هـاي النـاس ماتسـوه المحنـه
گـفه نشمـر وراه للرايـد يروح
البـگيفـه مـشـه لا يـࢪجـعنه
مثل لعبة اقمـار اليخسـر يكوم
همـه اليـوم فـازو باجـر احـنـه
.
.
#شعراء_وذواقين_الشعر_الشعبي
#منقول
#ابو_تراب

جنت ماتدري احبك
ودرت وجهك من دريت
كتلك ابقى كبال عيني
وعمت عيني ومابقيت
واذكر اخر شي كلتلك
عوف كل الناس راح يغيروك
وعلى عنادي تغيريت
.
.
#شعراء_وذواقين_الشعر_الشعبي
#منقول
#ابو_تراب

.
محسب لليضل ما اشيل هم الراح
ما ادلي اليروح الباب يندله
اذا بعض البشر تتوسل اليمشون
انا الراد يمشي انتظر ما اكله
اهاجر لو شفت عد ناسي ما مرغوب
واذا غثتني كلمة انسحب واتخلى
ما احب اليحطني بأخر التقويم
سلعة مرخصة وبأحساسي يتسلى
منو مثلي بحياته مسافر وتعبان
كل عمره وكتر بالدنيا ما خله
.
.
#شعراء_وذواقين_الشعر_الشعبي
#جبار_العبادي
#ابو_تراب

.
سهامك عذبني كطعني
ارفس واضحكت من ضحك سنك
صرت اقرب الي يفلان مني
اذا نشدوني عني احجي عنك
شردت منك احس مرتاح چني
طلعت بيك انا شارد موش منك
ما ترهملي بس تفصال احس بيك
و مر تكتل واضوكك حلو شمحلاك
هلا بجيتك اصيح وانت ما جاي
واقشمرني واكوم اتشابك وياك
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

يَجي يوم و أجي ببالك
و أذَكرك بِيه بالگوة
تحَن و ترِيد بس تعود
يَم أيامنا الحِلوة
بَالله شفادك فرَاگي ؟
شفتها بدوني ما تسوى !
.
.
#شعراء_وذواقين_الشعر_الشعبي
#زيد_الهاجري
#ابو_تراب

گلبت الرسآيل واختنگ صدري
چنت تگلي احبك گبل الشلونك
وهسه شلوني ماتدري
.
.
#شعراء_وذواقين_الشعر_الشعبي
#منقول
#ابو_تراب

وحق ذيج الليالي السود ... مرات
علية واتمنى لو بالطيف ... مريت
وصلت لمرحلة من الشوك ... مرات
احك رجلي ويسولف كلت بية
.
.
#شعراء_وذواقين_الشعر_الشعبي
#حسن_مهدود
#ابو_تراب

جذب لو تريد تعيش
وخل ناسك يشوفونك صدك لكن طعن درويش
طحت وحاسب من ارجع مكاني الكاه
بس ثاري بمكان الريش يطلع ريش
الحزن لايگ يگلبي عليك
جرح شفة الضحك يأذيك
وانا أكدر يگلبي أجويك
لا جنك شمع ويريدك الشراي ما باچي
بس گلبي انا اعرفك زين
غيرك يحجي حزنك وانت ما حاچي
.
.
#شعراء_وذواقين_الشعر_الشعبي
#عمار_سالم
#ابو_تراب

.
بعيني الضوك واعرف ياهو مملوح
واقرأ وجوه متغشني التعابير
قنوع وانتخم بفضاله الطير
وكتوم السر ادفنه اصوات بالبير
عرك عاكول اصعد ل صاحبي الماي
واغض طرفي من اشوفن بي تقصير
عمري يروح مني وما اهم بي
باقي وياي اعيشة يروح للجير
.
.
#شعراء_وذواقين_الشعر_الشعبي
#سمير_صبيح
#ابو_تراب

من كل من لوحده
تمشي الدقيقة عمر
ومثل السهم لو سوى
وكلشي شفت ما شفت
الساعة ما تستحي
تغار من نلتقي
تمشي اسرع من الضوة
.
.
#شعراء_وذواقين_الشعر_الشعبي
#سمير_صبيح
#ابو_تراب

