.
.
تذكرين گبل اول لقاء ايصير
جانت صدفه تجمع بختج وبختي

من جانت نهاية كل عشگ حلقات
وكت ماجان بي مفردة صاحبتي

.
.
#محمد_الفاطمي
.
.

سحبت نفسي....
وأريد أنساك وأرتاح
وأعيش سنين عمري الماعشتهن
وأشد حيلي وأحب غيرك وألاكيك
واكلك شكو بكلبي الماكلتهن
وتجي بسوالف الدمعة والاعذار
واكلك هالسوالف مو وكتهن..

#محمد_الفاطمي

بعد جم يوم.من دونك يجيني العيد
وكض صورتك واصرخ.احذروالتقليد

ومدي افرح لأن عشت السنه بفركاك!!
مدري احزن ورد اصرف ردان وأيد

شكد ابجي وكول الدمع بيش يفيد؟؟
وانتظرك وهوه الينتظر شيريد...

سوى اطمئنان روح ودفو من حجايات
ومشابك مثل شبكة كلاده وجيد

وشلونك على شلونك وكلشي يطيح
وجه بوجه كافي شلونك من بعيد
.
#محمد_الفاطمي

الينتظرك.وباقي عله المواعيد
هذا انسان ناذرلك حياته

صلاة العيد هم تصلّي بالعيد؟؟
الميّت كَلبه ماتوصل صلاته

.
#محمد_الفاطمي

رسالة

من غربة
رسالة دمعة من مخنوگ
الى مملكة حضنچ وين ما چنتي

انه الـ ع النهر كضيت خاصرتي
بقميصي وجبتي وعمامتي وبختي

ونيت إعلى اخيي وما سمع ونتي
تجوي البارد النار الـ ابعاطفتي

بحيث احترگ گلبي ابطيحت العباس
ونشف ريجي ويبس واتفطرت شفتي

#محمد_الفاطمي🌿