مربيه
عله گد الشوك !! موش أكثر
واتانيك عله دربك تيل خاف عله الدرب تعثر
ولم روحي ورد شدات وي طبتك
عطر تيروز تطشر !!

يبعد أهلي !!
الفرح مسجون جيتك مرحمه المسجون يتحرر
حبيبي العين اللك تشتاگ
وتعاتب رمشهه ابطيف ما تحضر
تعال الشيب حن وزاد
وأنته ولا تحن يشگر

تعال ...!!
الناس كلهه إتزور !
بس جدمك حبيبي عله النجف مامر ؟!
تعال ..!
إحسبني أبوك المات وقره الفاتحة
اعله المات ماتخسر
شجاك وي الگطع رضاع ؟!
بس ربك يسلطك ع الگطع تگدر ؟؟!
.
#كاظم_العطشان

خوفي منك
خوفي لا يشتد حنيني ويكبر بصدري النشد وازغر علامه

خاف اصابيعي البعيده تلوح وجهك !!
وترجع تضوگ الملامه

خوفي شوگي !!
وخوفي گلبي ايطيح من عين العوافي ولذت الدنيا السلامه

وانه منذور اعلى صبرك
ياحلم ليل العرايس ..
بدي كل غبشه اعلى وجهك واصحى بيه اتعدت اسنين الملامه

وضوگ تعبك
ضوگ تعبك يابزر روحي العطش بان اعلى زيجك
شگ قميصك بوسة المجفين شامه

#كاظم_الركابي

ما ذگرتي ؟
لا درب ، لا ليل لا مگتوب بحروفه انجبرتي ؟
لا حلم وعاج ، لا فكّرج مشى بحسبه وعثرتي ؟


#كاظم_اسماعيل_الكاطع
.
.

بليله من ليل الشته المسموم برّده
بليل زادتها العواصف شّده شدّه
والغيوم أنجنّت ونهبت گمرنا
وما بعد للنور ضنّه


#كاظم_الرويعي
.

مرني
يل ريتك تمرني بكثر ما همك يمر ..

..
#كاظم_خبط
.

تشكي من جرحك يعايل
چـا جرح غيرك رخيص ؟

..
#كاظم_العطشان
.

گدرتني اگدار حنه وحضنت ارسومي بگلبها
شمت عيوني وبچتني
حسبت خطوط البديها وعثرت دموعي بدربها

مزگت ثوبي ولگت حزني حمامه
اتمايزت طولي وسماري ورهمتني اكدار شامه

واستحت من لونها ولمت صدرها
واستحت من شوگها وحسبت عمرها
عثرت باسمي ولگتني
وكالت اسم الله اعلى ولفي وضمت اثيابي بكترها
.
#كاظم_الركابي
.
.

لاچن ما تحن يا حيف..

تصد وتعذّب بهجرك !
.
#كاظم_الرويعي
.
.

وچنت أحسكم
‏بأول أصيار الـشمس نشغة نهار
‏وأرسم عيوني أعلى كد أشفافكم

‏شنهو دار ابالكم؟؟
‏اشغير الـطير ونكر لوني
وسماي…!!

#كاظم_الركابي
.
.

نفنوفك البارد زغر .. ..
شايل نثايه من الگمر .. !
الفضه شربت رگبتك والمستحه اشراع النهر

ظلمه الثياب الضمتك من زيجك اتبده الظهر
شمس الصبح من دنكت حومر خجل زيج الشگر

#كاظم_الركابي
.
.

المك من تعب روحي
من اخر حزن ينشاف اشبن غيظ وابجيلك
غلاتك تسبگ رموشي !!
من جان السهر
كحله ..
ونذر نثيه ..
شريت عيونك الحلمي وكبر ليلك

يا سكته التلم عيني وترافگني
الصدك نيشان
العشك نيشان
والحمل الثكيل ايطيح لو وچد ظهر محني
.
#كاظم_الركابي
.
.

غاد من رمشي لمض وجهك نهار
وغاد من حزني لكيت دموعي ضحكه وطافحه بحلك الزغار
وغاد من روحي لكيت الدنيه انت !!

وانت انت ...
وين ماادفنك يطك شوكك جديد
اشما يشح طيف الرسايل تكبر الظلمه ويمر ليلك بريد

الظلمة موت التايهين
واحنه صدك البارحه ومامستحين !!
.
#كاظم_الركابي

يل كلشي اعلا بالي الگاك..
وين الگاك !!
يصفصافة نهر والناس ما تقنع تشيل اعثوگ ..
وانه امنين ما البسك رهاوة ثوب بس طوله اعلا طولي ايلوگ..
.
#كاظم_الركابي

هلك ماشافو عيونك
ولاشمو عطر صدري النسيته ابين اصابيعك
يدورونك واضيع ابريسم بشعرك
تعثر دمعتك بيدي واكول اسم الله ما ابيعك

هلك ما دورو گلبك
يوازونك واطيحن خرزه من عينك
مثل دم الشمس مبيوگ
هلك يا ليل ما ضمو نياشينك

هلك يدروني بزياگك ولا گالو !!
ادفنو عمري
ولگو شذرة سماري تلوگ لسنينك
.
#كاظم_الركابي
.
.

ياااا ورد
خاف امن اجيسك خصرك الغافي يفز
الدافي يشهك مره بجفوف البرد
وفزت النايم عزيزه اشحال لو فزت ورد

#كاظم_الركابي
.
.

طشيني بـ وجه كل عيد
ضحكة طيـش غنوها بـ زغر حلّچ

أضمچ وين وإنتِ هواي
يَفيّ صفصاف يآلباك إلنهر ظلچ

#كاظم_الركابي

يا نخل يا عاجر أحبل
ضوگ طعم الفاجعة بموتت فسيلة
الليلة كطرات العمر ناكوط حب سهران
يمة ادخيلج اترجاج ضميني بسواد الشيلة
الليلة كلبي ينام دافي
وتندفن ويا حرارة جيلة
الليلة اموت الليلة اخر ليلة

#كاظم_أسماعيل_الكاطع

ياما لسعتنه الشمس
وبفي كصايبهم غفينه
ياما فيضنه الوفه
وحطولنه المهجه سفينه
ياما ذبنه العطش يمهم
وبجدح جفهم روينه
.
.
.
.
#كاظم_الكاطع

طشيني بـ وجه كل عيد
ضحكة طيـش غنوها بـ زغر حلّچ

أضمچ وين وإنتِ هواي
يَفيّ صفصاف يآلباك إلنهر ظلچ

#كاظم_الركابي

چانت اتگلي ..

اخذ گلبي ينام بحضن گــلبك

#كاظم_خبط