.
اخذني وياك هناك ل ماي گلبك
بلكي روحي تنام
عصفورة جرف بلل جنحها الخوف
اخذني وياك
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
متت ما اعرف اخبارك
امس مريت من دارك
ومن شفت الضوة طافي عرفتك ما متانيني
ما نرجع بعد عشاك
لا هالمرة ما زعلان ناسيني
.
.
.
.
#شعراء_وذواقين_الشعر_الشعبي
#حسين_محمد
#ابو_تراب

.
اول مرة احس مرتاح من دونك
وعيونك ولا مشتاك لعيونك
تكلهم ما وفالي ضحكتني بهاي
هسة انت حبيبي بالوفة شلونك
.
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

.
حط خشمك بصدري استورح العطاب
جا شفت الحرارة وشتسوي النار
بس يا حيف ماكو بالضلع سحاب
جاي من الغروب تكلي شمسك وين؟
لو رايد شمس جا ما صرت سرداب
لو يدرن جروحي بيك لمن جيت
جا طلعن عرايا وشككن الثياب
.
.
.
.
#شعراء_وذواقين_الشعر_الشعبي
#الكاطع
#HM

.
حط سماعته بصدري
هز ايده وبجى الدكتور
مدري شكال للوياه
المهم ما قصر ومعذور
اجيت الليلة اودعكم
اسكت وانتوا اسمعوني
اريد اشبع حجي منكم
قبل لا اغمض عيوني
الزعل والفركة عوفوهن
بعد ما ضل وكت نحلف
هو العنده يمشي وياه
ابنادم يبقى بس موقف
وانا اخر حجي عندي
واجيت الليلة اودعكم
شكثر بعتوني للغربة
ولا مرة بعت منكم
.
.
.
#شعراء_وذواقين_الشعر_الشعبي
#عزام_الشمري
#ابو_تراب

.
بعيدآ عني ضروفي وعن ضروفك
انتهى البيناتنه بس ارد اشوفك
شعليها المشاعر بالقرارات
انا العايفك وانطر حروفك
مجربهن واتعس شي بالفراك
من ماريد اعوفك بس اعوفك
.
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

• .
انا بلياك مدري شبية ما بية
زلف وبلاية ترجية
درب ما بية كل جية
نهر فاض وتبع مية
رجع بس ما لكاله جروف
كون تشوف روحي شخله بيها الخوف
مطلوبة نذر وتخاف ما توصل حضرتك من بعيد تطوف
.
.
.
.
#شعراء_وذواقين_الشعر_الشعبي
#جبار_رشيد
#ابو_تراب

.
هواي تندمت ما ادري هيج يصير
لو ادري من الاول انهي موضوعي
طلع جذاب ذاك الكلي اطفي النار
جاب النار كلها وحطها بضلوعي
ذنبي وصدكت ياهو اليصدك ريح
واني تقشمرت وانطيتها شموعي
ما احملك ذنب عمي انت مو غلطان
ذنبي كبالك انت ونزلت دموعي
.
.
.
#شعراء_وذواقين_الشعر_الشعبي
#محمد_رحيمة
#ابو_تراب

.
انا لحالي احبك هيج انا لحالي
لا انا الرخيص ولا انت الغالي
ما ادري وعيت الا وكبل ايام
صار سنين اجد بحلك جتالي
ترافه ومستحى وتنزف نزف طيب
وفي ومخلص الانسان المثالي
كلهن ذني جنت وياي تمثيل
راح اسودن وما تدخل ابالي
.
.
.
#شعراء_وذواقين_الشعر_الشعبي
#منقول
#ابو_تراب

.
ردت انهض ما اكدر انهض
ردت اصرخ ما اكدر اصرخ
ابجي وما تنزل دمعات
ضل بس واحد كاعد يمي
شال ايده ودك اعلى جتافي
ما تكدر تصرخ هيات
هذا الكاعد لا مو انت
ذاك انت ال على مسرح مات
.
.
.
#شعراء_وذواقين_الشعر_الشعبي
#نائل_المظفر
#ابو_تراب

.
مو نفس الجنت كل ليلة احس بي
مدري شماله هالمرة الوجع زاد
مو بس النفس و الغرفة والبيت
امس حسيت ضاكت بية بغداد
.
.
.
#شعراء_وذواقين_الشعر_الشعبي
#علي_العربي
#ابو_تراب

