.
.
وحشـــه

ونهر مابــي روح
وفيّ ناعم 
وسلــة ماي

والگاع مشتولة بــ دم
.
#انين_الناي
.
.
.

أمس والليل
رمش وطيف

أضيع بــصوت
واسولف بيك واتذكر
أمس انت الغفه الباجر
وباجر ليل بي أنت
اشيلك حيل يارمشي
وابديلك ضوه الغبشه
وچودر طيفي اذا بطل بعد ماجابك بعرفه

انت انا
وانا انت
يل مرهدن بصوتك ناي
وانا اطلابتي الونه

#انين_الناي
.
.

شگــد نطرتچ.؟؟

چفوفـي عتگ
ورمشي بايد

وروحي ام نفس الطويله
بساع ضاگت!!

مو گلتلچ....
وحشة الفاگد چبيره
توني گتلچ

وانتي ياضبة سنيني
بساع رحتــي
توني اوصيچ
اعله خلگي
مالي واهس
صدري متروس بضبابچ

ماحوانـي
گبرچ أزغر من دمعتي
توني
علمت الضحك
يتمدد براگ الشفايف
ليش رحتي ؟؟
.
#انين_الناي
.
.

ساعه ادير عيونكم فوگ الوجوه التستحي
واصرخ وافز واوگف واطيح وانتچي
ساعه ارتجي
ماظل وكت
هم يله تلتف الزلوف اعله الرگب
واحظن رمشكم وانتشي

#انين_الناي
.
.

لاعبـنـي

الملاعيب أصبحن نيشان لمعاتب عيوني
الزغرن بگدك

تعبني....
اناغيلك

أبچي.. وهد شكو بروحي عشگ مفضوح
خل اضحك...
ارسملي
بچفوفك

ي زغير

شحلو چفوفك
ارسملي
وطن خالي
وضوه چذاب
خل اتلفلف بروحك

خل اشتم نسيم الله
المطشر على رموشك

بعد بيه ...

لاعبني
بچفوفي
الزغر غوش
.
#انين_الناي
.
.

وصوت فارغ
وعيبنه الميل اليصفگ فوگ دگات الگصايب

وشوگنه
زفة گصب وحفنة رطب
وديره بس تعرف تحب

والمغرب
وشالة صبر
والليل يامصعب گضاه ماينجهب

وتانيت
وعيوني استلذهه السهر
وليهسه عگد الباب
بذني ينب

راحوا
وعيبنه الميل اليصفگ فوگ دگات الگصايب
.
#انين_الناي

والعليل
شما عزيز
تمله ناسه
.
#انين_الناي

وهـ اي روحي تحن
والدنيه ليل

ورمشي غص
وتمايل الميل اعله ميل وصفگ

حنيتلك يـ سمر
هلبت تجي
مو گلبي فوگ چفوف صدري طبگ

بسكوت اندهني
وعت چرچفي
ولفني اعله زندك ياخليلي علگ
.
#انين_الناي

انت ياروح الورد يا في عتيگ
يسمر ياطعم السواجي شگد احبك
يابو رصعات السمر
ضحكتك كل منيتي
ريتك هوه وينحبس
چاماشهگتك نفس

#انين_الناي
.
الصورة اعشقها 😭 ☝☝ مالتي

.
.
وحشـــه

ونهر مابــي روح
وفيّ ناعم 
وسلــة ماي

والگاع مشتولة بــ دم
.
#انين_الناي