كل ما يجيني ضعف
و كل أزمة أمر بيها
أتذكر اعظم أسم
و الشدّه اعديها
مو هسه، من المهد
متعوّد اعليها
مثل السنين الگضت
بـ يا عَلي أنهي السَنه
- و بـ يا عَلي أبديها .. ♥️

احمد ابراهيم

بمرايتچ شي غلط،
شلون تعكس بَشَر
غير انتِ فراشة ؟ ♥️

سؤال ومنه مستغرب
عيونك مو رصاصة
و رايد اعرف ليش
كلما ترمش تصوب ؟

هَاي أوّل أيام السنة
مَا إلك نيّة تشوفنا ؟
ما ترهم نحبك ولك
ومشتتين تعوفنا

حير بروحَك اني بروحي حاير
وكِت ما عندي اضَيعه اعلى الخَساير
احلَك مشكلَه تريد ؟ انتَ وهمان
مشاكِل بيتنا ماحلها صاير
حاير وَي حبيبَك وين تغفون
وابوي ليا طَبيب يروح حاير
انتَ بشفتَك الحُمرَه والالوان
واني بشفتي دَخان الجكاير
انت بحضِن غَيري الليله غَرگان
واني لوَحدي غارگ بالخساير
وصاير ما تطب للبيت لليل
وانه ما اطَلع من الغُرفَه صاير
بَس شوف الفَرق مابين الاثنين
عَلى هذا الفَرق ماعِيش باچر

حَتى لو نِگعد بشَارع
ع الرصَيف
وأنتِ يمي والله احَس
عايش بجنه
گلشي بالدنيا حلو
انتي احَلى منه ♥️

هاي اول مَرة تمطر
ما اگلك بيَها أحَبك
هاي اول مَرة جوه المطر
ما يحضَني گلبك
اليوم ذبَلان المَطر
مر على هدومي
ما يشبَهك ..

من زخت الدنيا مطر!
نمشي انا وانت بلا سكف
بس فنها گطره تلوحنا
حيل انعجب بينا الندى
وگطرات بأوراق الشجر
غسلت نفسها بروحنا

مـاتجـيـن ..!؟

الحچي الما ينحچي يخضر براسك شيب

هسة خل ننسة العتب
ونحچي بصفاتك
وأنت زعلان شحلاتك 😍

يا گلبي شو چنك توازيت
ولليلة من غروب حنيت
مصوّب ومطروح ضليت
طبك وجع مادام حبيت 💔