جآآآ
جا وترابكم والطيف وألحلفان ..
آشم وأتبلل آليمته
وآنده ليللكم فشﻻن آلكه شكد
نوارس ع الجرف ميته
وآعكد بالصدك وأيطيح
علك شباجكم سكته

#ماجد_الزبيدي

.

جااااا وترابكم
والطيف
والحلفان
أشم وأتبلل اليمته ؟
وأنده ليللكم فشلان
الكه شكد نوارس ع الجرف ميته... ميته
واعكد بالصدك وأيطيح علك شباجكم سكته
جااااا يمته؟ جااااا يمته؟
أودي لصوبكم جم حيل؟
وأنكل شيب البالي
بلجي يخضر وي الطين سالفته
مامش دبجة أمعرسين؟
مامش ضحكة أمتيهين ؟
مامش والوجع ضكته
الميت هم سنه وينزار
وأنتوا وﻻسنه بسنته ..
أطش بدروبكم جم راي
وأحن وأكعد وأتاني أفياي
وفشله وغيمكم ليهسه ماشفته
جااااا يمته ؟
وشل كل نهر بيه
وسواجي أعتابكم تندهني يوميه
وأفز والكه الثغيب الروح شاربته
جااااا يمته ؟
أشتهت بيبان خلكي جفوف
غلط لو حتى وي الطيف أحس بجفوفكم دكته ..
الهوه اعلى الريه هم خطار
جا خطاركم يمته ؟
.
.
#ماجد_الزبيدي

باجر والثغيب آآشباك
طين بـ طين
باجر والحلم ينباگ
شبكة تين لاتبجين
دمعج مو فحط توى
يبت ألناي
هيسي الشابگج يسوى
باجر لله نرجع ناس
سالوفه ونسيرر آحساس
فوك شفايف الهندس
ونمشي سنطه بدرابين
الفهو بـ آلياس
وشميني بتوالي الشيب
مو بالي انترس بالعيب
احضنيني هدم فحطان
ناگع جم حضن وثغيب
بآجر ﻻتفرشيلي
افرشلج ندى وصم ليل
واسولفلج حلگ بي هيل
يبت ألناي
لميني بگفاج دخيل
.
#ماجد_الزبيدي
.