دورني واخذني وياك نسيني التعب والهم
الك بيه سوالف هيل ما تنسمع بس تنشم
.
.
#علاء_الصبيحاوي

مدري بعينمن شفتك؟

دمع لو طيف؟

ماادري!

المهم جستك

بعد مالك لسن تهواك

يمن تدري بحلاتك ذيج ماضگتك
.
.
#علاء_الصبيحاوي
.
.

جرحي مد الشوف غمجه
وانه وحدي بلايه رفجه
يعيني الله اعلى المصايب
هالوكت طگاته حجه

#علاء_الصبيحاوي
.
.

وصي بالك لا يحوس
ماكو غيرك يصلح لعيني رفيج
كلها ريگان
ومعزتك
هو بس انت غميج

#علاء_الصبيحاوي
.
.

انت تدري هناك عينك محد يفرزن بجيها ؟؟!
وياعيون هناكه من تشتاگلي تباوع عليها ؟؟!
يامه طيفك يدفه بعيوني ويبات
هسه و بيا ليل اجيسك ؟؟!
يا محطه تدلي عيني والگه جدمك بيها فات ؟؟!
يا نهر يعگدني روجه وبالجذب ياخذني يمك
منهو غيري؟
وياهو هسه؟
يسولف اعله الليل همك ..
ياهو يكدر يحترگ لو فار دمك ؟؟!
.
#علاء_الصبيحاوي
.
.

هَــلا بكل اليجن
والما يجن مـنك

يــ بعد الما يرمشن من يشوفنك

اعبرهن وارد
اطرد الفاتن طيف

المن ضالات الما يشبهنك ؟؟

#علاء_الصبيحاوي🌿

هلا بكل اليجن والما يجن منك
يبعد الما يرمشن من يشوفنك

اعبرهن وارد اطرد الفاتن طيف
المن ضالات الما يشبهنك؟؟
.
#علاء_الصبيحاوي