.
.
كل وينك خَذتها الريح
ردّت خالية من الـ ها ..
.
#حسام_الكعبي

حسبالنة تسكتون گلبي لو بچينـة

حسبالـنة هذا الدمع غالي عليكم
بالرخص ماحسّبيـنة

و النَدم مرسال خطّيناه بجروح الگلب
و بغيض ردّيتوا عليـنة

يا بَرد حَط بگلبكم ؟
چان كل چف من إديكم موگد يدفّي المديـنة

شكثر گلنا
لا تعوفونـة الـوحيد يموت بالليـل بحنينـة

و الحنين يمـوت لو غنّـة تعالوا
و مامش اليسمع ونينـة

و اليـون بالليل عاشگ تارس الدنيا حنينـة

شكثر گلنا
و عَبث لا چَنّـة شكينـة ولا حچيـنة ..
.
#حسام_الكعبي
.
.

من شافك إكليل الورد
ذَب حسرة لَن مابي شبه منك ، ذِبل

شايل وكاحة و تستـحي
تگرّب عَلي خدك غنج ، و لو بستك تمانع خَجل

ملهوف اشوفك للحضن
أحضن .. ؟ بدة بوجهك زَعل

عطرك يوازيني إعلى شَم
و أختل بنحرك چن طفل

يا شنهي يالماتنحزر
يا دوة و موصوف العسل

چفك حرير بملمسة
و صوتك ولا رنّة حجل ..
.
#حسام_الكعبي
.

يا رب الشامة برگبتها
چا بير الخَمرة يسكّرني

يا رب نَحر حبَيــبة گلبي حبّة حلوة
يا رب شخالق يا فدوة ..
.
#حسام_الكعبي
.

وانـه كـل سوالفي أستوحيها من لمعـة عـيونـچ
.
#حسام_الكعبي
.

كاس و كمنجـة و گلب
متعوب بس خالي

عايش الوحدة بفرح و يا فدوة يا حالي

اضحك لـوجه الصبح و الليل غنّـالي

يا شاعر يا طعم هلالي
شوّال و عيدك يحلالي

هاي نجومي لعينك شاهد
يالمـثلك مامش بس واحد

إنتَ و سعرك كلش غالي

يا أنقـة من الماي الصافي
و بعيونك سحر الله الغافي

و طعمك طعم البرحي الرايج
سكران وسكّرت إسلالي ..
.
#حسام_الكعبي
.

يا قناديل الخجل يـ خدودچن
يا محليات المدينـة بطولچن

شايلات من الترافـة لمدري وين
و الكحل ليل الله جوة عيونچن
.
#حسام_الكعبي
.
.

بهيدة باگتني بسوالفها و سَمرها
بهيدة حاوطني البنفسج
وآنة توني إعلى العشگ
و النار بيّة من الشرارة لآخر الوَج
بهيدة نظرات العيون السود
تسحن روحي و إعليّـة إتّورج

ترست الدنيا أمل
غنّت إعشگني
و يَـ گلبي بساع يعشگ يمها يتحوّل طفل

و ضِحكت من التوت للـضَي
و النهد يغويني حبهن شامة شامة
و النَحر مضمام للـفَي

بهيدة اصابيعي مشت باطراف چفها

بهيدة غمّضنة الگمر و الليل
و إعلى الجسر سولفنة بخجلها

بهيدة ماعت روحي من ضاگت حضنها

و بحضنها
طاح محراب الخَجل من الشفايف للـ لثم
و بحضنها
إنسيت كلشي من السنين الماهي بيها للـ أسم

هِمست بصوت النعاس و لذّة البحّة أحبك
بيتي گلبك

و الفراشات و قناديل الضوة و الندة
إعلينة بهيدة تلتَم

بهيدة يتسرسح خصرها من النَجم للـ آه للشَم

بهيدة وآنة گليبي توّة إعلى السِكر و بساع نسّم
#حسام_الكعبي

علامك فرفحت روحك
يــ مايع حدر الشلونك

وأنتَ الكيف و التعويد

يا خَمرة الخذت روحي
الخَـدر و السِكـر كلة بلمعـة عيونك

بعد شتريد ؟
.
#حسام_الكعبي
.
.

حتى حرمانـك لذيذ ..
.
#حسام_الكعبي
.
.