المشكلة عيونك هن هن
جا وين وديت المحنه
مو انت واتوسل بقاياك
يدري الله بالصاير بلياك
خاب اعلى شوفه وجهك انخاك
جا وين المسولفهن وياك
ويخنكني شوكي الما رضى يفض
كلما انكال اسمك اغمض
.
.
#شعراء_وذواقين_الشعر_الشعبي
#علي_مهدي
#ابو_تراب

اذا سألت علية كلولها بخير
شفت كل الجروح المنها اعاني
صدك باقي أثر بس باجر يروح
واذا اضطر ابدل جلد ثاني
المهم ما يبقى شي من عدها تذكار
الخلت هاكثر ناس بمكاني
الهم راس مدري شلون طخيت
وانا الما اطخ راس ل زماني
بعد متهمني لو يمهه الهوا يصير
لمثلها رخصت دمعي شجاني
.
.
#شعراء_وذواقين_الشعر_الشعبي
#ميثم_فالح
#ابو_تراب

اسمك ينلغي المفروض
شنو ب أربع حروف تغورك عيوني ؟!
.
.
#شعراء_وذواقين_الشعر_الشعبي
#منقول
#ابو_تراب

سألتك والگلب بين دلالة
وابد ما جاوبت گلبي بسؤالة
ليش عيونك الحلوات حلوت؟
يمكن يا حلو امك غزالة
العدالة تكول تنصف باليحبوك
وانت بنظرتك ماكو عدالة
حلال الله ترى وصل اليحبون
وانت بكيفك تحرم حلالة
.
.
#شعراء_وذواقين_الشعر_الشعبي #ليث_النعيمي
#ابو_تراب

.
ثواني نشوف شخصك نختنك سنتين
العمر عايش معاك شلون يتنفس ؟
تدري الاحتلال شكد تعيس وقيس
من عنده الله شاهد شوفتك اتعس
يغيب النور عدنا الظهر لو مريت
تصير الدنيا ضلمة نكوم نتلمس
بوردتك ثعابين وكراهه دور
بعد بالطيبة كلي شوكت تتحسس
.
.
#شعراء_وذواقين_الشعر_الشعبي
#حامد_الشمري
#ابو_تراب

بضيجك ياهو كلك ... ما نعينك
الدمع لو طاح اشربه ... من عينك
لجن من وصلولي ... مانعينك
هلك منها الوصال احرم علية
.
.
#شعراء_وذواقين_الشعر_الشعبي
#اياد_عبدالله
#ابو_تراب

بينت من كمت تتزعل هواي
افتهمت عيونك وما عاتبتهن
وغسلت ايدي برسايلنا القديمات
من حسيتك لغيري اكتبتهن
من احتاجيتك وما شفتك وياي
هنا كل الملامح خربتهن
.
.
#شعراء_وذواقين_الشعر_الشعبي
#مالك_السلطاني
#ابو_تراب

.
عيد ميلادي اجه شو ما اجيت
كلها فرحت واني منتظرك بقيت
شعلوا الشمعات من نار الضلوع
ونفخو وطفو سنيني ويا الشموع
وهم غنو وانا بدموعي التهيت
انتظرت العام يخلص يوم يوم
كلت فرصة وترجع تراضيني
ما اجيت ولا اجه العام الجديد
لان بس جيتك عمر تنطيني
وعنك يسألوني لو تدري شكلت
( ادري ناسي بس اكول تأخرت )
واحس بالنظرات كالوا جذبت
ولان ممجذب قبل غير استحيت
.
.
#شعراء_وذواقين_الشعر_الشعبي
#رائد_ابو_فتيان
#ابو_تراب

مسودنين
لا اخذنا الكاس قبلة
ولا توضينه اعلى دين
وصار فكر البينه دهله
لا هو ماي ولا هو طين
مسودنين
نبجي ما ندري عليمن
نضحك وما ندري ليش
ما درينه انبعنه يمتى
وما درينه انبعنه بيش
.
.
#شعراء_وذواقين_الشعر_الشعبي
#محمد_الغريب
#ابو_تراب

لو صار العشك للبيع
لا تعتب على الشراي
كثر اللوم على الباعه
انا الليلة الج يا روح
ل اكص جفج واعلكه برمح المداعه
.
.
#شعراء_وذواقين_الشعر_الشعبي
#الكاطع
#ابو_تراب