نبت رمح المساحي بچبدت الگيعان
لكن ما حيين لو ما مساحيهن.

#عباس_العبادي
.
.

مو كل ضحكه راحة بال
اضحك من احس مرتاح وامن اتعب
ومو كل ونه ونة كيف
سمچه الـ تلبط اعله الراگ لو مختنگه لو تلعب

#عباس_العبادي

خلهن مو وكتهن خاطر احچيهن
يجيني الليل واگعد وانفرد بيهن

وافتح بابهن فتحت جناح الطير
واراويك الجروح المامراويهن


#عباس_العبادي🌿

شفتني تلوچ بيه النار چاما
شلتني ولحگت عَ الظال بيه

#عباس_العبادي

طويل الليل وانتَ اطيوفك اكَصار


#عباس_العبادي

من كتلك ادعيلي جروح
كلبي هواي
اتذكر كلتلي الله يخليهن
جاهلبت كلتلي الله يشافيهن
.
#عباس_العبادي

يبس ظلهن وراك وعرگ ضيّهن نار
إبخهن بالصبر وألگاهن يسعرن


#عباس_العبادي

مد ايدك عليهن خلهن يفْترنْ
وارحمهن بعد مابيهن يسهرن

يبس ظلهن وراك
وعرگ ظيهن نار
ابخهن بالصبر والگاهن يسعرن

انه عيوني ماي
وجفني خفگة طير
كلما رمشن بفرگاك ينسطرن

درب مناطرك ذرهن دمع وتراب
صكن گامن من الصوت ينكسرن

لا لم الفجر
بصفاحهن جنحان
ولا من ينطرح خيط الضوه يوكرن

#عباس_العبادي