.
دلموها الغراض وشيلوا يمنا
واذا ما بيكم نحملهن احنا
شيصير من الله اذا حايطكم اندك
اعلى حايطنا وغرفكم يم غرفنا
شريد من الله اذا كل ما يجي الليل
تأشرلي وشبخ نشبخ سطحنا
.
.
.
.
#شعراء_وذواقين_الشعر_الشعبي
كلمات : #مصطفى_العقابي
#ابو_تراب

.
غصن بالشجرة لكن غصن ما محسوب
حي الله غصن تجماله الشجرة
ينطيني الوطن جم نسمة بس بالليل
ياخذهن مربع حسرة وي حسرة
اضم احلامي حتى اسمع احلام الغير
ممنوع انقري ومسموحلي من اقرأ
صفكت بدمعتي شكد لليضحكون
وعلى وجهي ملامح سنبلة بصحرة
انا ابالي وطن بس باله مو وياي
جم مرة التحبه بگلبك تعذرة
لان ما واكف كبالة نساني يجوز ؟
ما بين خيال الواكف بظهرة
.
.
.
.
#شعراء_وذواقين_الشعر_الشعبي
#ايهاب_المالكي
#ابو_تراب

.
غمض واخذلك نفس واحضني كل قوتك
واشبكني من كل كتر بية دفو يفوتك
جربها لا تستحي بس كونك تفضني
بحضن امك تحس خلل من تكعد بحضني
شتكول لو نتفق بيناتا نحط ملح ونعيش كالعادة
وجوة اذنك بنص شبر توكفلي وكفه محب واكفلك كلادة

زعلنا اثنينا وتيهنا الاسباب
على بختك بعدني اتحمل عتاب
لازم بينا واحد عاقل يصير
ليش اثنينا تفاركنا الاعصاب
بلابل واليطب بيناتنا التين
ما اقبل يطب ثالثنه الغراب
.
.
.
.
#شعراء_وذواقين_الشعر_الشعبي
#مالك_السلطاني
#ابو_تراب

.
اشلع ما اسد والغيهن الفتحات
الجانن بوب أمس ما اسدهن ابنيهن
والزمهن سره باب العدل والطيب
التسامح والصلح اولهن الغيهن
الحصلته شنو من جانن مشرعات ؟
يكثرن بالهلا وينطعن راعيهن
ملح ما دنكله عيونهم وكحات
شبية و وين وجهي الكهوة تثنيهن
الزمله الدرب لحد ما يجي الدوار
الكمكم والدلال كباله اخليهن
وما ألزم سعر شراي مو شراي
ابد ما اعامله شينطيني انطيهن
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
احجزولنا من غبشة يمكم
نفگ ريجنا بمرمر گبركم
ما تنسوون الله احد
ونحبكم اكثر من اهلكم
زادت معزتكم وراها
وارقامكم ما مسحناها
تريد الها حجة وتخرب العين
وفراكم حرض عماها
اكعدولنا يؤنس حجيكم
قمصانكم زغرت عليكم
ذمة ونذر لو بس ترجعون
وجة وكفى نبوسها اديكم
للنجف جيناكم مصاويب
افتحوا گبركم يالمعازيب
نچفي واهلنا ما ينشدون
يدرونا يمكم لمن نغيب
.
.
.
.
#شعراء_وذاوقين_الشعر_الشعبي
#رفعت_الصافي
#ابو_تراب

.
جرح حايط واحنيك بصور ميتين
واشيلك لو حفر محفور على الشجرة
شوية شوية لچمك نوك تمشي بطين
انا شايل خلگ ما شالته الصحرة
واذا سألوني عنك خشب لو بسمار
اكلهم وردة عايش بس خلص عطرة
واذا سألوني هم متعوب... ؟ اكلهم غير
الذكرى الما تلچمك هاي مو ذكرى
يخزامه حديثة شكد عليك عيون
هلكد ما سهل بايكتك النظرة
.
.
.
.
#شعراء_وذاوقين_الشعر_الشعبي
#محمد_ناصر
#ابو_تراب

.
بس اصبري مرورة الفركة اعلى صدري تطيح نجمة
واعثر بصوتج ضوة واتبدى ظلمة
يوكف بصدري هوا يكفيله دنيا وخلكي نسمة
توها بردت وانتي مريتي رصاصة
خايف تروحين واذبل والعطش يترس مكاني
وخايف اشرب روحتج واخذلي ليل وما اتاني
هاي الية سنين بارد محد بملكاه جواني
شلون ما طكت عشب بية الثواني
ويخلص الليل ويخضر ليل ثاني
بية واهس كافر وربج هداني
الليل شبعني سفر واني بمكاني
.
.
.
.
#شعراء_وذاوقين_الشعر_الشعبي
#علي_رشم
#ابو_تراب