.
گلبي فارك احلى ناس اهواهم
وين يا ربي بعد الكاهم
يمي جانوا واختلف انا بهواي
انسى روحي وابد ما انساهم
يمي من جانوا يجون
العله البگلبي تهون
و عمري ما يخلص احس وياهم
راحوا وعافولي بس الذكريات
واشبع جروح بكثر ذكراهم
.
.
.
#شعراء_وذواقين_الشعر_الشعبي
#منقول
#ابو_تراب

.
انا موصي الجروح يلبسن ثياب
مو لجل الستر بس خاف امر بيك
اكو حضنه ملاكه وحضنه وداع
ياهو تريد منهن من الاكيك ؟
.
.
.
#شعراء_وذواقين_الشعر_الشعبي
#علي_رشم
#ابو_تراب

.
انا المن شيب شيابي ... شبع ضام
ويگلبي الما شبع منك ... شبع ضام
اشوف الولف من ولفه ... شبع ضم
وانا الضمت الكبر ما تصح لية


سلاحك من كلتلي ... بيعة الية
تريد تهد يصاحب ... بية علية
وحك كل گلب مخلص ... بية علية
اعثرك لو نويت تعيل بية
.
.
.
.
#شعراء_وذاوقين_الشعر_الشعبي
#كريم_الحاتمي
#ابو_تراب

.
شكد دعينالك تجينه
ما طفى الشوك ونسينه
تسمع الفرحة بجينه
وينك حبيبي
لا نسينه ولا تعبنه
ولا قنع واحد گلبنه
وينك حبيبي
عالية انفاس انتظارك
الروح محتاجة لخضارك
يا حبيبي وين دارك
وينك حبيبي
.
.
.
#شعراء_وذواقين_الشعر_الشعبي
#فاضل_حسن
#ابو_تراب

.
انتهينه
وانتهى الما ينتهي وخلص حجينه
انتهينه وبقت كطرات الوفى المذبوح تتناثر علينه
وبقت للمجفين كومه اسرار عد روحي الامينه
وكون نستاهد عتبنه يفيد بيهم عاتبينه
وكون يسوون البچي جا ب اثنعش ناظر بچينه
.
.
.
#شعراء_وذواقين_الشعر_الشعبي
#الكاطع
#ابو_تراب

.
شجابك على العشك كاعد تسولف بي
وشيعنيلك الليل وبيمن يذكرك ؟
بروحي بدمعتي ؟ الصارت برخص الماي !
وارخص بعد صارت صارت بسعرك
ال بعقلك لعب تشمر محبتي أبير
شتقنعني بعد ما لاعب بشعرك ؟
عثگ برحي شعلية لو بقى بدون فياي
اضل انزف عسل كلما كثر حرك
.
.
.
#شعراء_وذاوقين_الشعر_الشعبي
#منقول
#ابو_تراب

.
ليش ما كلتي من الاول ابتعد وانساني
وليش ما كلتي من الاول لا تدك بيباني
ليش من بعد الحنين
وقصة كتبتها السنين
جاية تكوليلي انسى في حياتي شخص ثاني
ليش ما كلتيلي ابعد
قبل ما يجمعنه موعد
جان ساعتها اعذرج واكتم اشواكي واداري
جان يمكن اكدر انسى بأيدي او الغي اختياري
.
.
.
#شعراء_وذاوقين_الشعر_الشعبي
#عزيز_الرسام
#ابو_تراب

.
محطة بصف محطة ومحد يدليك
هنانه تعيش موقف لازم يخسرك
من متاني شخص اخرك عن الناس
ورحت لشخص ثاني هناك منتظرك
الصعبة اعليك من ما تلكى المتانيك ؟
لو من ترجع وما تلكى ال مأخرك
.
.
.
.
#شعراء_وذواقين_الشعر_الشعبي
#محمد_الشمري
#ابو_تراب

.
يا روح چنج كمتي تنسين
عده الغروب وما تونين
وانا الكبل حاسبلج حساب
عدلة وراهم ما تضلين
دمعج وشم دكي اعلى الخد
وخياط اعلى جلدج خيطي الاسود
لو انتي ميته وهم عدلين
جان وعلي يسوون الازيد
.
.
.
#شعراء_وذواقين_الشعر_الشعبي
#منقول
#ابو_تراب