❤

فززني طيف الهوه

وجيت أمشي گَدامه

ثاري الزعل بالگَلب

يجرح مثل جامه

لـ #عبد_الكريم_القصاب🌿

يعجبني الجرح لو لاگه شمات
يضم روحه بحيث يبين التم

تعجبني السيوف بچف الاسباع
يحمره الخجل لومالكت دم..

#عبد_الحسين_الحلفي🌿

أذيـه البااب من ينفـتح للريـح
بس شلــون لو بالسـجن مفـتوح
كلشش مو حلــو قبااض الارواح
وحـلو كون بعدوك يقبـض الـروح

#عبد-الحسين-الحلفي

يريت ابچي ،،

واطفي الواجات المالهن شراي


#عبد_الكريم_القصاب🌿

❤
يا حبيبي ، منين تعبرلي وتجيني ، منين أجيك ؟
يا حبيبي ، إلروح خضره وتشتهيك .

#عبد_الكريم_القصاب 🌿

گالولي تجي
وحطت عصافير المحله

امتانيه الخطار واغصان الشجر

نفضن ورگ حنه وصواني ازغار

وعودان البخور اشتهن طعم النار

وحرگ روحه الشمع

من سمع بيك وذاب

وانه الخاطرك

رشيت ماي الورد عالعتبه

وغشيت بـ رفيف الگلب شباجي 

گلت يمكن يجيك تراب

وبلهفه عطش تانيت ..¡

تانيتك
تجي لـ گلبي
تجي لـ عيني

مثل جية حلم من غير دگة باب،،"

وبلهفة عطش تانيت ....


ومدري شلون
غبت اويا الشمس

وتجرح اللبلاب



#عبد_الكريم_القصاب

ي'ذاك إهناك يمدلل
تعال ..
إبكل بنفسج گلبك إلزعلان
تعال 'إبكل ترافة
روحك الخضرة


#عبد_الكريم_القصاب

هله بجيتك اصيح وانت ما جاي
واقشمرني واگوم اتشابگ وياك

#عبد_الحسين

يزعــل عليَّ ويحـن
وآزعل عليْه وآسأل
حلوين اِذا ننســــجم
وآحلـى اذا نـزعـــل

||#عبد_الكريم_القصاب||♥️

يا حبيبي ، منين تعبرلي وتجيني ، منين أجيك ؟
يا حبيبي ، إلروح خضره وتشتهيك .

#عبد_الكريم_القصاب 🌿

يا بياض الله يكَلبي ،

ليش دومك تحترك لهفه بدربهم ،

ويسكرون آمن الضحك ؟

مره اِضحك من جذب وآحرك كَلبهم .

#عبد_الكريم_القصاب 🌿

وانه

ياهو الماعرفني شكد احبك ؟

#عبد_الحسين_الحلفي

و اذكر اول مره اجيتك
گبل لا امد ايدي اسلم
گلبي سلم كض اديك

#عبد_الحسين_الحلفي🌿

ياجمر
يل جنت شاعلني بضحكتك
اشبرّد الواهس ،
يذابحني بصفنتك ؟
هاي جم مرّه .
تهفّي لك شهكَتي الحارّه
آتمشط كَذلتك ،
ليش بعدك ما دفيت ؟
شنهي قصتك ؟

#عبد_الكريم_القصاب

انــتــه يــا أول ضــريــح

ذنـوبي تــكـثر مــن اطـوفــك

.
#عبد_الوهاب_الحمداني

أفز ، تُغفى ، أريد أغفى؛ تفززني
اوج ، تطفى ، اريد اطفى؛ توججني
و اضل محتار ، ما بين الثلج و النار
گلت: أنساك، سديت الگلّبّ و الباب و الشبّاچ
هم طبّيت
گلت: أهواك، فكيت الگلّبّ و الباب و الشبّاچ
ما مريت!
.
#عبد_الإله_منشد

ومن عرفوا بعافيتي
سگف طين ، وسعف ذبلان
فكو زيجهم لـ الله ودعوا تمطر ..


#عبد_الحسين_الحلفي
.

سلسبيلك ليش يمّي وينگطع

وليش يم گيعان روحي تنشف عيون النبع

بخت ما عندي ويجيبك

هيچ واتسمى حبيبك

واعلگ الدنيا لدرب جيتك شمع

ليش يم عنگود حبنا تعثر سلال الهوى

وجيلك وجيلي حبايب ليش ما نحلم سوى

ليش خاويت الظلام وروحي متروسه ضوه

هيچ و يموت السؤال

وبعد ماگلك تعال

سلسبيلك ليش يمّي وينگطع

#عبد_الوهاب_الحمداني

الوطن منذور للشيطان المعمم

#عبد_الكريم_القصاب

شگد بخيت ..
اليطلع من اصخامكم
بالوجه الابيض .


#عبد_الكريم_القصاب