.
هواي أثار ضلت بس ألم لا
المخطط يسمون الكثرهن
عندي جروح من التفت تلتاف
لان واحد بواحد صرت اشدهن
الجمهن لان بجروحي الك صوت
سمعني الجاب اذنك ما سمعهن
انا من اذكر عشرتك يحمر الشيب
احمه ووادمك كالوا صبغهن
صفت بثمن اصابع قصتي وياك
عض سبابتيني خلصتهن
عليك ومن كثر عضات الانياب
يلوذن بالرحي لو ردت اعضهن
يا بوية من اكضك بس الاخلاق
سواتر حاميات المستغلهن
.
.
.
.
#شعراء_وذاوقين_الشعر_الشعبي
#صباح_الهلالي
#ابو_تراب

.
عفتوني
اعله يا سجه
انشري و انباع و اتعثر
يكون بعودي ماكو سنين
خاطر ما انبت و اثمر
افه
اتبدل
حجيكم ليش
معقوله العمر أثر
هلي
خلوا الحجي مدثر
انه شبيدي
العمر ركضه
هلي لو بيدي ما اكبر
مثل حال العراق وياي
عشت وياكم بغربه
الماي الما تحظنه جروف
ما يندل بعد دربه
اهل روحي شبلاكم
مو ابنكم طاح
لو ما ينحظن صعبه
هلي
الماله عرف بالكاع
يضل ياهو اليجي ايشربه
.
.
.
.
#شعراء_وذواقين_الشعر_الشعبي
#احمد_العبيدي
#ابو_تراب

.
مرات مو من البچي
مرات صفنه تفضحك
والدمع مو للمنهضم
يلوك بس لليضحك
لو ادري بيك بيا كتر
ابجيك حد ما امسحك
بس انت مثل المستحى
من كل كتر ماخذني
امنيتي اعرفك بطلت لو لسه باقي تحبني
.
.
.
.
#شعراء_وذواقين_الشعر_الشعبي
#حسام_الحمزاوي
#ابو_تراب

.
ضل ابيتكم يا مخدر الحيطان
بعصرك لو هبل جان اعلن اسلامة
فدوة يروحلك نص مجلس النواب
يا الموحد الشباب بوكفة الشارع
كونك تلتفت وتباوع اللحكوك
اكثر من صلاة العيد بالجامع
غير الكابلك وعيونه راح تطيح
غير العلى الرصيف الكاعد يباوع
طركاعة اللفتك انت واهلك كون
( وانا واهلي والشافوك والسامع )
والما منتبه والموتى والعدلين
خايب جبلونه وكاعد انازع
.
.
.
.
#شعراء_وذواقين_الشعر_الشعبي
#اثير_التميمي
#ابو_تراب

.
لسوك بروحي وانهيها ... من السوك
على الخلخالها بين ... من السوك
اجت تعبانه يا صاحب ... من السوك
اكعدت والجني الازرك كعد بية
.
.
.
.
#شعراء_وذواقين_الشعر_الشعبي
#حكيم_الفريجي
#ابو_تراب

• .
حبيتك كبل من شحوا الحبوك !
ومن كثرت احبابك نستك خلك ؟
تصعد للنجم مو بس ردتلك هاي
ردت انا النجم للكاع ينزلك
شح مايك علية وانت تعرفني شلون ؟
لو اموتن عطش عطشان ما اكلك
يا الما ميزت بين الورد والشوك
ما مجبور اجيبن ورد واشتلك
جفوف الزمتك لازم تحلك يوم
وهم ترجع والزمك وابد ما احلك !
شديتك نذر خيط بضريح امام
ما عندي بخت يرجعلك يفلك
.
.
.
.
#شعراء_وذاوقين_الشعر_الشعبي
#ناظم_الحاشي
#ابو_تراب

.
بستها الجنت بس محتاج شوفتها
ولو بخدودها وما ضكت شفتها
ولكن حومرت جن شمس وكت غروب
انحلت روحي وي حلت كصيبتها
اعلى كد ما حارة جوريد منها يخاف
لهسة مجوة من اثار شبكتها
بيضة ويمها اشوف الكطن باهت لون
الماس يضيع اذا احطه اعلى ركبتها
ترفه ومن تحط فراشة يمها تميل
هوا جناح الفراشة يعيق مشيتها
حلوة ونافست حتى العسل بالسوك
النمل تيه دروبه وتبع خطوتها
الكتلكم بستها مو صدك بالطيف
انا بالصدك ما لازم عبايته
ما تلبس مخصر حتى اذا بالبيت
اعلى كد ما تستحي يشوفنها اخوتها
كتلها اعلى صورة وكالت اي مشتاك ؟
غمض والتحبها تشوف صورتها
.
.
.
.
#شعراء_وذاوقين_الشعر_الشعبي
#صادق_الجهلاوي
#ابو_تراب