ي ليلة عرس الحديثات
يا عجانة الحنة

شعندچ عدنا تفترين ياهو يديرها الجنة ..؟
.
#حسام_الكعبي

لمن تگعد من نومتها يفوح العنبر
و بهداي العين التتفتح مثل جناح الفراشات

و بهداي يفوت لغرفتها الخير و مصباحة و ضحكات

و تلبس ثوب مطرّز ليلو و بي متونسات الوردات

تطلع و الدربونة تهلهل
ينتظرنها تطِل إعليهن بالباب هواي الحلوات

يمشن للسوگ و مشيتهن تتمايل
چا مجنونات

و الشبّان بلهفة تباوع
يمشن مايتأثرن بيهم

ماعدهن وي غربة حچاية
يندل البيت الرايدهن

#حسام_الكعبي

لذة تتمزلگ حدر نفنوفها و تمشي و تغني

الليلة ثورة
الليلة گمرة

الليلة مامش كحل سايل بس تسيل اليوم حمرة

الليلة سكرانة المحنّة و شوگي كفرة

الليلة قفل چفوف ملتف عالخصر مفتاحة خمرة ..

#حسام_الكعبي

چان بعيونك سواد هواي من گلبك واگولن هاي كحلة

و چنت اگول گليبك بگلبي يبات
و چان كل همة ايتسلة

لا تصدگ گلبي الأبيض ينخدع دوم إبّياضة
چنت امشيهن بكيفي
و چنت تفرح غالب السماك خِلة

چنت اگول براحتك شتريد سوي
و الدلال إحسبتة ذلة ...

تعديل :
ردت اسولفهن حچاية حچاية كلمات بجريدة
لچن ماتسوة قصيدة .
.
#حسام_الكعبي

مثل الغيم تلتم ذكرياتك
واباوع للصور بيها شحلاتك

و احن للحچي الضميتة بفرح ذااك
البي گتلي نضل دوم و غلاتك .. !!

مطرت و إنتَ ماكو و عطرك يفوح
يا محلى المطر شايل صفاتك ..💜
.
#حسام_الكعبي 🌸

عراقيين و تنخّت عراقية
ها الاولاد ... ها الاولاد
واحد گل للآخر تنده إعلية

و تسابگو ذاك الموت .. ذاك الموت

و إعلى الجسر رفعوا صورة ( السرّاي )
غنّولة ي ابن ثنوة ترة الليلة عراقية

هاي الليلة ثورية...

#حسام_الكعبي

وية زعلك تمطر الدنيا غِنـة تراضيك
وإنت وية المطر طعمك ثَمل

و بمشيتك شي غريب يناغي سَمعـي
و إنت مالابس حِجل

لمسة إيدك معجزة و نظرات عينك
سِلم و تصوّب چَتل

وانة ياما و ياما تكتلني نظرتك و ارد
يحيّني الكحل

خَدّك مرطّب و ناعم نازك و ما ينحمل

و الشفايف مرة تين و مرة خَمرة
و مرة يسكنها النَحل

حتى كلماتك عجيبة ..
و إنت تحچي اتهجـى بيهن كل حرف طعمة شكل ..💜
.
#حسام_الكعبي

ضم التحبهم ضمّة الـ آه
و لو نشدوا اهلك گلهم إشّاه

خايف و گلبي البرد وازاه
الضيّع حضن چا وين يلگاه .. !
.
#حسام_الكعبي

وية زعلك تمطر الدنيا غِنـة تراضيك
وإنت وية المطر طعمك ثَمل

و بمشيتك شي غريب يناغي سَمعـي
و إنت مالابس حِجل

لمسة إيدك معجزة و نظرات عينك
سِلم و تصوّب چَتل

وانة ياما و ياما تكتلني نظرتك و ارد
يحيّني الكحل

خَدّك مرطّب و ناعم نازك و ما ينحمل

و الشفايف مرة تين و مرة خَمرة
و مرة يسكنها النَحل

حتى كلماتك عجيبة ..
و إنت تحچي اتهجـى بيهن كل حرف طعمة شكل ..💜
.
#حسام_الكعبي

أخم الليل و اترهدن بموّالك
يومية إنتفارگ وارجع اقرالك ..

#حسام_الكعبي