• • .
وكت العطش من عيني جنت اسكيكم
روحي اشتهتكم خايبين شبيكم
احس بنار طفوني
جمر ينزل من عيوني
انطيت روحي وگلبي جا شنطيكم ؟
روحي اشتهتكم خايبين شبيكم
انا المدلل جنت هسة شبية
افتر وادور ياهو بي حنية
وجوهكم ثكلت شوية شوية
ما چني ذاك الروحه ذابت بيكم
روحي اشتهتكم خايبين شبيكم
.
.
.
.
#شعراء_وذواقين_الشعر_الشعبي
#صباح_الهلالي
#ابو_تراب

.
تفارگنه وتأكدت
الموت لا ينلغي ولا نگدر نأخره
والوكت ما ينفهم
يتقدم بغيبتك لو يرجع ليوره
وشحجيلك ع القلق
والله الليله المضت
حسيت روحي طفل ومتيه بمگبره
خايف اخسرك چنت
وتمنيت خايف أظل
ما ردت أصيرن بشر ما عنده شي يخسره
.
.
.
.
#شعراء_وذاوقين_الشعر_الشعبي
#مهند_العزاوي
#نٌےـوُرَ

.
واتغيرت الشخصية
وأطباع حلوات اشكثر من رحت ماتن بيه
حتى ويه اهلي اتغيرت
ما اگعد وياهم صرت
ومن اگعد احچي شويه
والناس عافوني لأن
ياهو اليعاشرله بشر مايلگه بي حنية

واتعلمت ع الخذلان
وهسة اني ما رايد احب
رايد احس بأطمئنان
والشوف مابي مشكلة
بس مدري ليش بغيبتك
ماتت بعيني الالوان
مشكلتي حبيتك صدگ
ثاري محبتك للعب
والله يعوض الخسران
.
.
.
.
#شعراء_وذاوقين_الشعر_الشعبي
#حسين_السعيدي
#نٌےـوُرَ

.
ليش تضل وحيد واني اضل محتار
اتنازل مرة چفك حاول تمده
ليش تريد اعيش لخاطرك متروك
وزارعلك وفه وما ترجع تحصده
مدري الخلل بيه وصرت مامرغوب
مدري الوفه الزايد خير واتبده
مدري الناس گامت تعشگ النيشان
تندل الجرح ماتقبل تضمده
.
.
.
.
#شعراء_وذاوقين_الشعر_الشعبي
#سجاد_الغريب
#نٌےـوُرَ

.
تتونس انته من احترگ
وعطابي لمن يوصلك تبتسم وتطفيني
كل هذا واني اشتاگلك
كل هذا واني اتلهفك
كل هذا واني اتذكرك
چا گلي شينسيني
.
.
.
.
#شعراء_وذاوقين_الشعر_الشعبي
#حسين_جبار
#نٌےـوُرَ

• .
بية المستحى شكد طمع الناس
طمع حلك المساحي بمستحه الطين
خورسني الحيا وما اكلك شلون
جرح وتخورس بحلك السجاجين
خضر عشب رجلي بعتبة الباب
ولا مديت راسي من الروازين
وانا اندل الهدم بس ما كلت وين
اخاف اطفر واشك ستر الحياطين
.
.
.
.
#شعراء_وذاوقين_الشعر_الشعبي
#ناظم_الحاشي
#ابو_تراب

• .
دنيا و وراها الموت وانا اصفنلها ؟!
شكثر ذلت ناس والله الا اذلها
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
وحطيتلك كحل بس على الرموش الفوك
وكلت ب اثنينهن خليني احليهن
كتلك هاي دنيا وكلشي بيها يصير
خاف تطيح منهن لا تبجيهن

ومو صوج الدرب جان الخلل بية
عفت عقلي ومشيت بشور رجلية
اصدلك من افوت اكبر احلامك جان
وكت كايم سلام تردة منية
.
.
.
.
#شعراء_وذاوقين_الشعر_الشعبي
#مهيمن_الامين
#ابو_تراب

.
ياهو البقى ما خرب ؟
يا گلبي امشنا بعد مو الاولية العرب
مشابكنه ذاك انتهى
من بعيد امس سلموا مثل اليشوف الكبب
ملاحظهم اتغيروا وحسيت واحد اكو
لمن شفت خرخشة صارت بطن الكصب
.
.
.
.
#شعراء_وذاوقين_الشعر_الشعبي
#سعد_شميل
#ابو_تراب

• • .
تزاعلنا وتعدى اعلى الزعل مده
وندم وديتله بس كلشي ما وده
كلتلي اكتب عتب بلكي الضنون تنام
ومثل گلبي الرسايل ترجع مرمده
شلت روحي وصنم يم بابهم حطيت
الى ان ماي وجهي بعتبته تبده
ادك على الباب احس طلاكته الها لسان
تكلي صويحبك باب الصلح سده
نساك وما بعد يذكر شكد حطيت
بوسات اعلى ايده ومنحره وخده
ونسى كل فوضويتك واللعب ويا
لمن حومريت من الكرص زنده
.
.
.
.
#شعراء_وذاوقين_الشعر_الشعبي
#عدنان_البركي
#ابو_تراب

