.
ادك بابك عليمن باب وبسرداب
ليش ارجه الهلا ودري بكفاك كبور
طحت مره وجيتك الهث وفحطان
ماشلتك صدك موخبث لامجبور
لو اثلم صفاحك لو تضل مطروح
بشر ماتنطي لزمه چن رماد بخور
.
.
.
.
#شعراء_وذواقين_الشعر_الشعبي
#سعد_شميل
#فـطومۿہ

عليك وبس
من أغتاظ
أغمْض عيوني بدموعي
وزاعل غبشة عيونك
عليك وبس
من أزعل
أكَلك من صدك رايح
وآصيحن وينك ؟ آلزمني
وآذب راسي على متونك
شكَد آبيض زعل كَلبي عليك
آشكَد ترف غيظي
شكثر محظوظ ، خيعونك
.
.
.
.


#شعراء_وذواقين_الشعر_الشعبي
#عبد_الكريم_القصاب
#فـطومۿہ

مَزاجي و ما احس بالدنيا تفهمني
ما ادري الخلل بالناس لو مني
مرات احب كلش انعزل و ابعد
و مرات اجتماعي و ما ارد احد
مَرة الگاني ساكت، مَرة احچي هواي
نوبه اكره اليمي و نوبه احب الجاي
اتعب رغم اعرف ماكو شي بيّه
عايش وَي خيالي و بين الأغنيّه
و لأن ما رايد الناس اتعرف حزني
- عفت بس الأغاني يعبرن عَني ..

.
.
.
.
#شعراء_وذواقين_الشعر_الشعبي
#احمد_ابراهيم
#فـطومۿہ

.
باجر عيد..
باجر دموع الحزن تندل دربها
باجر من اشتاگلك ياديره اطبها
الليله اكلب بالرسايل
بلكي منك عيدك مبارك واحبها
الليله اعايد ذكرياتك وحده وحده
واطفه سكته
شلي بالعيد وضحكته..؟
شلي بالناس التعايد..ماكو انتَ؟
.
.
.
.
#شعراء_وذواقين_الشعر_الشعبي
#فواز_رشم
#فـطومۿہ

.
يا عيد باجر تجي تلگانة نضحك جذب
وگلوبنة محملة ضيم وجفة وعازة
ميلوك النة الفرح هم شايف انتَ
ضحك لاگ اعلة جنازة
.
.
.
.
#شعراء_وذواقين_الشعر_الشعبي
#حكيم_الفريجي
#فـطومۿہ

.
هذا العيد احير شلون اعايد
انا فاكد هواي احباب فاكد
بيش تفيد الايامك سعيدة
للمحبوبته عنه بعيدة
ويومية نقص من عدنا واحد
هذاك العيد جانت كلها يمي
حبيبي و صاحبي وجيراني وامي
هسة لوحدي يا وحشة العيد
احسن كلشي اريد وكلشي ماريد
انا زعلان من الزاعلوني
لا اروحلهم ولا هم يجوني
هم معاندين واني اعاند
.
.
.
.
#شعراء_وذواقين_الشعر_الشعبي
#زيد_السومري
#ابو_تراب

• .
زعلان منه لخاطره ولخاطرة ما سامحت
مر اعلى بالي ودنكت لا اشرتله ولا صحت
زعلان منه ومن نمت
من الشوك ميت صبحت
عيونه واحلامه وصفنته ولهفته ودن علية وما رحت
ووصيت روحي اياج تنطي وجه لمن يجي
ان صالحج ما صالحج
اعصابي سواهن حبل
ويتمرجح بواهس طفل
وما جنت اخلي بخاطرة وما كتله ياما تمرجحت
.
.
.
.
#شعراء_وذاوقين_الشعر_الشعبي
#جبار_رشيد
#ابو_تراب

