كلشي اتوقعت، بس مو تعوفيني
من لبّسچ حلقة وماذكرتيني
من كضچ من ايدچ چن فگس عيني

مد ايدك عليهن خلهن يفْترنْ
وارحمهن بعد مابيهن يسهرن

يبس ظلهن وراك
وعرگ ظيهن نار
ابخهن بالصبر والگاهن يسعرن

انه عيوني ماي
وجفني خفگة طير
كلما رمشن بفرگاك ينسطرن

درب مناطرك ذرهن دمع وتراب
صكن گامن من الصوت ينكسرن

لا لم الفجر
بصفاحهن جنحان
ولا من ينطرح خيط الضوه يوكرن

#عباس_العبادي

عشت عمري بقلق وياك
الرسايل من تجيني الغام
اذا وصلن بتالي الليل
لا افتحهن ولاانام ..

- كرار وميض

المواسم الأربعة خليتهن للناس
انا بحضنك ادفه
بهجرك استبرد

يَا مُطر
طُك گلبي غيمة
غيمة مَفروشة أعلى گدنه آنه وحَبيبي
غيمة مَليانة حَنان
غيمة نَاسيها الزَمان
غيمة تِتمرجَح أمَان
غيمة من چَف الشَمِس تِشرب غَرام
غيمة تِتطايَر حَمامات و سَلام ♥️

هَوى و نِعناع و مشامَر مَطر عالگاع .

شَيفيد العُمر لو ماعَيشه وياچ ؟
حَياتي بلايّة حُبچ والله ما تسوى ♥️

مَرتاحَ يمچ وأحس
كُل الخِساير قبل
بيچ ألله عَوضها .

ريحة تربه اذا مَطرة تجيّها
بروحي الگاها من احضن اديّها
البَرد و الغيمة من تمطر على الناس
- تفاصيل الشتا تذكرني بيّها ..🤍

مو قصدي أقارن روحيّ ويَ الغير
ما أتقارن وتخسى
آني اخر حَقيقي بهوسة التمثيل
من ماضيك ليهسَه
بس المثلي فرصة وتجي مرة وياك
و ما صارت بعد
خَ تفيدك الونسه ..

اليلتقي باغلب وادمه ومكتفي
لاگاني مثّل دور واحد وفي
هذا اليشوفك يلا يتذكرك
نفسه اليگلك خير شو محتفي ؟
والينطفي تضل عينه ع المشتعل
والمشتعل ما يدري بالينطفي
انه العلاقة العابرة الكفّتك
السديت بيها نقصك العاطفي ..

- محمد الشمري

محتاج نگعد سوى
واحچيلك شگد خفت
من راحت عيونك
ومن گتلي خل نلتقي
صدگني مرني القلق
ابديلك بيا بچي
من تسأل شلونك

امي هم گالتلي احبك اني ما اكره ضناي
بس شفت حبها لاخوتي وللغريب
وكلشي حبت ما عداي 💔

خذوك گبال عيني وصحت مالي
استحوا ، وانت الصحت شعليك بية ..

ضاعت لذة العشرين ويه انسان ع الفاضي
وراح اگضي الثلاثينات اصلح غلطة الماضي

يجوز نبقى يجوز ننهي القصة
عندك رصيد بگلبي بس لا تخلصه
لمن اشبعك فرص لتثق هواي
ما تدري ياهي البيهن آخر فرصة

طبعك وحضنك يوم عن يوم ابرد
اعرف خنتني بس اخاف اتأكد
شكيت ناسيني وصدگ يا شكيت !
لمن على فراگي گمت تتعود ..

- مصطفى حسين