تبارينه الذمم والحب طويناه

ورمينه الذكريات احجار بالبير

مادام النهر ضيك عبرناه

وكلمن خلي يذكر صاحبه بخير


#كاظم اسماعيل الكاطع🍃

سواد الليـل يبقى
وتطفي الالوان
واعيد بذكرياتك والمشاهــد
اذا كل طير عنده ثنين جنحان
انا مكسور وعشت بجناح واحد

#كاظم-اسماعيل-الكاطع

أدور
يا شوارعنا
غريبة الناس
ادور
ياحدايقنا
ذبلنا وصرنا ورگة ياس
وين الگاك؟
وين اشهگ
واموت وياك؟
يالصارن عيوني
بسچّتكـ حراس
امشيلك شواطي الليل
وانت نجوم تبرالي
كل روجه بجرفهة تنام
و أنت تظل
گمر عالي ..

#كاظم_اسماعيل_الكاطع

ما ذگرتي ؟
لا درب ، لا ليل لا مگتوب بحروفه انجبرتي ؟
لا حلم وعاج ، لا فكّرج مشى بحسبه وعثرتي ؟


#كاظم_اسماعيل_الكاطع
.
.