من مذكرات شاعر ... الحلقة ( التاسعة )

الوضع المادي للشاعر الكبير الراحل غني محسن الله يرحمه جان جدا تعبان . .يعني ممكن ان تتصور سكف الغرفة مالته عبارة عن هيكل سيارة مارسيدس ١٨ راكب وانته قيس ...قبل لا يتزوج حب بنيه من طرف واحد وحسب ما اتذكر جان بيتهم بمدينة الصدر بمنطقة الداخل ولان حتى فلوس كروه ماعنده جان يضطر يمشي ٤ كيلو تقريبا فقط حتى بس يشوفهه ويرجع لبيته
وذاك اليوم غربت الشمس وباب البنيه مقفول لذلك رجع وبالطريق كتب

انا بدونك اروح الوين
غريب متيهه الخطوه
انا بدونك اخذني الماي
مثل أوراق ماتسوه
انادي بس بلاجدوى
أريدك تسمع الشكوى
وصحت بصوت بعدك
بلوتي بلوه
...
احاول املك اعصابي
إذا سألوني اصحابي
دمعتي بناري اخبيهه
وادور فرصه وبجيهه
انادي انادي بس بلاجدوى
اريدك تسمع الشكوى
..
لكيتك بالنفس غافي
واخاف تحرگك شفافي
خيالك يلعب بعمري
إذا تسألني عن امري
انادي انادي بس بلا جدوى
اريدك تسمع الشكوى
وصحت بصوت ..بعدك
بلوتي بلوه
...
#شعراء_وذواقين_الشعر_الشعبي
#غني_محسن
#ابو_تراب

.
منين اتعلمت للزمن ما تطخ راس
انا وليلي سهرنا وكام يسألني
جاوبته بصلافة وجني ما متعوب
ولا چنه الدمع مرات يخذلني
صبري وعازتي وجروحي والشوغات
وضميري وعزتي وهمومي خلني
اتحدى البرد بالچلة افوج الماي
اذا احس الجسر من اعبر يذلني
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
تعال وشوف بالدلال ... شي بات
كبرنا وصار اسمنا اليوم ... شيبات
اعاين بالمراية وشفت ... شيبات
كلت يا روح هذا انذار الية

يا دمعي بلليل على الماشين ... هد هد
ولازمني يا دهري شبيك ؟ ... هد هد
وحياتك صرت چني عظم ... هدهد
ومطلوب اعلى ريشات العلية
.
.
.
.
#شعراء_وذواقين_الشعر_الشعبي
#الكاطع
#ابو_تراب

.
شكثر باچي عليك يتيه ... عداي
احبك لو تحطلي داي ... عداي
وشمت الباب حتى يصير ... عندي
علم من تطلع وما مار بية

اي يا الما عفت بعظاي ... حتى
صحت يالمن جبينك بطن ... حته
وشمت طلاكتين الباب ... حتى
اشوفك من تروح وترد بية

تحط جفك على أذنك عجب ... منحوت
يا ابو خصر الذي بهداي ... منحوت
الدعاء الطلعاله نبي ... من حوت
قريته يطلعك وضليت بية

وحك اول نبي مبعوث ... وطاه
التعب بية صعد للراس ... وطاه
يجار فلان حاجي فلان ... وانطه
خبر كله اربعة يكومون بية
.
.
.
.
#شعراء_وذواقين_الشعر_الشعبي
#اياد_عبدالله
#ابو_تراب

.
اشتاكلك بس الحجي المضموم الك يتبعثر
وبدون موجه احتاجلك بالبر واحس بيك البر
مرات ادور لجيتي كبالك سبب يتفسر
وتلمحني احرك الخاتم وابدي ارتبك واتحسر
وهنا تحس بقيمتة ال بس اعلى شوفك يضطر
يا فكة عيون الگلب يا ميزتي البيها انغر
مو رايدك واتنفسك لا يا نفس شي اكبر
يا روح ما تطلع مثل روحي التموت من اكبر
انا اعرف بزعلك كبل ما تزعل وياي اكدر
والنوم يتركني وقت ما تنوي عينك تسهر
ياريت كل هذا الحجي من اكعد كبالك يحضر
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
تهت منهو رجلها ... من حماها
عليه غفلة جهنم ... من حماها
روحي استنجدتكم ... من حماها
ليش اتفرج وياكم علية
تهت منهو حماها ... من رجلها
مرة اكره الدنيا ... مرة اجلها
الدنيا لو بستها ... من رجلها
انت واليعض خدها سوية
نفس واحتاج شمك ... يا هوانه
العمر ذلة بغيابك ... ياهوانه
اتيه روحي يمك ... ياهو انه
خيالك مرة دلاني علية
.
.
.
.
#شعراء_وذاوقين_الشعر_الشعبي
#صباح_الهلالي
#ابو_تراب

