عَفية شد حِيلك بعد كرهنِي بيك .

خَليتني بموقِف صعُب مثِل اليدافِع
عَن شخُص ويگلَه اطلَع منهَا .

مَن عدهِا وبعَد صّارتلي عُبره
وعَرفت شلون اخليّ خطوطٌ حَمره .

وتتمنى ترجع طفل
تتبرى من الكبُر تبچي بحضن أُمك
ويموت گلبك بعد اي شخص ميهمك ..

انتِ عذبه شلون دجلة
ويمچ تحوم النوارس
الناس حلاّها لبسها
وانتِ حلّيتي الملابس ..

تهموني أماشي سگاط وأكل لحم ني
لو ما گعدتي وياك محد تهمني ..

أدري تِتخطاني تگدر
انت صاحِب تجربة وجيت اعله
گلبي مفارگ، وعايف حَبيب
وبايع انت هواي گبلي
بحِجة القسمة ونَصيب
بيك اريد شلون اربح؟
انه اول تالي بعيونَك غريب !!

المَثلك لُو أجه شِتفيد جَيته
مَشاعرنه اتِجاهك كُلها مَيته ..

حمدت الله وشكرته ، المثلي تعوفه انتِ ،

راح تِشوفني بكُل الخَسارات
ورَاح تحطنِي أول مِن تعدهَا ..

سَفـر
بس فارغة الجنطة
الحِمل بالروح ..

النبات الما يلوحه الماي يذبل
د خل يذبل ولا فضلك عليـة ..

الگلت ما خاب بيهم مرة ظني
شفت منهم سوالف مرضني 💔

احط بيهن ملح وافرك سواد الشوف
اذا حننّ عليك وبعد يبچنلك ..

فلم ليلية بيك يصير وتنام
بس ياهو اليشوفك مثل الافلام؟
وتعبر يومك بتركيز وبخوف
چنك عابر من الشارع العام 💔

باگوا مُهرتي وماصهلت انغثيت
الظاهر رضت يركبها المخربط

سهر والشوف شيّع للنجم عمره
حلم والما يجي بگد ليلنا نعبره
الزعل ما يكبر حچاياتنا وما يزغر بنظرة ..
الورد ﭼـي ظال للعشاگ الله يطوّل بعطره
يگايدني لشمعتك ليل .. يالـ من عندي بيّه أدرى ..
ضم عن حايطك عيني ..
الصور بسمار للذكرى ..
أجيس النار بظنوني من أشوفن صورتي تفوتك ..
تصد وأغتاض عالنسمة .. الهوى من أشتاگلك صوتك ..
تبرد حسرتي بشمسين ..من يعيل طاريّك ..
والگى الما انزاح .. انزاح ..
بس يجبل عليّ فيّك ..
وأصيحك غاد من حزنك ..
أنشدك بيك شخباري ..
أبدل الشيب بالمو شيب ..
وأرجع غانمة لداري ..
أشم بعطري قمصانك ..
وألم ﭼـفك من اسواري..
واگول الشبگة دون فراگ مذمومة ..
وأنت شما ترد وتروح حضني يوالمك دومه ..
أعرفك من وره النسيان تذكرني ..
وادريبك تنگط ليل .. كل ما طيف يعصرني ..
لاﭼـن ما تهيد العين لو ما بيدها تحوفك ..
لن الدنيا أنت ودمعي وﭼـفوفك ..
وحلم ينلاح من ينگال ..
أصد لـمراية أحلامي ..
وأشوفك بـ الابعاد اوصال ..
أجيسك وأنتَ مو يمي ..
البعد مو بالدرب بالبال ..
.
#أيما_صباح

طلعي مرة وشوفي بالكون اشيصير
كل حدايقنا وعلي يسون حِداد ♥️