• .
ثگلت علية شبيها الوجوة
سويت زين وصرت مكروة
جنت من اجي يكولون اجى العيد
هسة من اجي يكولولي شتريد
ليش العزيز ب لحظة ينسوا ؟
ثكلت علية شبيها الوجوة
.
.
.
.
#شعراء_وذاوقين_الشعر_الشعبي
#جبار_صدام
#ابو_تراب

.
كل اليضحك بوجهك حبيب الگلب سميته
متكلي شطلع گلبك ياهو اليجي وحبيته
طبعك هذا ما يعجب
ما تعرف تحب لا تحب
على روحك كايم تجذب
گلبك والله ذليته
هيج العالم تملك ولا واحد يدك بابك
واحد انا من الناس بعد ما احسب حسابك
شغلت سنين الك بالي
تحب وتوافي حسبالي
رجاءً عوفني بحالي وكلمن يكعد ابيته
طبعك هذا ما يعجب
ما تعرف تحب لا تحب
على روحك كايم تجذب
گلبك والله ذليته
.
.
.
#شعراء_وذاوقين_الشعر_الشعبي
#منقول
#ابو_تراب

.
تسأليني اعلى حالي
وانا تعبان حالي
شيوصلني يمكم
وانتوا قصور اهلكم
تسد عين الليالي
صحيح البيت مابي حديقة ولا مراجيح
لكن ورد حبنه لا يذبل ولا يطيح
حديقتنا التصافي
راحه وبال صافي
ومن التعب خالي
شتسألين اعلى حالي
يا بوية قصوركم وين و احنا بيوتنه وين
صغير البيت لكن كعدته مالية العين
واشكال العصافير
تحط على الباب وتطير
وانا تعبان بالي
شتسأليني اعلى حالي
.
.
.
#شعراء_وذاوقين_الشعر_الشعبي
#منقول
#ابو_تراب

.
جنت احبها وهي تحبني
والعشك لايك علينه
جانت تسميني حبيبي
وانا اسميها الحنينه
شهرين انا وهي انتحضر
على الزفاف احنه نوينه
تالي ما ندري نتفارك
للزمن ما حسبينه
ضيعيتج يالحبيبة مثل طفل مضيع امه
يذكر ايامه بكربها بشوك وبلهفة وتشمه
والي جبرونه نتفارك
وياهم احنه اشجنينه
.
.
.
#شعراء_وذاوقين_الشعر_الشعبي
#منقول
#ابو_تراب

.
وحقك ما استاهل روحتك هاي
ومو اني التخلي بگلبة لچمه
عساك ولا شفتها اوصافها شلون
ملامح فشلة اليعثرة جدمه
اشك برجعتك واتلاكفك خوف
واعزفك للضنون البية نغمه
امنيتي اعلى كد ما ارمش انساك
اقل شي اعلى بعدك گلبي اعلمه
لو ناسي من الاول لا صفكت ايد
ولا على الذكريات الليل اقسمه
من تالي صعب نسيانك يصير
مثل ال بالكبر يتغير اسمه

.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
يا روحي شبيج اسمعيني
ولو ادري الوكت فاتك
ابد ما رايد ترخصين
واحسبي حساب شماتج
يا روحي الدنيا مكضيه
اصبري الفرح بي جيه
واريد كبال كل الناس
اسمع صوت ضحكاتج
.
.
.
#شعراء_وذواقين_الشعر_الشعبي
#منقول
#ابو_تراب

.
تكلي احميك وانت ملثم من الخوف
تسولف على الندا وتحرك بساتيني
تكتل ناس چي ما كدروا يحبوك
ودرس عن الحسين تريد تنطيني
تدليني الدرب ما تدري دربه منين
اندل الدرب بعدين دليني
.
.
.
#شعراء_وذواقين_الشعر_الشعبي
#عامر_العيثاوي
#ابو_تراب

.
كبل ما اموت وصيت ارد اشوفك
امد طولي اعلى طولك وابجي وارتاح
اشمن ريحتك واشبك ثناياك
وبعدها ما يهمني العمر لو راح
الزمان يريد كوة طلابه وياي
انا مشبك وهو شايل سلاح
تلاثة وياي مسؤولين على الصار
حوا وادم وشجرة التفاح
.
.
.
#شعراء_وذواقين_الشعر_الشعبي
#منقول
#ابو_تراب

.
حلالك كتلي اني وياك للموت
وانا مكيف كلت غزر دلالي
وبس بعيوني اباوع تالي ضليت
وتبيع وتشتري الغربة بحلالي
.
.
.
#شعراء_وذواقين_الشعر_الشعبي
#منقول
#ابو_تراب

.
دمعتك باردة يكولون ما تشتاك
وانا خيالي الحنين يثكل بجدمه
والكاهم فراغ منين ما احط شوك
الاحبهم مو نهار كلوبهم ظلمه
اليضم عندي هوا ما اسولفه لمخنوك
اليجي بوكته دمع بعيوني ما اضمه
واهس ليل جرحي شكد سوالف بي
علية كل ذكرى مرت تنحسب لچمه
هوت روحي وهوت بس ما هوتها الناس
حجي عيوني سهل بس جيب اليفهمه
.
.
.
#شعراء_وذواقين_الشعر_الشعبي
#علي_رشم
#ابو_تراب

