.
هلي بية دروا كمت انا احبك
ودروا بس انت تلفتلي انتباهي
هلي يدرون من تتزاعل وياي
اضل اصرخ رحمتك يا الهي
هلي نشدوني عنك كلت بالروح
ونشدوني اعلى روحي وكلت ما هي

وانت هواي متغير هالايام
والبراسك قروا انا اعرفتهم
نفسهم هم اجوا واتقربولي
ودكوا باب گلبي واطردتهم
.
.
.
.
#شعراء_وذواقين_الشعر_الشعبي
#عبدالحسين_الحلفي
#ابو_تراب

.
على الصبورة تكتب اسمي غدار
وانا العلمتك تشيل الطباشير
يم الشجرة راسم گلبي منشار
وانا النامن بحضني العصافير
كلت عني خسر ويدور اعذار
وانا الرابح الدافع مخاسير !
علية تحلف تكول يطلع اسرار
وانا البية حلف كدامك البير
تعيرني بجناحي تكول ما طار
غير انت كسرتني وكمت ما اطير
كلت عني خنت طشيت الاخبار
وانا بعمري ما خاينلي تعبير
خذت عمري وشبابي وكلت الك صار
ردت اشرب رضاك وكتلي ميصير
انا دم ولحم مو خشب واشجار
بكلامك ليش تضربني بمسامير
اباوع بالجروح البقن تذكار
لان وياك ما ماخذ تصاوير
.
.
.
.
#شعراء_وذاوقين_الشعر_الشعبي
#علي_الشمري
#ابو_تراب

.
وين الله اعلى غفلة وتسكن الريح
وأيس ما اناطر دكته الباب
وانكت ظهري بس يا كاع التشيل
من يطشرن طعنات الاصحاب
افرغ راسي من اضغاث الاحلام
واعوف الكاع ما دام الجنح طاب
لان مغرور وجه الورد ينباس
وشبع من التواضع دوس التراب
اكلهم هالكمر ما يسوى هالصيت
لو ما الليل ما جان اسمه ينجاب
وحكك يا گلب كل خير ما بيك
وبعدك لليروح تدور اسباب
كض نبضاتك المن هادهن حيل ؟
وحتى كبال روحك غطي الصواب
لا تترجى من عدهم ينصفوك
الغيم يجيب روحة وصاحوا شجاب ؟
.
.
.
.
#شعراء_وذاوقين_الشعر_الشعبي
#ميثم_فالح
#ابو_تراب

.
بعنا البيت ريت البيت مهجوم
وريت اكثر بعد من هالخساير
فراش الفاتحة لو شفته ملموم
بنص گلوبنا تلكى الجوادر
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
اشيل ضماد جرحي تريد لا مو هيج
انت اسألني اول انا جرحي انشد ؟
يستشري الحزن واستئصله كل يوم
الى ان اخبروني ان حزنك قد
وصل حاله بعد منك صعب ينشال
جروحك بي مچلبه جذرة بيها امتد
كضى وكتك مثل ما خلص وكتي بيوم
وين تريد احطك باب گلبي انسد
رذاذ ال على الورد صح نده بس لو طاح
تتغير اوصافه ومو نده ينعد
بس يجوز اذا حر الشمس يچوي
يتبخر يجوز وللورد يصعد
.
.
.
.
#شعراء_وذاوقين_الشعر_الشعبي
#ايهاب_المالكي
#ابو_تراب

.
الي بمعاتبك غايه
والك وسط الگلب رايه
يا المخضر بروحي اعتاب
اكف وياك الحجايه
عود شمعنى غصن الهيل
من زلفك شرب مايه
عودك ليش من تميل
تميل وياك الولايه
صدك عود انت ما تدري
الترافه بوجهك هوايه !
محد كالك بالبيت شمسوي بالمرايه
يا المخضر بروحي اعتاب كافي سبيتنه سبايه
كافي الناس مصخت شوف
كافي عيونها تجرحك
امك من تنست بيك مدري شحطت بملحك
.
.
.
.
#شعراء_وذاوقين_الشعر_الشعبي
#صباح_الطائي
#ابو_تراب

.
.
مرة سهرنا سوة اني وخيالي وحطب
بليلتها جانت برد والسنت نار الحطب تتمايل وي الهوة
البروحي نفس اللهب
والليل مدمن دمع شما اصب ينتشي
ضليت اصبله وشرب
وانا بديت الحجي اوصف جزيرة ابحر
الصبح كلها ندة و بالليل كلها ذهب

