.
من بعد التجارب والخسارات
عرفتلهه وبعد ما صاحب احد
عرفتلهه وبعد مو ع اليموتون
على العدلين البسه الثوب الاسود
شايف من تضل تنعاد الايام
نفسهه وماكو شي بيهه يتجدد
يجي شچم باچر ومايختلف شي
نفس البارحة بس عمرك ازيد
ساعتهه العمر مستعمل يصير
واحلامك شوية شوية تنهد
صح تنكتب عايش بالسجلات
بس انته مجرد رقم ينعد
مثل الهوى ال بالمگبرة يدور
لاتخنگ ولا يشتمك احد
اكبر مشكلة يواجهه الانسان
اذا ع المشكلة يبدي يتعود
.
.
.
.
#شعراء_وذواقين_الشعر_الشعبي
#احمد_عاشور
#نور

.
حلم سبعة السنابل يابسه ولا هذا
مو نخلة التعوض ميت البستان
لا تحجي بسعر دفنه وجفن وتراب
شتطيحلنا مغلوبين يا الدفان
انا الما تروط جدامي لو معدوم
بقيت ارفس بموتك جن قلم خلصان
عفيت اعلى اللسن من طولوها عليك
رغم ما تكدر تكصهن لسان لسان
شحلاتك لون واحد عشت وتوفيت
و غيرك بسط بدوي شكثر بيه الوان
.
.
.
.
#شعراء_وذاوقين_الشعر_الشعبي
#سعد_شميل
#ابو_تراب

.
شكد ايام مرت وانت ما موجود
باب البيت افتحه والكبر مسدود
يا دفان گلي هم يرد اردود ؟
( عميانه على الزينين عيني )
يا دفان اخوي اعلى الورد نده
غير اسم اليحبها كل شي ما عنده
خشن رمل المكابر على الترف خده
( عميانه على الزينين عيني )
من كثر العرف صار النجف داري
هذا صويحبي وذاك كبر جاري
مثل نار الخليل تسعرت ناري
( عميانه على الزينين عيني )
.
.
.
.
#شعراء_وذواقين_الشعر_الشعبي
#غزوان_الغالبي
#ابو_تراب

.
بعدك ولا جاي اعرف اهوى
اني وفي مو انت تسوى
تعاملني جن لاكيني لكوة
وانا اغلى من ..... شيجي ابالك
عد يا عصب بالراس شيمة ؟
يمحي التفاصيل القديمة
الخلت سنيني بلايا قيمة
.
.
.
.
#شعراء_وذاوقين_الشعر_الشعبي
#علي_مهدي
#ابو_تراب

.
جنة صغار نكعد وكت الغروب 
باب الدار ننطر جية ابونه
يرجع مبتسم بس وجهه متعوب
ومن ايشوفنا يضحكن عيونه
يجي محمل ابونه اشكال والوان
وتضل اتلوم بينا امنه الحنونه
تعبك هذا تعبك لا يابو فلان
تتعب والصغار ايضيعونه
لكن يبتسم ودموعة بالعين
ويكل لامي التعب يستاهلونه
هذولي حزام ضهري بساعة الضيج
ولج بالشدة يام افلان عونه
ابونة على اجتافة صغار وكبار
لعبنة سنين ما تعبن متونه
يلبسنة حرير وهوة محروم
وقميصة من التعب مكلوب لونه
واذكر لو لعبنة امنة تصيح
ابوكم نايم ولا تفززونه
.
.
.
.
#شعراء_وذاوقين_الشعر_الشعبي
#عادل_محسن
#ابو_تراب

.
علامة الصبر ليش اصبر علامة
بحبل الموت حبل الروح مشدود
جسر ويعود لا تكلي بسلامة
اذا كال القدر ميعود ميعود
حر الصيد ينصاد بحمامة
وبركع للممات الشوف مسدود
انا الطب ولكى بروحة غرامة
مكتول وعلى السجين مسنود
واداة القتل مطعون بملامة
وراسم من نزيفة عيون وخدود
كلت بلكي الصدى حافظ كلامة
ما ادور نفي واثبات وشهود
خرسة الكاع وتحذر النعامة
ولسان الصدك بالخوف معكود
من المعدم الى اصحاب الفخامة
ومرورآ بالبطر والعاش مكرود
اسم مخطوط تالينه برخامة
فوك الكاع اسم والطين للدود
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
و يـ أنت ،
التضحك لـ كلشي ،

