خضّر جدم رجلي بوگفة الباب
وولا مَديت راسي من الروازين.

ما ادري هيج تصير
حية ام سبع روس
تلدغني ماظنيت
ظنيتك تبوس ..

احنه كلش مؤنسين
لو تجينه ما تحب لأهلك ترد
ويا برد هذا اليجيسك؟
نشعل البيت لحضرتك
هاي اذا جاسك برد

آنه من أشتريتك بعت ناس هواي
يمكن ناس فقرة وشوّروا بيّة .

أمي گبلك سولفتلي
( شعندي غيرك )
خلفت فوگاي خمسة .

ما ردّت ألگه اليحبني
كون الگه الينسيني
انَه الشفتَك بگلبي گبل لَا اشوفَك بعيني
مَرات أليحب ينسى ,
رقم ميلاد لَو موعد
بَس آنَه شينسيني.!!
شخَلاني أحسب رموشَك.؟
وانَه المَا حَاسب سنيني.!

ما مِش للحِزن رَداد ؟
حَتَى أرتاح مِن حِزني
گام الكلشي يوجَعني !

كلشي يهون بس لاتختلي بروحك
من تقفل غرفتك تكبر جروحك

كلشي اتوقعت، بس مو تعوفيني
من لبّسچ حلقة وماذكرتيني
من كضچ من ايدچ چن فگس عيني

مد ايدك عليهن خلهن يفْترنْ
وارحمهن بعد مابيهن يسهرن

يبس ظلهن وراك
وعرگ ظيهن نار
ابخهن بالصبر والگاهن يسعرن

انه عيوني ماي
وجفني خفگة طير
كلما رمشن بفرگاك ينسطرن

درب مناطرك ذرهن دمع وتراب
صكن گامن من الصوت ينكسرن

لا لم الفجر
بصفاحهن جنحان
ولا من ينطرح خيط الضوه يوكرن

#عباس_العبادي

عشت عمري بقلق وياك
الرسايل من تجيني الغام
اذا وصلن بتالي الليل
لا افتحهن ولاانام ..

- كرار وميض

المواسم الأربعة خليتهن للناس
انا بحضنك ادفه
بهجرك استبرد

يَا مُطر
طُك گلبي غيمة
غيمة مَفروشة أعلى گدنه آنه وحَبيبي
غيمة مَليانة حَنان
غيمة نَاسيها الزَمان
غيمة تِتمرجَح أمَان
غيمة من چَف الشَمِس تِشرب غَرام
غيمة تِتطايَر حَمامات و سَلام ♥️

هَوى و نِعناع و مشامَر مَطر عالگاع .

شَيفيد العُمر لو ماعَيشه وياچ ؟
حَياتي بلايّة حُبچ والله ما تسوى ♥️

مَرتاحَ يمچ وأحس
كُل الخِساير قبل
بيچ ألله عَوضها .

ريحة تربه اذا مَطرة تجيّها
بروحي الگاها من احضن اديّها
البَرد و الغيمة من تمطر على الناس
- تفاصيل الشتا تذكرني بيّها ..🤍