وحق الستعجل بدمعه ....وره بطاه
بحذه الخيل اليمس زينب .....اربطاه

لعرك الجربه مي وانطيه
لزينب والخدر ترويه
الجريب عليه اطك وادمي
العلية بعيد اشور بي

انه العباس جندي الرب
انه المشرب لما تشرب
اخيتي وهاذا ما يصعب
علية وانه المجرب
زينب مو اخيتي ... اكرب

لدني الشمس يم الماي
لصعده اغيوم فوك سماي
وامطر ع الخدر بهداي
انة من اطبر علي وياي

وحك ذاك الجعل خيبر.... وره ابطاه

لخلي الروس جوه الغاضريه

#مازن_جاسم

،
وذا ترحل وذا استبرد او اعرگ
اهو فرگاك هم يومين
اگضيهن ورد اعشك
وحالك حال ناس هواي
راحو مني ورتاحو
روح شماتريد اتروح
انتة احسن من الراحو

يومية اختنگ
بليل لتحملني من نية
انا امفارگ عزاز هواي

صارت شغلة عادية
انا المحد سئل بية

انا بگد ما نستني الناس
بيوت العنكبوت ابابي مبنية

احس روحي محطة
اشما اجتني الناس
تريد اتروح مني و ماتضل بية

وتجيني انتة
وشمك صورة محتركة
ابدمع واعذار مطفية
لمن تخلف مواعيدك

وقنع روحي
ماريدك و ماريدك وماريدك

وجيب الصورة من اشتاك
اخلي ايدية فوك ايدك

وهية السالفة ابروحي
وانا منين ماصدلهة ماتنفض
صعب فركاك والـگة الموت يتعوض

#مازن_جاسم
.