شتريد تگول ،؟
حتى أعله الضحك محسود ،
ما يدرون تالي الليل تابوتك مواويلك

ولا يدرون ،
حزنك ليش ،؟

وشمعنى الچفوف الـ مشتريها بـ روح ،
تستثگل مراسيلك ،؟
.
.
.
.

#شعراء_وذواقين_الشعر_الشعبي
#جواد_زغير
#فـطومۿہ

.
مرات من گد المرض
مابيك حيل ترد على
اليسأل اذا گال "شبيك"؟؟
ومرات يچويك الوجع
وتريد واحد يطفيك
ومرات تتوازه بليل
وتريدلك صوت وحيل
وعظامك تضل تحچيك
ولا تلگه طيف يمر بيك
ولا تلگه صوت يواسيك
مرات من گد الوجع
حتى انتَ ما تدري شبيك
.
.
.
.


#شعراء_وذواقين_الشعر_الشعبي
#زيد_الهاجري
#فـطومۿہ

• .
ما عدنا والخطار غفلة اعتنونه
نكط عرگ واغتاض بالصورة ابونه

وي امي بالتشييع هب بارد الريح
شمرت غطا التابوت لف روحك تصيح
.
.
.
.
#شعراء_وذاوقين_الشعر_الشعبي
#يوسف_ابو_براء
#ابو_تراب

• .
بس اصبري مرورة الفركة اعلى صدري تطيح نجمة
واعثر بصوتج ضوة واتبدى ظلمة
يوكف بصدري هوا يكفيله دنيا وخلكي نسمة
توها بردت وانتي مريتي رصاصة
خايف تروحين واذبل والعطش يترس مكاني
وخايف اشرب روحتج واخذلي ليل وما اتاني
هاي الية سنين بارد محد بملكاه جواني
شلون ما طكت عشب بية الثواني
ويخلص الليل ويخضر ليل ثاني
بية واهس كافر وربج هداني
الليل شبعني سفر واني بمكاني
.
.
.
.
#شعراء_وذاوقين_الشعر_الشعبي
#علي_رشم
#ابو_تراب

• .
على روحي كمت اخذ اعزاز وياي
بلكي تسامحك يومية امر بيها
وتطلعلي الجروح وانعل الشيطان
على جروحك اغلس لو اواسيها
شالتني الغرب يوم الطحت وياك
شردتك وكفه كمت انوب اسميها
تعيرني اعلى ياهي وانا وكت الضيم
اضحك شفتك واطفالي ابجيها
اشتميت الهوا من عفتك ارتاحيت
ونبضات البصدري كمت احس بيها
.
.
.
.
#شعراء_وذاوقين_الشعر_الشعبي
#حامد_الشمري
#ابو_تراب

.
جبير الحب الاول وحدة يعيش
ويضل معزول عن وجه اليريدة
مثل طير الزريجي ب كبه امام
لا تجناه ولا تكدر تصيدة

ها عقلي شو مخبوص واسمع ضجيجة
بس لا ذكرت ارسوم وجه العتيجة
.
.
.
.
#شعراء_وذاوقين_الشعر_الشعبي
#حسين_العميدي
#ابو_تراب

.
يا دنيا شعندج وياي ؟ يومية بمدينة
اشوف الناس والناس حجيهم مو حجينه
اخذتي شكد اخذتي
حرمتيني صحبتي
لحكتيني اعلى بيتي ؟!
.
.
.
.
#شعراء_وذواقين_الشعر_الشعبي
#جبار_رشيد
#ابو_تراب

.
لملميت الضال بيه ..
ومالحت من چتفي حيل!
حتى روحي استغربتني !؟
ودردمت بغناي ويل
كلش استاحش ضحكتي..!
الضحكة عالون طيب هيل
واگفة الكلمة اعلة شفتي
خايفة يفز بيها ليل
ما كو وجهة اتلفت الها
والدرب عثرة وطويل
لملمت بوشال روحي
وعاونت ضني العليل
كلها من عوزي تبرت!
بس نده عيوني خليل
هنه عشرين وتعدن !
بس عدال اثنعش جيل ..!
.
.
.
.

