• .
ما اكدر اطلعك مني وارتاح
شيطلعه الوطن من رأس الاسرى
من اذكرنك ضفاير تخنك الروح
من اريد انساك لازم شعرة شعرة
بهواك اعصرني مني تطيح سعفات
حقي اشتاقلك لان روحي خضرة
سهم يركص بضلعي بيدي جف مي
جهنم بية تلحك وانت صحرة
اعرفك زين عفت الماي بالايد
وجه ما منطي الية انوب كطرة
تجي بشمره كبر شمره سما تروح
واضل ب اثنينهن مخنوك عبرة
تدري بجفني ليش مركص الليل
واذا نعس اكض ظهره واكسرة
حالف بالنجم ما مرة انساك
اذا اكرهك احس كاتلي كمرة
.
.
.
.
#شعراء_وذاوقين_الشعر_الشعبي
#علي_الشمري
#ابو_تراب

.
جاي تكلي اسف ؟ .... ضحكتني
ولا جنك بدم بارد بعتني
تضحك جاي ؟ يابة شوكحه عينك !
عاد امسح رسوم الحاضنينك
رخيص شكثر عندك حسستني
لا والنوب جاي وكلك اخلاق
ناعم وبترافة تلكي مشتاق
اش لا تحجي عن الشوك كلمة
و وخر عطرك انغث من اشمة
بقساوة اتعامل ؟! ... انت العلمتني
جاي تكلي اسف .... ضحكتني
دمعي وسهر ليلي وغربة الكأس
هاي الاسف ليا لچمة منهن
العفتهن وحيدات بوحشة الناس
ثمنهن هذا لو كفارة عنهن ؟
حلم ترجع بعد تغفى اعلى متني
جاي تكلي اسف ضحكتني
.
.
.
.
#شعراء_وذواقين_الشعر_الشعبي
#صفاء_الصمت
#ابو_تراب

.
ماريد اعوض خيبتي بغيرك واضل
نفس الخطأ يتكرر ب أيامي
كتلي انتهى كلشي وخلص
جا ليش من ذكروك امس طخت بالاخرى اجدامي
خليت اليحبك ترى بالحلم لو شافك رحت
يكعد ويبجي بلا وعي يچلب بعينه وحلمه
وك انت بهذلت السلف ما بهذلتك زلمه
شايف شكد مالي خلك
خطار امس حد ما طلع ما حاجي ويا كلمه
وها خل اكلك على الصدك يالمبتسم وتباوع
من وادعتني بلا سبب حسيت انا بذاك الدرب
دافن الدنيا وراجع
وك من حلاة مرورتك ما شابع
وك من اهد ذاك الزعل صاير رفيجي الشارع
واشبك الكاع بكومتي مثل الخيال الواكع
.
.
.
.
#شعراء_وذواقين_الشعر_الشعبي
#علاء_الزبيدي
#ابو_تراب

.
والله اتمنى اجرب نومه الليل
ومثل باقي البشر يرتاح بالي
لا كادر واغير واقع الحال
ولا كادر اصيرن لا ابالي
ويكولون الوكت مقسوم نصين
نهار وليل شو كلهن ليالي
بلا زحمه الزمان شعنده وياي
شنو الباقين حنضل وانا حالي
لا كاتلي سيد لا خنت جار
ولا رديت محتاج من اجالي
من كثر الشلتهن فوك المتون
وصلت لمرحلة اتعب من خيالي
الي تصير الدموع افراج مسجون
ثبت بس الدمع صاحب مثالي
عجيبة الناس تحسدني اعلى يا حال
وانا الما كاض ربحي ولا حلالي
.
.
.
.
#شعراء_وذواقين_الشعر_الشعبي
#اثير_التميمي
#ابو_تراب

