جنت وكت العوز ابادر
واحنه فقرة
وحتى اجيبلها هدية
اگطع التدخين فترة

وداعت عيونچ الاعزها
يومية اكتبلچ رسالة وما ادزها ..

شفتچ مَرة بالصورة
و لميت اهلي يتدفون
بيچ من الدفو حروره
شلتها ومثل نعمة بساع
بسگف غرفتنا مو ع الگاع
المثلچ حلوة نجمات اليشبهونچ
و گد ما احترگ بالنظرة من عندچ
- احس شَمس الشتا عيونچ ..🤍

شَرار اعله الگطِن حچيَك يأذيِني
وإذَا گَبيت لك ياهوَ اليطَفيني .

شكثر يذبَل ورد كَلبيَّ
ويخَضر يم تعابَيرك ♥️

المثلك لو اجه شتفيد جيته
مشاعرنه اتجاهك كلها ميته ..

ماتوب منه شما اروح ارجعله
وياه وبدونه آنه اعيش بـ ذله
شگد ما اگولن سهله راح اتخطاه
مو نفس ما احچيها ابد مو سهله
آنه البچيت بحضنه مثل الطفله
يتّمني الفراگ وعلي شما اشتاگ
ابچيله بچيّ الذبحوا گباله اهله

- هديل محمد

انه من اشتريتك بعت ناس هواي
يمكن ناس فقره وشوروا بيه

حطب شفتك تلمني و گلت مشتاگ
و لا مشتاگ أثاري تريد تحرگني

وأيدي بأيِدچ
وأعترفلِج !
الشَوارع والمُدن
كُلها تخَوف
وانتِ وعَيونچ أمان ♥️

هاچ بوسه وشيلي دَمعچ
والحِزن فدوة يرُوح
خاف روحِچ مَيته كُلش
گولي وانه انطيج رُوح
بَس اريد اعرُف بعطرچ
شو بوكت الفرَح طَاغي
وبالحزن نفسه يفوح ♥️

ليومك أخر يوم ما ناسّي بعَدني
من عذآبه ، مو حلاته
ياهو ينسى اليوم المسوِّد حياته ؟ ...

- سجاد سالم

كون يَمّي
وكون أضُمچ !
كون تتسمى الليالي الحِلوه بـ أسمچ ♥️