وصبتلي العمر بالكاس
وكالتلي فداك. .اشرب
لحد آخر نشغ بالكاس
وانسه الناس. .
مادام النده اعله الياس

#قاسم_بخیت

وصبتلي العمر بالكاس
وكالتلي فداك. .اشرب
لحد آخر نشغ بالكاس
وانسه الناس. .
مادام النده اعله الياس

#قاسم_بخیت

إلى سيد العطش المبجل
.........
كل نفس حريه اشمه
بييه يامولاي طف
وشوغت اصبع منگطع من غير جف
وشيبه عنبر
شامخه بلون الامس
وثغر فضه من العطش بچه الهمس
ها حلاتك. ...
وانت مابين الجروح
ملتهي وي الله تسولف تغزل لباچر شمس٠
ها غلاتك
وانت وحدك
أبين آلاف السيوف
اتصلي فرض الشوك قصراً
ركعتين وجانن بنية سفر
شها الصلابه
اتزتت العبره لحد ذيج الجروف
العاشكه اتشبكك حلم
وتنثر اعله زلوفها احيود الزلم
وتنحت بجلد السمه تمثال دم. ...
يرمز الكلشي صدك
ينزف الكلشي صدك
يأشر الوجه الله إيثار وعشك
شهالترافه. ....
تصوغ شوغات الألم العز تراجي
وتترس الدنيا تراتيل وبواجي
وانت وحدك. ...
لا حبيب ولا زهير ولا أبو فاضل هذاك
أبو فاضل هذاك
الجان جيش من الوفه لازم كفاك
ولنه ماكو......
خويه زينب اتاخر العباس مارد
اهنا فقط يبين ابوجهك
وابتده يشح الضوه
وركظن الحسرات دخان وتراب
لزمن العبره التنكطلك هوه
هذا انت .....
بس طفل غبشه ركبته غروب شفته
بعمر المناغه حلاته
اغتالو بحظنك ضحكته
بدوا بحظنك ضحكته
مو مهم. .....
السالفه الجاي انت بيها
أولى من دم الرضيع
خاف تنباك الرسالة
وحوبة القرآن خافنها تضيع
وخاف مجرى الخوف يبلعنه انتخيت
شراع. .للوشل نفس فزعة إمام
وايد كمره
تكودنه الراك الصبح
ال ديرة الله
وجرحك الدافي غموس. ..

الکبیر #قاسم_بخیت