.
شكالولك علية وصار وجهك سيف ؟
وتعرفني التكتلك والحجي مصدكة
شجرة ومو ب أدية وتدري وكتك ريح
تحملني ذنب من طيحت ورگة
خلگ ساتر ولك سويت خلگي وياك
شكد موت وجثث ما ضيجت خلكة

.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
والله عشكنه عشگ
يامن مكدر علية
غيرك فصاله صعب جم دوب اخيط واشگ
يالذتك بريتي وين الگى مثلك هوا ؟
لولاك والله اختنگ
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
كلشي جربيت وما الي حظ
انشدك بالهوا ينشاف ينكض
جبتها من صباي
وهسة ل بلاي
الدنيا خلصتها وياي بس عض
وداعآ يا عمر تعبت وياي
دخل نموت خاف هواي تعرض
.
.
.
.
#شعراء_وذواقين_الشعر_الشعبي
#شاكر_الساعدي
#ابو_تراب

.
احبك واجب اكرهك ممنوع
اشوفك مو حلو بس عيد ارسمك
اسولف وي اهلي بغير موضوع
اهلي تسودنوا چي جبت اسمك
احسك مدري شنهي بين الضلوع
كطعت نفسي وعلية تفرض اشمك
اتلوه من سمك حقي موجوع
وما ترضالي اتلوه من سمك
وتطشرني بحقد وتصيح اشاقيك
وافرح بالشقى والتم واضمك
.
.
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

.
شككت الصور بس ضلت ابالي
خفت لا دمعي يمحي رسوم كتالي
ورجعت بحسرة الصياد من صيد وسهم خالي
انت القربتني عليك وثكل وجهك وسدت الباب من تالي
ويا رخص الثكل لو صار من تالي
ولا حسبالك بكل ديرة الك شراي
ترى تراب الوطن بس بالوطن غالي
وانا مثل الذهب ما ابور اغلى وارخص وانباع
لكن ما وصلت المحد بحالي
وكتلي مكانك بگلبي وحلى بعينك شخص ثاني
نزف مشيول صب دمعي اعلى قمصاني
ولا تهتم ورد سندان اني تعودت يتغير مچاني
شريد اعتب على البايعني ؟ اذا الشراي بچاني
.
.
.
.
#شعراء_وذواقين_الشعر_الشعبي
#عمار_سالم
#ابو_تراب

.
حجيك جان مثل اسراب الطيور
تجي برودة لسانك والحجي يطير
ونقطة ضعفي جانت كلشي وياك
شيجي ابالك يهزني وياي لا تحير
صرت منخل كبالك والهوا وياك
واجذب لو طعنتك ضامهه ابير
بعد بية مجال وبيك طعنات
كدها وعلى الطعن ما بيك تقصير
.
.
.
.
#شعراء_وذواقين_الشعر_الشعبي
#علي_رشم
#ابو_تراب

.
شايف لمن ترجف غيرة مو خوف
مو جسمك اشواكك تبتدي تبرد
وتذكر بمرسالك يفرحون
فجأة ويبتدي التأخير بالرد
شتفهم غير اكو ملهينهم ناس
اهم منك ويتيهون بالعد
هنا گلبك اقفلة ونام مرتاح
لا تغلط بعد وتفتحة ل احد
.
.
.
.
#شعراء_وذواقين_الشعر_الشعبي
#مهيمن_الامين
#ابو_تراب

.
كلشي ما شفت بحياتي لا مواعيد بحدايق
ولا كرستال الفنادق
ولا كضيت الليل بحضان الركص
طبع ابن فلاح طبعي و عمري كضيته بشكص
من امر بشارع الستين تتحنى البنات
وشارع السادة يهلهل والجوادر تنخبص
.
.
.
.
#شعراء_وذواقين_الشعر_الشعبي
#جبار_محيبس
#ابو_تراب