.
حرب بالي مع الحسبات ... جا ون
وعلى روحي الهموم بنار ... جاون
على اهله الحايط من يطيح ... جا وين
اذا فوك الغرب ينراد دية

#ايهاب_المالكي

تبي تعرف الليالي شلون ... مران
بجفاك وداعتك للريج ... مران
فاس موادعك بالراس ... من رن
شكو نايم كعد بالناصرية

#نهاد_الخيكاني
.
.
.
.
#شعراء_وذاوقين_الشعر_الشعبي
#ابو_تراب

.
هذا اخر قرار وقررت انساك
وانسى الصار كله البينك وبيني
واريد انسى الليالي السهرني وياك
وابدلهن ضحك دمعات البعيني
راح اضحك ضحك شمات لو مريت
حتى الجم جروحك خاف ناسيني
واذكرك من عفتني بوكت حسرة الاه
جانت بي ضحكتك سابقة ونيني
عفتني بوكت جان الهوا بي شمات
واتنفس عذيبي وعيب ماذيني
.
.
.
.
#شعراء_وذواقين_الشعر_الشعبي
#علي_الجياشي
#ابو_تراب

.
انا لو مارايدك ما اعاتبك
الماخذك ما يسوى رفعة حاجبك
انت ذاك الضل مكانك خالي
حتى من تخوني تضل غالي
روح لكن غيري بيمن عاجبك ؟
انا لو مارايدك ما اعاتبك
ينطي حقك بالوصف لو غازلك ؟
ويعرف يرجعك طفل لو دللك ؟
ويدري ضحك الدنيا من شفايفك ؟
وهم يشوف الموت اذا ما شايفك ؟
وعلى الصغيرة وعلى الجبيرة يحاسبك ؟
انا لو مارايدك ما اعاتبك
انت من تشتاگلي عندك بديل هاي اذا تشتاكلي
وانا والحسرات ودموعي التسيل والفراغ بداخلي
انا اتمنى البديل يخونك
حتى تدري شصار بية بدونك
وحتى تدري شجنت الية وشحاسبك!
الماخذك ما يسوى رفعة حاجبك
.
.
.
.
#شعراء_وذاوقين_الشعر_الشعبي
#عصام_كريم
#ابو_تراب

.
لا تشيل وياك خنجر لو مشيت
ولا تأمن الليل لو شفت الشموع
لا تصدك حتى دمعك لو بجيت
هواي ناس انباكت بسد الدموع
ولا تدنك لو ذهب طايح لكيت
الذهب يصعدلك اذا شافك قنوع
بركن تمثال الثلج لا تستراح
تدري من تطلع شمس لازم يموع
ولا تعاشر ذيب وتأمنه وتنام
الذيب لحم الذيب ياكل من يجوع
.
.
.
.
#شعراء_وذاوقين_الشعر_الشعبي
#ناظم_الحاشي
#ابو_تراب

.
شوف شلعبت بروحي
بالنوح اسكت نوحي
خبال ما ادري عناد
المفروض احطلها ضماد
النوبه جبتلها جروح
حطيت فوك جروحي
شسويت شوف بحالي
برجلي اعتني ل كتالي
جتفت ايدي بأيدي
و ب احزاني ادور عيدي
والنوبه جبتلها جروح
حطيت فوك جروحي
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

تعرف غلاتك لو بعد ؟
محتاج ابينها اكثر !
يالبيك لهاني العمر ما ركزت بي من مر
يمكن اذا كتلي شكثر تهواني ...؟ راح اتحير
الليلة اعد محبتك بس باجر تزود اكثر
الادري بي من تبتعد مدري شحس بحيرتي ؟
صدري حفر بي خنجر ... ؟
مكطوع شريان ابهر ... ؟
يندفع شباچ الجفى وبالروح شي يتكسر
اشتاكلك بس الحجي المضموم الك يتبعثر
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

• .
عامان مرن قد اخفيت احساسي
على اهلي على صحبي على ناسي
اصير كبالهم اسكت وما يدرون
شنو هاي المصيبة الضامها براسي
تناديني جموع الناس يا ثملآ
وما بصروا نزول الخمر في كاسي
تاليها وعرفت الزين للموزين
وكلمن گلبه طيب يوكع بقاسي
مرت عليه من الايام اصعبها
بها ندمي وخذلاني و وسواسي
راح ومن وكت هالجفن ممغمضه
ولحد الان حاير بيمن اتوضى
اضم بصورته وخايف عليها تضيع
ومدري شلون ذب كلادة الفضه
من فاركني علمني المحبة حظوظ
مو كلمن وحبه كلمن وحظه
.
.
.
.

