي
#ابو_تراب

.
نفسة الوجع نفسة
لا بيك حظ وتجي ولا بية حظ وانسى
البارحة اتذكرت كل لحظة بيها سوى
وكبران چني سنة من البارحة لهسة
معقولة عشرة عمر ماخذها للونسة
وللعشرة مالك خلك
بوجهي مذلة جنت مرسالك اتشمرة
جن زاد للمعركة يشمرونه للاسرى
.
.
.
#شعراء_وذواقين_الشعر_الشعبي
#سعد_شميل
#ابو_تراب