.
تعال ب شبگه سجر العين ... طيره
على هدمي ونش غراب جفاك ... طيره
كسرب صكور حطن فوك ... طيره
هيج يوجرن طيوفك علية
غشيم ومثل ليلى وقيس ... وديت
وطلب من ماي وجهي يطيح ... وديت
رغم بالدين بس نيشان ... وديت
من الابره لحد ما خان بية
.
خلها امها ما تنطيش خلني بسريري
وشيلوني من يشيل بركعها غيري
شمحله التحبها تروح تاخذها كوة
من الله حتى تصير بزرتها حلوة
.
.
.
.
#شعراء_وذاوقين_الشعر_الشعبي
#حسين_العجيلي
#حسام_الحمزاوي
#ابو_تراب

.
لا تقفل قفل وتحسبه مأمون
اذا ترهم علية كومة مفاتيح
ولا تعاشر بشر وتورجه بأسرار
اذا ماي الحياة بكصته شحيح
ولا تتبع اثر بخدود الرمال
اذا جانت مطر ومسودنة الريح
ولا تعاتب نخل ما حمل عثوك
خيطت النخل بركاب الفلاليح
اذا مركب شله وحب ايد الكياش
مو صوج البحر صوج الملاليح
اذا شطك حطب وجروفة نيران
بعد تعتب عليمن على السوابيح
العيد يجيب فرحة يوزع الناس
وانا حصتي التعب مثل المراجيح
.
.
.
.
#شعراء_وذاوقين_الشعر_الشعبي
#سعد_محمد_الحسن
#ابو_تراب

.
ياهو ما مشتاگ خل ينطيني ليل
ومني خل ياخذ صبح بعيونه صحرة
وين ما اروح التفت الكاج يمي
بالوجوة الما تعرفج عفتي ذكرى
بية يومية الجرح ياخذلة سفرة
ياهو مثلي .... ؟ وجه فارغ من حنينه
وتارس الدخان صدرة
.
.
.
.
#شعراء_وذاوقين_الشعر_الشعبي
#علي_رشم
#ابو_تراب

.
بينك بين كلبي عرگه أحباب
و انه ابيناتهم واكف افازع
مثل ام و تفازع بين خوان
اعزاز اثنينكم المن تدافع ؟؟
.
.
.
.
#شعراء_وذاوقين_الشعر_الشعبي
#غسان_المكصوصي
#ابو_تراب

.
يا حبيب لو ردت باجر تشيل
ما تصيرش بس نكول احنا ولوا
جنت احشم كل عمامي اعلى الرحيل
وما يهمني الي اجوا والما اجوا
يا حبيب لو جنت انت زعلان
جا زعلت اعلى الهوا لو زعلاك
وما يمر بريتي وهذا المچان
الي گبل ما اشم هوا اشتم هواك
وجفي لكطى لكاك بدروب الزمان
وكيفيت بين ضلعيني ازرعاك
الدنيا مدري شلون فرشتلي الشليل
وفرهديتك يوم عذالي التهوا
وانا جبت الغانمة وانا الدليل
وكورت واهل الهوا ما حصلوا
.
.
.
.
#شعراء_وذاوقين_الشعر_الشعبي
#صاحب_الضويري
#ابو_تراب

.
أمنيتي اغلط واجي
ومثل ابهات الخلك تكعد تحاسبني
وتفكدني وكت الاكل واعرف بروحي مهم
من تنشد امي علية بعده زعلان ابني
جنت من اطكلي طفل ثاري احترامك الي
هادئ تضل بالدرب وبيتنا تسبني
اكبر تجاوز الك من امي تغلط علية
وتجرني منها غصب وتكلها اني اله
وبالجذب تلوي أذني
شيرجعه ذاك الوكت تصيح علية جي وكح
واشبك فراشي برعب واتغطى من خوفي
وگلبك يردك علية جوة المخدة الصبح عايفلي مصروفي
.
.
.
.
#شعراء_وذاوقين_الشعر_الشعبي
#رضا_العبادي
#ابو_تراب

.
اكبر خطأ سويته بحياتي
خليتج جزء من ذكرياتي
قصة حبي غلطة شاطر وياج
انا المفروض احسبج من خواتي
اعلى كد الخوية شكرا اني ممنون
حالج حال سين بمعجباتي
انتي المعجبة الطخيتلج راس
الدخلتي لبيتي مو بس لحياتي
وانا المفروض اسولف رسمي وياج
واضل محمي بغروري ومفرداتي
احيانا غرورك والله يحميك
تواضعتلها بس خسرتني ذاتي
دنت نفسي لان ما شايف عيون
كلما ترمش تقرب وفاتي
الفرق بينج وبيني ... احلامج فلوس
وجانت شوفتج كل امنياتي
عيشتيني صدمة عمري والله
احمد الله مو منج بناتي
.
.
.
.
#شعراء_وذاوقين_الشعر_الشعبي
#علي_ناظم
#ابو_تراب

.
شتريد المشوا اشمر وراهم ماي ؟
المي سر الحياة على الراح ما اشمرة
وميرفلي جفن على الحابه من يروح
مفتاح الفرج لو ضاع ما ادورة
الكتب ذكرى بسجن غير افتهم شيريد ؟
السجن مو بايگ احلى سنين من عمرة
محكوميته تكضي ويطلع المسجون
جيب من السجن شيطلع الذكرى
.
.
.
.
#شعراء_وذاوقين_الشعر_الشعبي
#مهيمن_الامين
#ابو_تراب