#شعراء_وذواقين_الشعر_الشعبي
#وجدان_النقيب
#فـطومۿہ

.
أنته والدنيا وشتا الله
وخبصة الوادم وحظي
والضياع الماد رجله بوجه عمري
والأماني المدري ياهو الباگ بيهن
والليالي التاخذ من الحيل من تريد تگضي
والضوه الما يشتهيني
والهوا الما يعتنيني
والسما الما گمت أثق بالظال بيها من طفه وجهك بعيني
ذني كلهن يوجعني
.
.
.
.

#شعراء_وذواقين_الشعر_الشعبي
#زيد_الهاجري
#فـطومۿہ

.
منو الشايف النوم؟ يسولف شلونه
كمت احسد كلمن غمض عيونه
منو اليشبهني يكعد لصبح سهران
منو اليلكونه كاعد من يكعدونا ؟
يبو النومه الثكيلة وبال خالي هموم
لاتعتب على الماطابگ جفونه
ترة الماغافي ناس ابالة ما يغفون
يريد ينام لكن ما يخلونه
.
.
.
.

#شعراء_وذواقين_الشعر_الشعبي
#يوسف_الساعدي
#فـطومۿہ

.
على سنة رسول الله ردت خلي
وطردوني بوكتها وادم تصلي
ابوها يكول مو من ثوبنه وننطي
انصحوا ياخذ المشاية و يولي
وعمها يكول مو بس ماكعد ويا
لا هذا بحلم ما اكعده وي ضلي
وبتهم واكفه تصرخ بظهر الباب
لو ميت ولا هالموقف احسلي
مفكر بالذهب اكثر من الصياغ
بكد ما كلت يا ابو الفضل سهلي
كمت وشكد مشاعر بقن على الطبلات
لا والله بقيت بيتهم كلي
كمت ودموعها تجر بية من مكفاي
ومشلول النفس بالكوة يوصلي
منو يطبب ركبتي بفتحة الحلقات
ما يبرد بحبل المشنقة غلي
.
.
.
.
#شعراء_وذواقين_الشعر_الشعبي
#رفعت_الصافي
#ابو_تراب

‌.
حاله حال دموعي چان بعيني
وحالي حال الناس يحسبني ورضيت
على الأقل حاسبني ما ناسيني!
عود ردت ضهورنا بنفس الصليب
ليش عيسى بدينه واني بديني!
هسة بلا الـ گلبه ما ينطيه رچيچ
اني گلبي وعقلي ما ينطيني!
.
.
.
.
#شعراء_وذواقين_الشعر_الشعبي
#حسين_السلطاني
#فـطومۿہ

من اموت ....

انسو اسمي....
وشيلو كلشي ايخصني من گلوبكم
وشگگو كل المراسيل التخصني
وشگگو صوري التذكركم برسمي

انا خايف...
حتى لا ينزل دمعكم
خاف تبچون وعزيزة ادموعكم
.
.
.
.
#شعراء_وذواقين_الشعر_الشعبي
#علي_السعيدي
#فـطومۿہ

• .
شلك علية يا زمن وشرايد ؟
انطيتك الي ردته مني وزايد
ضحيت ب أغلى احبابي
وخسرت كل اصحابي
شتريد تاخذ ؟ بينت ومعاود
شلك علية يا زمن وشرايد ؟
نيشان اكثر من جرح مو كافي ؟
كضيت عمري وياك ما متصافي
الماي يمي والعطش بشفافي
شتريد تاخذ بينت ومعاود ؟
شلك علية يا زمن وشرايد
.
.
.
.
#شعراء_وذاوقين_الشعر_الشعبي
#الكاطع
#ابو_تراب