.
الحيطان منخل والدروب حفور
والبيبان صرخه بلا صدى ولاصوت
صفنة گمبره بوحشة مسية گبور
ووجوه الزغار الحاضنه الشباچ
باگة ورد ذابل بالحزن معصور
والنظرة متاهه وخوف يرضع خوف
من يهتز قفل حسبالهم شاجور
من يهتز قفل حتى الطيور تطير
مرعوبة جنح وبلا وعيها تدور
ماظل لاملاذ يلوذ بيه الخوف
بس حسرة مرارة بحشرجة مصدور
قامت والجراد اسراب تتلى اسراب
من تسكن الريح يعشعش المنذور
قامت والمناير تختل ويه الناس
وتخاوي الرصاصة الصگر والعصفور
قامت والبشر مو بشر غابة زور
يحصدهه العصف ويلوچها التنور
.
.
.
.
#شعراء_وذواقين_الشعر_الشعبي
#عريان_السيد_خلف
#ابو_تراب

.
طاحتلك الفركة موردة الخدود
وانا طاحتلي كلش دمعة العين
واشو طالع تخبل من الفراك
وانا طالع مخبل بالدرابين
كل هذا واكول مقصر وياك
وانا الباچي بچي يسواله شطين
وما تبچي واعذرك حقك بهاي
دمعك ما يعرف خدودك منين
.
.
.
.
#شعراء_وذاوقين_الشعر_الشعبي
#علي_نجم
#ابو_تراب

.
استعجلتي ترى الخنتيني ويا
تعنالج لان فاركله غالي
الفرق مابين نيته ونيتي وياج
رادج للهو وردتج حلالي
راد براسج انتي يخلص الليل
وانا ردتج تصيرين ام جهالي
ومابية نقص جان النقص بيج
لان تردين واحد لا أبالي
الطيب لو بكلشي الاول يصير
اذا ميخون ينذب على التوالي
كل هذا واكول الطيبة ذلة والغدر عاش
واشوفج وارجع ل طبعي المثالي
لهسة وگلبي يمج ماله رداد
اجي كامل واردن صدري خالي
واحير الشافني مذلول مهيوب ؟
نازل راسي لكن دمعي عالي
وبعد شيفيدني تكبرين بالعين
صغرتي وكبرت بعيني الليالي
.
.
.
.
#شعراء_وذاوقين_الشعر_الشعبي
#رائد_ابو_فتيان
#ابو_تراب

.
تالي الليل اكلهم باجر انساك
وارد من غبشة الله واحجي بس بيك
بغيرك فكرت كلت بلكي انساك
طلع غيرك يشبهك فكرت بيك
.
.
.
.
#شعراء_وذاوقين_الشعر_الشعبي
ل #عبدالحسين_الحلفي
#ابو_تراب

.
ميز جرح عن جرح
بيهن يطيب بزعل
وبيهن يطيب بصلح
وبيهن يطيب ب دوه
وبيهن يطيب ب جرح
وجرحي عرفت علته
جرحي دواه الملح
جرحي القبل يستحي
شو هسة صاير وكح ؟
بية حالة من الغجر
الليل يكضي سهر
وينام وجه الصبح
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
صفكوا كالوا غلبنا وانكطع نفس البحر وانكضى الماي
لا ولا هاي الخسارة وما يتيه العده سجة وعنده ضنة وعنده نية وعنده راي
الغابة ما تكضيها سله
وشجرة من تخسر ثمرها اتاني موسم ثاني جاي
شما غفت سدت حلمهم
كلها جدم السيل جاي
الخناجر ما ترد صدر اليهد وسلاحه جرحه البير كلما غمكت جرحه المساحي يزيد ماي
.
.
.
.
#شعراء_وذاوقين_الشعر_الشعبي
#الكاطع
#ابو_تراب