.
بعد ما راح اشوفك وانته تدعيلي
ولا تتغزل بصوتي وتفاصيلي
ولا نسهر سوة لحد مانخلص الليل
وتفز الصبح بالشوگ تحچيلي
هو الماخذك مو مايحبك حيل؟
ليش شوية منك مايبقيلي
وليش الناس ماتعرف تغنيلي
واذا شديت جرحي شلون اشد حيلي
احبك وانته مامقسوم
لا اعرف شسويلك ولا اعرف شسويلي
و اوعدك لو اگص چفوف
غيرك ما اگود ايده
وحرام انچان البس لون
غير اللون التريده
واضل انتظرك لحد ما
ملامح وجهي ماتنعرف من كثرة تجاعيده
وتعال اگعد مقابيلي
ادري بداخلك ترتاح من گبالي تبچيلي

.
.
.
.
#شعراء_وذاوقين_الشعر_الشعبي
#مهند_العزاوي
#نٌےـوُرَ

.
مرتاح شفتك گلت مو مشكلة
بعيونه يمكن غير واحد حله
بالعافية وذاك التعب والسهر
چنت ادري راح يضيع من اوله
وانى اعله گد المصلحة وانترك
عود امهات وعايش بمكحلة
.
.
.
.
#شعراء_وذاوقين_الشعر_الشعبي
#رائد_ابو_فتيان
#نٌےـوُرَ

.
زعلان لو مشتاقلج بيش ابدي ؟
بفراك وجهج لو معزتج عندي
يومية اطلع صورتج واصفن بيج
من وجهج اتخيل ملامح ولدي
.
.
.
.
#شعراء_وذاوقين_الشعر_الشعبي
#عصام_كريم
#ابو_تراب

.
خربت والسعف كض الجمر بيدة
وعلية كربت منيته الجانت بعيدة
خربت من بقى الراعي بحلاله يحوف
ومضيف السلف ضل يذم ب اجاويدة
لا تهتم اذا كثرت سيوف اعداك
السنبل يغلى اذا كثرت حواصيدة
والبروحه صكر ما يدنك ل اي طير
يدنك راسه بس على الطير اليصيدة
وما ينطي النخل عثكه لهذاك وهذا
النخل ينطي العثك بس ل صواعيدة
واذا محني الظهر ينحني الشايل خير
الغصن ما ينحني لو ما عناكيدة
ولان اسود گلب ينهاب كام الليل
اجاه كل النجم وتعلك بجيدة
.
.
.
.
#شعراء_وذاوقين_الشعر_الشعبي
#محمد_ابو_العز
#ابو_تراب

.
عشرة بتعبهه وضيمهه بزلة تفض
هسة اني خليني الملح مايعرض
بأول زعلنا ولحگت تعشگ ليش
لليوم داعيك اتصارح وارفض
وهسة اعله كيفك جاي تمشي ومرتاح
غير اليطفي النار لازم يركض
شليت حالي وكتلي الله يعوض
.
.
.
.
#شعراء_وذاوقين_الشعر_الشعبي
#سعد_شميل
#نٌےـوُرَ

.
الناس العايفتنه شلونكم هسة
عبرناهه الايام الصعبة والنحسة
وذكركم ثوب ضل متروك بالكنتور
نتعاجز نشمره ونستحي نلبسه
اثگال ونكسر الحاجة العليهه نميل
وكت خلانه يمكم نوگع بلمسة
وكت خلانه نشبه لعبة الصحبان
اليخسر واليفوز اثنينهن ونسة
.
.
.
.
#شعراء_وذاوقين_الشعر_الشعبي
#سيف_الغزالي
#نٌےـوُرَ

.
ما تسوون واحد يتعب الكم
ولا جن بالشدايد واكف الكم
طحت عفتوني وحدي
وكلكم صرتوا ضدي
وانا ب اصعب ضرف ما فاركتكم
ما تسوون كل تعب التعبته
من مال الحمل عدكم عدلته
اخوكم وانتوا اخوتي
وبلوتكم بلوتي
ليش المال بدل كل طبعكم
ما تسوون اسكت ما اعاتب
واذب الصوج واصبر على المصايب
منكم كاطع اليأس
تمشون بحجي الناس
ضيم المر علية بي غربلتكم
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
لتگلي الگبر والچفن والتابوت
فكرة موتك مامقتنع بيها
عدل وتضل عدل لو تندفن مرتين
يامحبوب عيني ومي سواجيها
.
.
.
.
#شعراء_وذاوقين_الشعر_الشعبي
#مهند_العزاوي
#نٌےـوُرَ

.
لو مخليني بضماي هواي ارحم
شجابك ومريت بيّه وبللتني ؟

من بديت اتشهى كل گطرة ندى تطيح اعله صدرك
ومن بده ستوّه الخضار يشوف دربه فارگتني !
.
.
.
.
#شعراء_وذاوقين_الشعر_الشعبي
#زيد_الهاجري
#نٌےـوُرَ

.
راح اعوفك لأن مااريد انصدم
ولأن مااحس روحي عندك شي مهم
ولأن كلما اريد اشوفك واعتنيك
يصير جدول مواعيدك مزدحم
صوچي من قررت اتقرب عليك عليك
وصوچي من گتلك غلاتك ياحجم
بس ارجعك للمكان الچنت بي
واله ارجع شوفتي بعينك حلم
.
.
.
.
#شعراء_وذاوقين_الشعر_الشعبي
#حسين_السعيدي
#نٌےـوُرَ