#سمير_صبيح

ساكت لك ولو سكتت الشمعة بروح
بس ادري الحجي غنوه بسلف طرشان
مو شرط السكت لازم رخيص يصير
ترى الحايط عزيز بديرة العميان
تحركني وتجي تطفي الحرك بالصوف
و اوكع واليكع مو شرط خايف جان
شغلاتج بالسجن يا طيحة المفتاح
تقلق نومه المسجون والسجان

#رفعت_الصافي

.
.
.
.
#شعراء_وذاوقين_الشعر_الشعبي
#سمير_صبيح
#رفعت_الصافي
#ابو_تراب

.
موالم والميتك ... وانت لافيت
وخربنا ولا انا اوافي ... وانت لا فيت
تلاكينا وجزينا ... وانتلافت
و واحد كل للاخر هاي هية
.
.
.
.
#شعراء_وذاوقين_الشعر_الشعبي
#اياد_عبدالله
#ابو_تراب

• .
كلشي ما شفت بحياتي لا مواعيد بحدايق
ولا كرستال الفنادق
ولا كضيت الليل بحضان الركص
طبع ابن فلاح طبعي و عمري كضيته بشكص
من امر بشارع الستين تتحنى البنات
وشارع السادة يهلهل والجوادر تنخبص
.
.
.
.
#شعراء_وذواقين_الشعر_الشعبي
#جبار_محيبس
#ابو_تراب
• .
.
صوتك ندهني ومو حلم وفزيت من نومي وكلت
مو صدك ؟ لا يمكن صدك !
والروح وي صوتك مشت ناديت والخطوة ابعدت
والصوت وي مشي الجدم من ينلحك ما ينلحك
وعلى الاثر نمشي اعلى الاثر والشوق سابگنه سبك
يم بابك ويا حيرتي ؟ مدري شندهني وجابني
وحتى نسيت شلون على الباب من ادك
ضنيت ما اشوفك بعد
من شفت ضويات الدرب يطفونها شما تعتلك
ومن شفت شتلات الفرح مات الفرح وملثمة
والحزن صار سنين ياكل بالعرك
.
.
.
.
#شعراء_وذاوقين_الشعر_الشعبي
#جبار_رشيد
#ابو_تراب

.
ملفته للانتباه
مثل شبوي المسى بعطره وشذاه
حبه حبه وشذره شذره وكطره كطره
وبالرسم طول خلك بيج الاله
صور عيونج مواني وبيها عاف الليل نومه وذب غطاه
والشكر ما جان مزروع اعلى كاع
كاع خصبه للشكر هاي الشفاه
عيوني ما تكذب علية
العسل يم الاشارة وجده منج
كسر گلبج واخذ من خدج حلاه
من بعيد انتي جميله من قريب انتي جميله
والحلو وجه يبين من كفاه
.
.
.
.
#شعراء_وذواقين_الشعر_الشعبي
#الكاطع
#ابو_تراب

.
ثاري اليفك ريجة بتتن
كدامه من تحط خبز مثل الجكارة يلفه
وماطول ما بيها هوا
خليني ارد اعلى الاثر والعتب خل يولي
من صارت مكاطف حجي
مو شلك بخيري بعد انا البخيرك شلي
ومو وحدك احسنلك تضل انا اضل وحدي احسنلي
.
.
.
.
#شعراء_وذواقين_الشعر_الشعبي
#احمد_الصالحي
#ابو_تراب

.
انصبت ب اسهامهم مكبل ... يهندس
ومهندس ليل فركاهم ... يهندس
اذا خيط الفجر ما طر ... يا هندس
احشم علي يرد الشمس لية
.
.
.
.
#شعراء_وذواقين_الشعر_الشعبي
#رحيم_الركابي
#ابو_تراب

.
محسب للزمن تنساني وانساك
سبقتك خطوة بالمستقبل تفيد
اثر عايف ؟ خطر متغيرة الايام
حفر نحات متمسحه التجاعيد
و البالك بعيدة انساها متصير
فرزنت النوايا و قاري شتريد
كشايه بنهر و الجاري مجنون
بلم تقنعني واصعد حلمك بعيد
.
.
.
.
#شعراء_وذواقين_الشعر_الشعبي
#نور_اللامي
#ابو_تراب