.
أنــه بــحلـكَـ الــمـدافــع وأسـمـع ام كـلثـوم
وأذا عـبـرن عـلـيّ جـيـلات الــزمــهـــن
انـه بـيـهـن ويـمـهـن انـتـه جـيـت امـنيـــن
لـو تــركـب عـلـيهــن انـتـه مـو يــمهـــن
جــاي ابـجـم نـهـر تـعبـرنــي رايــح ويـن
مــثــل مـا عــابــرك ذنـي انــي عـابـرهـن
وراك اركــض وراهـن مـــــا يـفيـدك لا
مــا ضـحكــن وغـمـزن لـيـش تـلحكــهن
لــو تـلـبـس أفــراش ويـمهـن انــتـه اصـير
يــطلعـن فـد نـشـاز وكـلـش اكـرهّـــــن
تــختـل بـالـسكَـف لـو سـولـفـوا عـالـغيـم
كـلمـاتك أتـخـاف الـــــماي يــلــزمــهـــن
اكــعــد عالــنهر وأشـمـرهـن ومــا خــاف
يــطبـن طـيـن بــس اتـراب اطــلعــــهن
عــلــي لـدكـَ رهــن دكـَ راسـك أبــهالكَـاع
اجـي مـدنـكـَ وأصـفــك مــامــجـربــهــــن
مــن زغــري صــلف وتــلاوه ويــه الــعيـــد
يــطلــع اهــلالـه وانـي اجـروحــي اطــلعهــن
وتــسألــنـي الـخلكـَ وانــي ابـصبــاح الــعيـد
اهـدوم مشـكَكَــات ولــيش لابــســهـــن
مــا كَـلهـم فـقيـر وبـيتــي مــن الــطيــن
اكـلهــم انـي احــب اهـدومـي اشـكَكَـهـن
.
.
.
.
#شعراء_وذاوقين_الشعر_الشعبي
#علي_الشمري
#ابو_تراب

• .
على فكرة ترى ما تسوى تزعل
والمفروض بأول بوسة تقبل
ترى ميصير اخلص عمري اراضيك
اذا يكثر لمسها الوردة تذبل
نصيحة ودير بالك تزعل هواي
اذا يزعل هواي البشر ينمل
والتكرار يفقد لذه الاشياء
حتى الحب اذا ينعاد يفشل
لا تقيس البشر من رد الافعال
العقل من يوكف الرجلين تنشل
الخلافات التصير بين الاحباب
ب لمسه ايد بوسة ب شبگة تنحل
الحب نوعين فاهي ويجوي مرات
انا اعشك الثاني يولي الاول
.
.
.
.
#شعراء_وذاوقين_الشعر_الشعبي
#علي_ناظم
#ابو_تراب

.
شكد كبلك مشوا ما سلوا الروح
ولا بغيابهم كسروا ظهرنا
البعد نيران كبره يبخر الدموع
وبس يزود يتبخر بصرنا
منين نجيب مثلك حتى ننساك
ومنو المثلك يعوضك لو خسرنا
الشبه كل اربعين حجاية تنكال
واذا واحد يصح جان انتظرنا
تعال الجرح جن وما رضى يهيد
وحجينه ويا ما ينفع عذرنا
ويشك روحه اعلى طوله وينكت جروح
وكضينه خيوطنا وملت ابرنا
شوكت يندك علينه ويضحك الباب
ويترس بيتنا و صوتك يسرنا
وترد انت ويجن الرحن وياك
وتجيبه وياك يالماخذ عمرنا
.
.
.
.