.
ما بيهن دمع ذبلانه الجفون
واذا ما بچن ما اسميهن عيون
بعد ما اشوف بيهن لا تجوني
خلص مايهن راحن عيوني
هذا الصار بينه ويا حرامات
ليلية السهر برموشنه يبات
.
.
.
#شعراء_وذواقين_الشعر_الشعبي
#منقول
#ابو_تراب

.
والله حلوة جايني تكلي نسيتك
ولا تحبني وللزعل صفيلي نيتك
انا اكلك لا تحبني
غيرك هوايه عجبني
شلون اعوفك وانا بالكوة لكيتك
والله حلوة
شلون تحجيلي نسيتك والله عيب
هيج انت تكول شيكول الغريب
غيرك بعيني ولا يحلى حبيب
گلبك انت انطاك تنسى ايامنه
الله لا ينطي گلبك
ترضى ما ترضى احبك
وما اعوفك وانا بالكوة لكيتك
والله حلوة
.
.
.
#شعراء_وذواقين_الشعر_الشعبي
#منقول
#ابو_تراب

.
ميت وبالتابوت واتكمكش متون
هلبت متن ل هواي وي اليشيعون
.
.
.
#شعراء_وذواقين_الشعر_الشعبي
#حسين_دريول
#ابو_تراب

.
يا بعد روحي انتظرتك
يوم وهلال وسنه
وانا من يوم العرفتك
يجري نهرك بس ضنه
رغم هذا اشتاك الك
ياهو غيري دللك
وهاي تاليت الدلال
يا بعد روحي تعال
.
.
.
#شعراء_وذواقين_الشعر_الشعبي
#منقول
#ابو_تراب

.
ابد لا تنفعل وصيت الرموش
يا مايع بين ادي يا طيب الانفاس
نام انت عوافي اتغطى بالروح
وانا اغزل للصبح بخيوط النعاس
كضيت الليل كله اسله بأثنين
مرة بالجكارة ومرة بالكاس
كالوا اصبرلها وكلت لا بأس
انا محد فادني شكد عاشرت ناس
انا صندوك فضة مرصع هموم
ويسألوني شجاك مشيب الراس
تعب هاي الحياة هموم والألم
وعلى هالدنيا الله يساعد الناس
.
.
.
#شعراء_وذواقين_الشعر_الشعبي
#منقول
#ابو_تراب

.
جم زلة منك بينت
ما جيت اعاتب مرة
ومن عشرتك كلي شفت ؟
غير ألالم والحسرة
انا ادري يهواك الگلب
وبعدك يعذب حالي
وادري اليحب ليلة صعب
هايم يضل للتالي
.
.
.
.
#شعراء_وذواقين_الشعر_الشعبي
#زامل_سعيد_فتاح
#ابو_تراب

.
شيعودني على غيابك وانا بكل ساعة اكول تعود
ولا اصدك رحت مني وياي بكل وكت موجود
بخيالي كل تفاصيلك
ما اعرف شسويلك
هم مثلي صعب ليلك
لو مرتاح من دوني
هم تشتاگلي بكدي
لو هي ازمة وتعدي
الدمع والله حفر خدي
وتارك حركة بعيوني
.
.
.
#شعراء_وذواقين_الشعر_الشعبي
#علي_الدلفي
#ابو_تراب

.
زين وناس اكو و ما عندك عيون
انا عيون عندي وما شفت ناس
كبل عباس اكو بس ما لكى جفوف
هسة جفوف اكو بس ماكو عباس

اكو باقين بس عن گلبي راحوا
واكو راحوا بنص الگلب باقين
غلط كل ادمي تسمونه انسان
وجريمة كل علي تسمونه ابو حسين
.
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

.
يا عين لا تبجين يا عين
كفي الدمع وارتاحي يا عين
لا سافروا يا عين وانساهم
ولا خلصت دنياي وياهم
بالگلب مرسومين يا عين
شجرة زرعناهم وتانينه
بس من ثمرهم خالية ادينه
مثل الشموع انطفوا يا عين
ما ودعونا ومشوا يا عين
وبروحي مكتوبين يا عين
كالولي عام وتنسى غيابك
وما اضن بعد حزنك يدك بابك
شو مرت الايام يا عين
وبروحي هم ينام يا عين
لا انا النسيت ولا انتي تنسين
يا عين لا تبجين يا عين
.
.
.
#شعراء_وذواقين_الشعر_الشعبي
#منقول
#ابو_تراب

.
خلص باكيت الجكاير بالدرب
صرت اشرب بروحي
وصعد دخان گلبي لغيمة الوهواس
دليني يا كبرك وين
جبتلك ياس لا يذبل بأدية الياس
ولكيته مكانك هذا
بس انت لوحدك بي
ابد لمن شفت كبرك كلت مدفونه كل الناس
.
.
.
#شعراء_وذواقين_الشعر_الشعبي
#الكاطع
#ابو_تراب