من باجر أتغير بعد
لاتعتذر ماانصحك
مو دوم اضل ميت بجي
وحضرت جنابك تضحك
شحصلت منك ؟!

مختنگ
ومن يمته ماضاحك صدگ..
والله راح ابقى احترگ
منا لحد مااجرحك
حالف اسوي وياك
وحده .. بوحده
حالف اوصلك مرحله
المطلوب دم تحسده

بيمن أذكرك ؟!!
من غبت وخليتني بس ألتفت
مثل اليطيح بشده ..
خليتني ساعة رمل
كل الاوقات أتبده
والمشكله ..
جرح الگلب ماله مگانه تشده

ذليتني .. بس أنه ألك
والمثلي موهسه ترى
بعدين يلا تفگده

تشتاقلي ؟!
من تغمض وماتغفى
من تكتب اسمي وتجي تنام بصفه
وتذكر ضحگتي
وتقترب منك زوايا الغرفه
وتبحي لحد ماتيبس وماتطفى

تستاهل تضل وحدك
يالكرهتني بطيبتي
يلجنت مو من التفت
گدامي تاخذ غيبتي

مو انه اليرد منكسر
منك رجعت بهيبتي
واخر قصيده اكتبه الك
منا واسد موضوعك
يلشوفتني دمعتي
لازم اشوف دموعك
من باجر اتغير ..
.
#احمد_عاشور
#اخر_قصيدة
.
.