.
تكلي شبيك ما تدري ... ورا شبيك
اهب صوب اليشور ابجي ... ورا شبيك
كصب جنك يجي المغرب ... وارش بيك
و ورا المغرب هواك يهب علية
.
.
.
.
#شعراء_وذواقين_الشعر_الشعبي
#اياد_عبدالله
#ابو_تراب

.
تذكر من احط بوسات الك ع الباب
والباب الصبح من تطلع يكلك
وتذكر من اجي لشوفتك جية روج
وعلى حطتك جرف ضليت ما املك
لا انا من البحر خلصان وابقى وياك
ولا جرفك يكضني وتعبت خلك
بصراحة انت جرح وادري من اخيطة يطيب
غلاتك لو صبر مانعني ما اشلك
السما بعينك شبج عوف الاوهام وطير
حط ايدك ب أدي لو اموت ما احلك
بعدك والسهر وحجاية البطران
تولني نهش وتشوف ما اكلك

.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
حبني لا تضل تعتذر
حبني واجبرني اعلى حبك
الروح ما تعشك لون ما تنجبر
السيف ما ينهاب لو ماكو الطبر
حبني لا تضل تعتذر
واعترف راح اعترفلك و احنا شوف نفس الامر
اثنينه انبعنه بسعر جوة السعر
اثنينه انبكنه حدر شمس الظهر
اثنينه السجين تانتنه نذر
اثنينه توهمنه بالحب ننتصر
اثنينه نعاني الغدر
واعترف راح اعترفلك گلبي جان شكد جسر
وانا جتفت الجسر
وانا وزيت الحمامه اعلى النسر
.
.
.
.
#شعراء_وذاوقين_الشعر_الشعبي
#جبار_رشيد
#ابو_تراب

.
بنت عشها البلابل بالبساطيل
وجنحان النسور مزرفه زروف
مشينه للحرب واحنه كصاميل
رجعنه مكسرين ونزحف زحوف
فتحنه عيونه وصارت درابيل
وراوتنه قضايا تخوف الخوف
.
.
.
.
#شعراء_وذاوقين_الشعر_الشعبي
#سمير_صبيح يقرأ قصيدة ل #جبار_محيبس
#ابو_تراب

.
انا الكديت اشوفك لحد ما مليت
وكفت كبالك وما حصلت نظرة
انا البعدك عشت بس نفس لا بس روح
ميت والشماته تخوزر بكبرة
اذا ما انسى لازم اكدر اتناساك
كافي عيوني تبقى من الدمع حمرة
كافي من الصبح يكعد براسي الليل
لحد ما كاموا يصيحولي ابو السهرة
هي المشكلة من انساك غير انساك
وانت بداخلي مو مسأله ذكرى
من ابات تبات بية من افز تصحى وياي
متلبس بروحي اتركني بس فترة
يا المخليني عايش بينك وما بيك
وما منطيني فرصة اتجاهلك مرة
اطوف بصورتك وافتر بنص البيت
واتوضى من اشوفك وانت مو حضرة
على فكرة نسيتك بس نسيت انساك
وعلى فكرة نسيتك رافض الفكرة
.
.
.
.
#شعراء_وذاوقين_الشعر_الشعبي
#علي_المياحي
#ابو_تراب

.
عندي الصداقة وطن مو سهر حد الصبح
وان جاني تعذرت رأسا شكل ذمتي
عديت ربعي الوفوا
بالخنصر وخلصوا
ضميت ادية وصحت يا بوية يا فشلتي
لا شلت ايدي بزعل لا فاجأت صاحبي
ادفعها كلت بالتي احسن وادك لافته
منا وهيجي بعد مو كل وجه يقترب ينشاف بمرايتي
.
.
.
.
#شعراء_وذواقين_الشعر_الشعبي
#علاء_الزبيدي
#ابو_تراب

.
هم يا گلب باليجي وحن يا گلب على الراح
واسبح بشط الحزن ظهر ومسى ومصباح
هيم بصحاري التعب واچويك من ترتاح
ما دام ضاع القفل شنسوي بالمفتاح
مليت وك يا گلب دكاتك مسودنة
وجنهن بضلعي ارماح
جم موت اجة وما متت يا البيك سبع ارواح
وياك انا حرب كلمن يشيل سلاح
تكتلني لو اكتلك بالحالتين ارتاح
.
.
.
.
#شعراء_وذاوقين_الشعر_الشعبي
#الكاطع
#ابو_تراب