.
حلال وعد بدو موتتك جية ضيف
ومثل موت الجمر لو متت مامش دم
بعدني هستوني احبك لو رحت معذور
الصور موش الجديدة التوجع الاقدم
.
#حيدر_التميمي
.
شلت ليفوك بس الشالني اتصور
حسبالة غشيم بشيلتي اتبختر
وانا ادري الخوذ فوك التفك تموية
حتى بلايا روس الخوذة تتكسر
.
#مرتضى_الاشتر
.
عيني الشالتك كتلها اشيلج راح
كلت شيلني وما قبلت تشيلك
وجرحي الفاك صدرة وما يريد خياط
واكف چنه واحد جاي يدعيلك
.
#احمد_الذهبي
.
ياهو بيكم يرضى يحجيلة علية ؟
يكلة يشبك بالهوا وما ينشبك
يكله حطني بداىرة ومشتعلة نار
منين ما امد الاصابع تحترك
.
#حسام_باسم


.
.
.
.
#شعراء_وذاوقين_الشعر_الشعبي
#ابو_تراب

.
يومية امر يم باب بيتك
گلبك شني ما حس اجيتك
ريتك تفگ الباب ريتك
جا بالمحاضن عاتبيتك
يومية احط ذكرى اعلى ذكرى
ودموعي تخلص كطرة كطرة
واتمنى لو تلفيني مرة
جا رد ظلام الروح كمرة
.
#عدنان_شياع
.
الروحه بعيد عنه شلون يرتاح ؟
بلايا وداع غرب والدمع طاح
من سافر بلا وداع
كاع تذبني يم كاع
نسمة بنص عواصف عافني وراح
الروحه بعيد عنه شلون يرتاح ؟
.
#سمير_صبيح
.
.
.
.
#شعراء_وذاوقين_الشعر_الشعبي
#ابو_تراب

.
انا المذبوح برموشك بعد شتفيد سجينك ؟!
انا رايح ترى الحكني
اخاف الموت يأخذني
مثل ما شلتك بعيني
اريد تشيلني بعينك
خذت رأيك غلط يا الما الك رأي
وصرتلك نهر وانا بعازة الماي
علية بهداي لمن تحجي وياي
دكات الگلب بينك وبيني
وصلت وياك حد اللا نهاية
وعساها بخت گلبي الخذت رأية
وراي الشمس وانت تگلي هاية
.
.
.
.
#شعراء_وذاوقين_الشعر_الشعبي
#حمزة_الحلفي
#ابو_تراب

.
اكره روحي من اذكر الماضي
ع كل السوالف جنت ماراضي

وانا الخشمه يابس بلزعل مكروه
وللمزعله بقصد ماروح متراضي

وكفت بابك وسومرت يلا مشيت
وعلى سده الباب بوجهي متغاضي

اجيتك عاشكك مو متهم محكوم
وجنت وياي جدي لكثر من القاضي

يلمخليني مااعرف استراح شلون
مثثل الميل كل الوكت مافاضي

طلعت بصورتك من دوت بيه النار
ومتعاجز جنت من شيلة اغراضي

عرفت الظيم منك وانا بلدكتور
ماكفت الورقه لهوسه امراضي

عساهه بحظك وكلمن قره ابالك
وعساك بسهم مايخطيك كتالك

اجي شامت لتابوتك قميصي اللوان
مو جناز اجيب دفوفي وابرالك

وهلمره من اعارك مو عليك وياك
اعارك شكو جتاف مدنك وشالك

كبل عبالي لكوه وخرزه مال لكاط
بين كلشي بيك من الضوه شمالك

مو بس كلبي خاشن منك اهلي وياي
يلبعز اهتمامك واضح اهمالك

.
.
.
.
#شعراء_وذاوقين_الشعر_الشعبي
#مصطفى_العقابي
#ابو_تراب

.
يا گلبي من الناس شتريد ؟
لم العشك واتعنى لبعيد
سوباط والوادم عناكيد
تتمنى بس حرمانك يزيد
وخلكگ فضي يتعب الصواعيد
وعيونك يكطرن مواعيد
جم وجة طايح شال دربك
والضيم هد روحه اعلى گلبك
صب الحبر بالماي صبك
ربهم جذب مو مثل ربك
يالحزنك بلون المكاريد
وبيا رسم جفنك طبكته
غني اعلى كيفك وابجي سكته
وضوك الوجع مخيط بدكته
رسمك صغير وعبر وكته
ورسمك ضحية بحجة العيد
هز جذع حلمك والكط الليل
وعلك الطريق بركبة سهيل
وهناك هم ينرادلك حيل
دربك بحر والماخذك ريل
وهناك تنتظرك مواعيد
خمر عيونك واشرب احلام
واتذكر الله تنام محتام
.
.
.
.
#شعراء_وذاوقين_الشعر_الشعبي
#عقيل_العرد
#ابو_تراب