• .
شكد جان بعيونك هلا لمن جنت ماعرفك
ومو ايدي احس جنحان الي لمن كعدت بصفك
وديتني لكل التفاصيل اليحبها الحالم
وفزيت لنك واحد يجذب علية ويكلي ضرفي وضرفك
اه يالعيونك والي جروحك وسعه
هدني ارد اذب روحي اعلى اقرب دمعه
طلعت صوتي يا الجنت حجي العيون تسمعه
صح جنت للجية وطن
بس البجن يتعلمن
وخليها بأذنك للزمن
مو كلشي بالروحه انكسر يتصلح وي الرجعه
.
.
.
.
#شعراء_وذاوقين_الشعر_الشعبي
#رائد_ابو_فتيان
#ابو_تراب

• .
سنة ما شايفك بس انت موجود
لهسة اشتم عطر من شوفة العام
ما تاجرت بأسمك بس تعاطيت
بيني وبين روحي وهجرك اعدام
شفتك بالحلم فزيت مرعوب
ما لحكت اشوفك مسرع اجدام
نذر لو ملتفتلي جا تحنيت
من اطراف جدمي لشعرة الهام
ملثم من تمر ما اعرفك تريد
اعرفك لو تحط اعلى اسمك ألثام
.
.
.
.
#شعراء_وذاوقين_الشعر_الشعبي
#اياد_عبدالله
#ابو_تراب

.
ها يا عيد اكشخ بيش واني مفارك معدل
شما البس واجيب هدوم احس رويحتي مبهذل
حلات العيد يم اعزاز واني اعزازي دافنهم
واني ادري الصور متفيد مابيها عطر منهم
اريد اغبش واشم كبور واول ناس اعايدهم
واكلهم بلكت يرجعون والله البيت رايدهم
جنت كل عام واني بخير ، هسة الخير شيعتة
حريمة الجان غالي هواي ، جوة الكاع ضيعتة
ليش ينام جوة تراب ، ذاك اليكشخ هواية
وليش يروح بس الزين ، والما يخلف أحجاية
يربي الموت حق معروف، بس يوجعنة فرگاهم
حاولنة سنة وسنتين، بس ما جاي ننساهم
اذا ما بيهم يرجعون، خلي نروح وياهم
بلكي نروح وياهم
.
.
.
.
#شعراء_وذواقين_الشعر_الشعبي
#حيدر_الشكري
#فـطومۿہ

.
لاغايب واگولن باچر تعود
ولا مصيوب وارجى يطيب الـ صواب
ولا بيّه اعله بعدك وأگدر انساك
ولا بيك وتجيني اويه الهوى الهاب
ودّيلي بقميصك خيط بيه روح
مرّات الـ قميص يجيب غيّاب
مضيعك والسچچ والوادم تعيل
والـ مضيعك ذليل وبيش ينهاب
وحگ الـ غمضن من شافن الـموت
اخاف أحچي وتگول الـ ناس چذاب
انه بيوم شال النعش لـ اليوم
عين أبچيك بيها وعين عـ الباب
وانه ادري القدر لو صار مكتوب
ولـدنيا ولغزها اسباب واسباب
ليش الموت متغيّر هالايام
يضحك لـ الچبير وياخذ الشاب
بسّك ياقهر ياموت يا ليش
حلاتك ياذنب لو صاحبك تاب
وحلاتك يادمع للفاگد متاع
لو من مشتهاتك صار العتاب
چا هيّ الگبور گبور لو غَير
شـ نهي العطلاكم ها يالاحباب
.
.
.
.
#شعراء_وذواقين_الشعر_الشعبي
#ضرغام_لطيف
#فـطومۿہ

.
منو اليسوة وتعاتب عوف العتاب
گلوب الناس ما تشبة شكلها
لا تهتم ترى شما وكفت ادور
وهية كم سنة وتاخذنة الگبور
ضل عالي النصت لا تنزل الها
الناس الباعتك مو قصة تبيع
لأن طيب گلب مالايگلها
.
.
.
.
#شعراء_وذواقين_الشعر_الشعبي
#حيدر_الشكري
#فـطومۿہ