.
#شعراء_وذاوقين_الشعر_الشعبي
#جبار_رشيد
#ابو_تراب

.
من بابك امس مريت بسكوت
اخاف احجي وافزز ذيج الايام
ما موجود اعرفك بس امر بيك
على دروبك تراها تخف الجدام
حلم فركاك ليش تحقق بساع ؟
وحلم بي نلتقي ما مر بالاحلام
صفنت باب بيتك صفنت اموات
صفنه شكد سوالف بيها الك ضام
هلكد ما دعيت ابابك سنين
تخيلتني الخلك كمت اعبد اصنام
.
.
.
.
#شعراء_وذاوقين_الشعر_الشعبي
#مهند_الهندي
#ابو_تراب

• .
لا ترجع بعد بلكي من انام انساك
وبلكي يغطي وجهك جرجف الشراي
شفت الماخذك وتمعنت بي زين
لا صاحب طويلة ولا وجه جناي
شرى مني الشعير ال بالقحط غالي
واحس هوسة وعراضة وجادر ابالي
مو وجهه الحسن صوته يتراوالي
واتكمكش بفركاك درب الرمل باب
بلكت اثر موجود لجدام الاحباب
كاعد والهوا يشمر ب أذاني حروف
يا ابو ولف البعيد الحيل رايد حيل
وانا بطرك العيون المالهن بيبان
عليهن من اجى استفحل بواچي الليل
ترى چوية بنادم على بنادم دين
شلونك بالعرس كالوا عليك زوين
كالوا دمعتك خربت كحل العين
يالخربطت بحساب نجم الليالي
بالك ترى يكولون حوبة خيالي
.
.
.
.
#شعراء_وذواقين_الشعر_الشعبي
#حسين_العميدي
#ابو_تراب

.
رحلة حياتك شته
ولا نار اكو ولا شمس وبذلتك ناكع
ارسم لغيرك اثر
وعيش البقى من العمر
متبوع مو تابع
كلش ولا تنذكر للثالث وتنسي
ما تعبر السابع
.
.
.
.
#شعراء_وذواقين_الشعر_الشعبي
#سمير_صبيح
#ابو_تراب

.
والمواسم
حتى طبع الطير موسم
والنبت موسم
و الايام التجي وتروح موسم
والمواسم من تمر على الناس موسم
موسم ينتهي وموسم جديد يبات
والحب والكره والصلح والزعلات
وانسام العصاري بطيب الحديثات
بس انت حبيبي وما كلت بذات
يا مفتاح روحي والسوالف بيك تحلى
والهوا يمرني ويرطبني هبوبك يا ندى الغبشة
يا خطار عيني هاكثر مغتاض
من رمش لرمش زعلان تتمشى
وانا حبيبك عمر زتني حنانك مثل الحميمه
خذت طبعة وحنينة وطيبتة
وفرني زماني وكبرت الوحشة
.
.
.
.
#شعراء_وذاوقين_الشعر_الشعبي
#عريان_السيد_خلف
#ابو_تراب

.
يا روحي الصبر رحمه ... ونعمه
وادكن بالخشن واطحن ... وانعمه
اليسولفلي على الجنة ... وانا اعمى
شامت هذا مو صاحب الية
.
.
.
.
#شعراء_وذاوقين_الشعر_الشعبي
#ستار_اللامي
#ابو_تراب

.
ودورتك حمد بس العظام هواي
ردت اصرخ كلت بلكن يجيك الصوت
وتعرف صرختي وانت تلاكني
ولكيتك يا حمد بين العظام بجيس
مثل باقي الجياس وكاعد متاني
جمجمتك جفوفك قفص صدرك هذا
رجليك شعجب ما بيهن بلاتين
جفينك هذن لو مال جيراني
ولك يمه حمد كالولي هسة تعود
وعلى الهسة عمر متعود لساني
كافي ازرع جثث غصت لهات الكاع
ما يطلع ورد بخدود بستاني
.
.
.
.
#شعراء_وذاوقين_الشعر_الشعبي
#سمير_صبيح
#ابو_تراب

.
كودني بواهس حبيبة
وحلي همي بهيل جلمات ال تعاي
واهمس بأذني حنين وصفي نيتك
ابد متشوفه كفاي
انا ما ضل بية غير وشال روحي
كلشي ذبيته وراي
.
.
.
.
#شعراء_وذاوقين_الشعر_الشعبي
#وجدان_النقيب
#ابو_تراب