هواي أحلام أجن بعَدك
بس!
لليوم حلمَك وأكف بعيني
النار العايشه بصدري
ماتخمد
اذا مو انتَ بـَ متونك تطفيني
شگد احلام ورديه ردتها وياك
لكن ماعرفت اشلون تحويني

هنا يمن صم ذهب هديتني من ايدك
لو يستقر النفس جا كلت ماريدك

موسم خضاري بده
توه بده ونشفت مواعيدك

من تسمع تعودت عــ الفركه هز ايدك
شتريد اكلك كضت
وكلادة صغت العمر وتعلك بجيدك

اركض وانا المختنك
نسمات الم الهوى واعزل بالتفيدك

شفتك بصحرة ورد وتحزمتلك صبح
لميت كل الندة اليكسر تقاليدك

جا من شفتني طحت جا كلت مافيدك

انثر دموعي شذر
ودوسهن من تمر
واضحكلك بــ عيني
هو انة حتى الضحك بعدك يبجيني

شيطلع من ايدك هني
تكتلتني تحييني
لنارك ردتني حطب
كيفت ما صدكت

معقولة مهتم صدك وتريد تجويني

معقولة عندي جفن
هم حالي حال الدمع
لو زعل يجفيني

غيرك شتل ما شفت
يتشاهد بكل جرف ويخضر بطيني

رحال اتيه النجم وانت التدليني

وياك اضيع العمر بسكون تلكيني

يالشارد من الكلب
نبضة وخذاها العشك
فرها بشراييني

يابو اللكاط الصدك
مر خل اهزلك عمر
واكطفلك سنيني

مر يالعفت كلشي مر
بلكي الهوى من تمر ما يعثر بريتي

#علي_عماد

مَحتاج نَگعد سَوه..
وأحچيّلَك شگَد خَفت
مِن راحَت عيّونَك

وليش الما يحبّك گاودِت چفه
الما كاتب على عيونك صرت ولفه ؟ أجيَت وعندي ملگه ينافس الچيلات بس ردك البارد مَوّت اللهفه .

وليش الما يحبّك گاودِت چفه
الما كاتب على عيونك صرت ولفه ؟
أجيَت وعندي ملگه ينافس الچيلات
بس ردك البارد مَوّت اللهفه .

تضن الذكريات تعوفك بخير ؟
محطة تمُرها يومية بـقطارك 😔

والله حاير
أني احِبها لضِحكتك
وانتَ ماتضحكلي صاير
يا بُرودك واني فاير
صورتك ما شگگتها
تفيدني أشربها من اضوج
تدري ماحِب الجگاير .

صفر على اليسره
مالك قيمة من تنحط
عطشان انجبرت اشرب بماي الشط
ما اگدر اعدلك طبع منجل بيك
اجي ومن ارد اعدلك ارجع مخيط
وما نرهم بعد روح بجسد مكتول
اقلام الحبر شيفيد بيها القط
وما يتعب المثلي وهل مثال افرض
جبت كل عمري اركض بالجديد افحط
حجله بيت عاجر مو سهل تنحط
چنك نومتي شما عدلك مخربط .

سهلة تبعد ياحبيبي
وهاي أصعب شغلة سهلة .

عاذرها ما تهتم لأن مُهتمه بالمستقبل
مو على سبعين وعلي
لو الف مُحمل أحمل

و انتظر تفرغلي و اجي اسأل على قرايتها

وما اريد الشلونك انه
يكفيني بس تلمح ضحك
لو تصد لمرايتها ،💙

واذا وي غيري تلگه المالگيته وياي
يحقلك لو رحت شتريد اسويلك

گبل هم راح بس هالمرة بچاني
لان ماعندي بس هوّه
ورحتله وما تلگاني 💔

عِشرة بيوم واحد راد ينهيها
ما هانت علية وچلبت بيها
واتخبل علية ودار وجهه وراح
ولو حتى المخبل ما يسويها 💔

ما ناسيها واعرف نفسي ما انسه
اتزوج واخلّف وابني زلمة يصير
ويظل الوجع نفسه ..

وحگ بيت الله وعباد الله
ما اگدر
ومن حبيته مو بيدي
لان لو بيدي احبه اكثر ..

اليوم الصوره بالصدفه شفتها
احس نظرات منها وبادلتها
حچتلي اشياء كلش حلوه عنك
اتخيل ردت اجيك اتصالح وياك
رغم ما انت المزعلني منك
الا شويه واخسرها الكرامه
وكعت صورتك من ايدي وابچيت
ونزلت اتحمدلها اعله السلامه

أتيهـك وابتعــد
والگـاك يـم روحـي

والمراسيل الگلتك بيـه احبـك
هـم أحبـه ❤️