.
ياهو انت ؟ اجيب الروح يمك واذلها
عيوني من تطيح ما ادنك الها
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
اذا حبك أذية تعذب الروح
صدك انا راضي ب هالأذية
انا اشتاكيت ما ضل صبر بية
و اجيك اليوم مو باجر الجية
اجيلك ركض و واصل كبل الاقدام
واذا تعبن اقدامي امشي اعلى ادية
واذا حنيتلي وضاك الخلك بيك
احس بدنيتي ضاكت علية
واذا وحشة عليك تصير بالليل
علية الوحشة تبدي من المسية
.
.
.
.
#شعراء_وذاوقين_الشعر_الشعبي
#عادل_محسن
#ابو_تراب

.
تطبع مو طبع علمها تنسى الروح
ولا تحجي الصدك عودها تتعود
كافي تضل جسر خلي النهر ميزان
وشوف اعلى الجرف جم صوت يتبدد
للبگلبه مرض بس راح اكله بهاي
يكفيني فخر ما اقلد اتقلد
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
طاحتلك الفركة موردة الخدود
وانا طاحتلي كلش دمعة العين
واشو طالع تخبل من الفراك
وانا طالع مخبل بالدرابين
كل هذا واكول مقصر وياك
وانا الباچي بچي يسواله شطين
وما تبچي واعذرك حقك بهاي
دمعك ما يعرف خدودك منين
.
.
.
.
#شعراء_وذاوقين_الشعر_الشعبي
#علي_نجم
#ابو_تراب

من مذكرات شاعر الحلقة ( الحادية عشر )


كلما وقع نظره على تلك الحسناء التي تشاركه مكان العمل
انبثق ذلك الفضول والرغبة الملحة في معرفة سبب رفضها لكل الذين نالو شرف محاولة في ان يكون احدهم كفؤ لها
ذات مرة مضت الكلمات بخطى حثيثه وبصوت ثابت يشوبه شئ من الخجل
هل يزعجك ان اسألك شئ ما ؟
اردف قائلا بابتسامة زائفة يحاول من خلالها ان يتظاهر بأنه غير مكترث اذا ما قالت لا
فقط اريد ان اعرف من هو الذي سيكون الحظ حليفه اذا ماتقدم لطلب يدك
اعطته بصيصا من الامل حينما ابتسمت فهو كان يمني النفس بحوار مستفيض لا يخلو من المشاعر الانسانية
اجابته وكأنها تهمس في سرها : حايرة
لم تكن تعرف سلفا ان هذه الكلمة ستكون ذات يوم عنوانا لاحدى اشهر الاغاني !
بينما كانت لفافة التبغ بين شفتيه تلفظ انفاسها الاخيرة انتهى من كتابة النص في خمسة دقائق فقط !!
من مذكرات الشاعر المرحوم كاظم عبد علي



حايره

حايرة والشوگ بين عيونچ
خايفة اتحبين ويلومنچ
ظالة بنص الدرب محتاره
متعرفين هذا العشگ و أسراره
والسهر ذبل سواد عيونچ
خايفة اتحبين ويلومنچ
خلينا نندل الطريق النمشيه
اوله واضح خلي نعرف تاليه
باقية بنص الدرب محتاره
متعرفين هذا العشگ و أسراره
والسهر ذبل سواد عيونچ
محتارة انتي وحيرتيني وياچ
لاعشت حزني ولا فرحت بملگاچ
ظالة بنص الدرب محتاره
متعرفين هذا العشك و أسراره
والسهر ذبل سواد عيونچ
خايفة اتحبين ويلومونچ
.
.
.
#شعراء_وذاوقين_الشعر_الشعبي
#كاظم_عبد_علي
#ابو_تراب

.
لو صار العشك للبيع
لا تعتب على الشراي
كثر اللوم على الباعة
انا الليلة الج يا روح
ل اكص جفج واعلكه برمح المداعة
الغفى بفي النخل يترجى تمرة تطيح
مو مثل التشلبه وجاب ب ذراعة
.
.
.
.
#شعراء_وذاوقين_الشعر_الشعبي
#الكاطع
#ابو_تراب