#شعراء_وذاوقين_الشعر_الشعبي
#مهند_العزاوي
#ابو_تراب

.
ملكاك امس مو خوش ملكه
ما حاجي بس شميت فركه
بيك من اجيت اثار شبكه
اعتب عليمن ياهو احكه ؟
ريحة غريب وياك تفتر
أول وتالي الخان يعثر
شماله الملح وياك قصر
وي الغريب بساع غزر
بعينك غدر مولود توه
ماريد جيته الجاي كوه
رايدلي صاحب بي مروه
گلبي من اطيح يطيح هو
من عيني غدرك طير النوم
كسره عظم ومفاركه اليوم
كدامي روحي تطيح وتكوم
ما بيها حيل تشيل الهدوم
.
.
.
.
#شعراء_وذاوقين_الشعر_الشعبي
#نور_اللامي
#ابو_تراب

.
هو الرايدك يعرف ضرف واسباب ؟
بس كلي اكو ثاني بحبك محشمة
الحب كلما صعب يغلى اعلى اليحبون
ترى يضحك علينا اليحجي بالقسمة
المصيبة انت حلو وتمطر علية بوسات
وانا كالتلي امي اعلى المطر رحمة
لا غصبآ على القداح يهوا الشم
وانا مو من فراغ وياك كمت احلم
بعيونك المفضوحه تريد احتار
انا مفسر شمكتوب بالطلسم
اجيت مواعد الوردة ام نوايا البيض
على يا اساس ارد ثيابي تنكط دم
.
.
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

.
من تجيني لا تكلمني بغرام
وعفية عوف الشوك لا تحجيلي
انا ليلي بلايا واهس ما انام
شلون لو صرت انت واهس ليلي
شلون لو حبيت شكلك والخصال
شلون لو باجر تروح وتعتذر
هم ترد لمن اكللك تعال
وتنتظر لمن اكلك انتظر ؟
الدنيا مو دنيا عشك يا ابن الحلال
ولا تخلينه بمحبتك ننجبر
.
.
.
.
#شعراء_وذواقين_الشعر_الشعبي
#جبار_رشيد
#ابو_تراب

.
يا نهر تنزف عليمن ؟ ياهو اليحس بنزيفك
الناس عطشانه بصدك والماي صدفه
وعيرو عيني ولكوا تارسها طيفك
عمري ركبه وشامره الروح اعلى سيفك
ارد اموت ويا حلاه الموت لو صار اعلى كيفك
ارد احط روحي ورا الشباج خزامه ربيع
وكون اضيع بنص خريفك
.
.
.
.
#شعراء_وذواقين_الشعر_الشعبي
#صابرين_الكعبي
#ابو_تراب

صاحب صحيبك سنة وبعد السنة جربه
واحجي معاه في زعل وبعد الزعل جربه
ولو شفته ما ينزعج
منك ولا ينحرج
تكدر عليه تعتمد واكثر بعد جربه
صاحب صحيب الوفي ولا تصاحب الطماع
بالشدة ما يختفي وما ينسى ربعة بساع
صاحب الگلبة سمح
والما يدور ربح
تكدر عليه تعتمد واكثر بعد جربه
صاحب الما يعتذر من توكع بشدة
من كيفه الك ينتخي والعايل يردة
وارجوك لا تلتقي
وي الذي مو نقي
مو ثوبك المو نقي يتعبك من الصحبه
صاحب صحيبك سنة وبعد السنة جربه
.
.
.
.
#شعراء_وذاوقين_الشعر_الشعبي
#جبار_صدام
#ابو_تراب

• .
انا الخواف يا دنيا انا الخواف من كلشي
ولو احلم حلم مو زين انا ارجف قبل رمشي
يهزني الليل الف هزة
وافز بالليل الف فزة
وتعز روحي واكل للخوف ضل بالبيت وانا امشي
انا الخواف يا دنيا وحال المبتلي حالي
اعبر على النهر عطشان والمي مو على بالي
من اولها وجفيت وياي شترجاج من تالي
تعز روحي واكل للخوف ضل بالبيت وانا امشي
عيوني وجذبن وياي وين الكى الصدك عدمن ؟!
بس طيور تعبانات يمي بلليل يلتمن
سوالف همي و دنياي بيمن هالگلب أمن !؟
تعز روحي واكل للخوف ضل بالبيت وانا امشي

.
.
.
.
#شعراء_وذاوقين_الشعر_الشعبي
#الكاطع
#ابو_تراب