.
وابد ما دورت عزة نفس وياك
انه و كلشي بيه يروحلك فدوه
ماريدك واريدك حرت واحتاريت
العفتني والبقيت اثنينهن بلوه
من اشوفك عمري يخلص يوم يوم يضيع
وبنفس الوكت جن منولد توه
صدفه الجابتك مو موعد ونظرات ..
وصدفه الحب يجي وما يجي بالگوه
ويجي دور الصبح واعتذر من فيروز
وابدأ اسمع بصوتك شعر مو غنوه
واخذني براحتك واشمرني وين تريد
بزندك على اشفافك وين ما تهوه
طبعك مو حلو بس انه قانع بيك
لكن مالت الله اسوالفك حلوه
ركز بيه واشبع شوف ما اوصيك
على غير الاسد متباوع اللبوه
صدلي بربع عينك واشتريك بروح
الـ مو ادم صدك ما يفتهم حوه

.
.
.
.
#شعراء_وذواقين_الشعر_الشعبي
#مالك_السلطاني
#فـطومۿہ

.
شسالفه وعزيت روحك مرتين
لا والتكتلك ضال غالي و مريود
مگفاك والشارع و الله الفوگاك
والنَّاس و المو ناس ع الفشلة إشهود
صدفة و ألف موعد و چف و فنجان
يفتحلي بابه و ألگه وجهك مسدود
شسالفه و بعدين جرّت بعدين
حد ما رحت منا و منا مگيود
شفت السمه و ضليت أحلم بجناح
بليل شعرك چنت مدري شموعود
.
.
.
.
#شعراء_وذواقين_الشعر_الشعبي
#ياسر_فليح
#فـطومۿہ

• .
خسرانه رجعت من هذيج امالها
جرحو احساسي السولفولي احوالها
يكولون هسه عيونها وذيج الجفون
الدمع بيهن كلشي ما خلالها
يكولون تحلم بيه رجعت من جديد
الكبل ما قبلت اضل ابالها
ثروه ما عندي وكدرت انطيها روح
عمري ما فكرت بستغلالها
الرخصتني ودورت عل يشترون
الراحت وضل بالكلب تمثالها
يكولون نبرة صوتها تحس بيها خوف
وابتسامتها الدمع يختالها
باحلامها اخطوط المخالب واضحات
موقعلها اعله الحلم جتالها
الوادعتني وراحت لكوكب بعيد
اضاهر الكوكب رفض ما شالها
الما عرضتلها ولا كلتلها ليش
كلت ميخالف تروح بفالها
العلمتني شلون اكول الله كريم
الدنيا تفتر ما تظل بحالها
.
.
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
وصحت لــ إبعيد
يا نهر التعب لـ عيوني عبر إنعاس
نومني أريد أرتاح
بـ عيوني بچي
بگد الحچي المضموم عند الناس
.
.
.
.
#شعراء_وذواقين_الشعر_الشعبي
#كاظم_اسماعيل_الكاطع
#فـطومۿہ

چا واني عِفتني بلا اهَل لا طول !
چنت مأمِنه ما لميت قمصَاني
چا واني ؟
ولك چَا واني !
چا واني ورث لـۉ وزعُوا ماگول
اول مَرا اگل لبشر چَا وانِي !..

.
.
.
.
#شعراء_وذواقين_الشعر_الشعبي
#احمد_الصالحي
#فـطومۿہ

.
كوه علئ كلبي دست ،
وكوه علئ روحي اقسيت ،
مو هينه اجي بدمعتي واوكف اباب البيت
.
.
.
.
#شعراء_وذواقين_الشعر_الشعبي
#عادل_محسن
#فـطومۿہ

.
مو قصدي ابلل عتبتك
وابدي العتب مو قصدي

بس انته تدري من اختنك
غير الدمع ما عندي
.
.
.
.

#شعراء_وذواقين_الشعر_الشعبي
#عقيل_العرد
#فـطومۿہ

.
من زِمان دياركم تشچّي الـ ظلام
وهل نثرنه إعيونه عليها نجوم
وأنت تدري
أطباعنه أطباع الـ حمام
من يتيه يظل علىٰ دياره يحوم
.
.
.
.

#شعراء_وذواقين_الشعر_الشعبي
#صاحب_الضويري
#فـطومۿہ