وأَجيسك
والشَمس تَبرد

واباهل صَفنتي بـ شبّاچ مَحّد يشتهي يزوره

إشيطَفيني

وضَواي يعوّف وجه الناس ويدورك

شَلمّك وانه صَم نسيان ذرّو ذكرته بـ نَحرك

أَهيسك بـ الهوى تضمني
وأَشمك والهوى يعَذرك

من يلگاني ريّة تيه تَندل لو چَهب عطرك

#أيما_صباح

اريد اتدثر بصوتك
كتلني مسامر الوهواس
واحوك سوالفك چرچف واموت نعاس
يبن الناس !!
دبرني بدده يصوفر بخدي الياس
.
#أيما_صباح

يَبــن بالــي
هلبت عطر من ملگاك يتبده بعطش شالي 
هلبـت سالفة ذرعـان تعدل حدبـت إخيالـي 
يل مرّيـــت گــد إفراگـك إبّالــي ..
تدنالــي ..
.
#أيما_صباح

اكبر وانحني لزغري
والگه إصباي قرّاصات متشذره بعطر شَعري
والگالي إعله درب الشيب چم خصله إتحَفر گبري
.
#أيما_صباح

چانت الدنيا عِمه وعالشوف ردتك
والوكت شيب اليتاني
ولو انحلت سنه بعمري اويه السنه التجبل ظفرتك..
.
#أيما_صباح

آنه ظِل الريح وادري بناسي بوب

وادري سولتهم سراگي وما اتوب

#أيما_صباح

.
.
گبل لا ملگاك يمطر بيّنِت بيّه ضِما
شكثر غنتلي المسافه، الگاع حصتها السما
بالمواويل الخذَت زغري وجِزتني
باول السكته وصداها وصرخة إغيابك، صحتني
گبل لاادورك واريدك والمتني ..

#أيما_صباح
.
.

سهر والشوف شيّع للنجم عمره
حلم والما يجي بگد ليلنا نعبره
الزعل ما يكبر حچاياتنا وما يزغر بنظرة ..
الورد ﭼـي ظال للعشاگ الله يطوّل بعطره
يگايدني لشمعتك ليل .. يالـ من عندي بيّه أدرى ..
ضم عن حايطك عيني ..
الصور بسمار للذكرى ..
أجيس النار بظنوني من أشوفن صورتي تفوتك ..
تصد وأغتاض عالنسمة .. الهوى من أشتاگلك صوتك ..
تبرد حسرتي بشمسين ..من يعيل طاريّك ..
والگى الما انزاح .. انزاح ..
بس يجبل عليّ فيّك ..
وأصيحك غاد من حزنك ..
أنشدك بيك شخباري ..
أبدل الشيب بالمو شيب ..
وأرجع غانمة لداري ..
أشم بعطري قمصانك ..
وألم ﭼـفك من اسواري..
واگول الشبگة دون فراگ مذمومة ..
وأنت شما ترد وتروح حضني يوالمك دومه ..
أعرفك من وره النسيان تذكرني ..
وادريبك تنگط ليل .. كل ما طيف يعصرني ..
لاﭼـن ما تهيد العين لو ما بيدها تحوفك ..
لن الدنيا أنت ودمعي وﭼـفوفك ..
وحلم ينلاح من ينگال ..
أصد لـمراية أحلامي ..
وأشوفك بـ الابعاد اوصال ..
أجيسك وأنتَ مو يمي ..
البعد مو بالدرب بالبال ..
.
#أيما_صباح