گمر گاضي الليل مدري المن ضواي
وحته من ابطي بصبحهم ما فگد واحد نداي
شگد غرگت بروج ليلي ولامحب بطيوفه عتني
وحته من يبست عودي ولا اجت دهله وخذتني
توهدنت مره وگلت ما اراوي نوحي
وگلت ما اتانيلي واحد شو بطيت انه عله روحي
منهد ما وعيونهم مدحت الضلمه وانه شمعي اغتاض ضيه
منهد ما وچفوفهم صبير جاست مات البريسم البيه
الليله اريد احلم واحب
بلكي والگاهه الرصاصه الطايشه التحيي الگلب
الليله اوخر احبالي وانهد فرح مشحوف اعله شط
الليله الم عودان روحي وعش اردن
الليله وبمگبرة حزني ورود اطگن

#احمد_عبادي
.

الليّله

أريد احلم واحب

بلكي والگاها الرصاصه الطايشه

الـ تحيي الگلب
.
#احمد_عبادي

أندليت روحي بعد ماتيهلي واحد
والطيف من ينگضي يضل الجفن بارد
جافيت ذاك النده وسافرت من غبشه
الطير من ينلچم ما يگعد بـ عشه

#احمد_عبادي