من اتعضها شفتك دير وجهك ولك گوم
تنثر فرط رمان واتلكع الهدوم ..

ظهرية دگ الباب شفته وتشهيت
بس ربك امي وياي مو فارغ البيت ..

بضحكته مربة يسيل دولبني وياه
شايله ست جدور واركض وره شفاه ..

بهالبسطة شفت الموت شنهوّه لونه
ويّ جية الشيطان واخوتها اجونه ..

جيتي لبيت هواي مامش مثلها
اتحملت عض چلاب ديرتنه كلها ..

- سيد ساجد المحنه

زين احاچيمن عليك ؟؟!
وانت اقرب شي اعرفه

#فاضل_حسن

أمس
دورت الرسايل
والشبابيچ وصفنتي
ومالگيتك وآنطفيت !

#علي_الصفار

أضمهن بالگلب بس عيني تحچيهن
الـ يلچمني العصر بليل اغنيهن

وآنه وعيوني وخضار الروح تهنه
منين مافزت شمس يلتم حنينه
يدور عباد الشمس ..
ردتك آمراية عذر
تزگيني وينك
يانبع ضلك يشد
روحي ع گيض وسلسبيلك
دله غير اغصان تينك !

#يوسف_الحلفي

يالتنطي للمو خوش احسبني مو خوش
ياربي مو مليت من گعدة الحوش 💔

يالذيذ الروح
وحشه وداعتك وحشه الليالي
اشگد الك عطشانه روحي
انته تدري اشگد
احبك لو نسيت
اه لو تدري حبيبي شگد
احبك ما نسيت !

#محسن_الدخيلي

هوه يخفگ عله الشباچ
يفكلي الستاير ولحچي البي شوگ
هوه حار وجرح مفتوگ ..
وأنا مكابر وطيني عناد
وبگلبي نخل محروگ
هوه ماعرفه من ياباب !

#كريم_حاشوش

شسوّي اذا هبريح وسط اخوه عدوان
وتجلي وچتل مطلوب والخلفه نسوان

‏أدوسن فوگ جرحي والچم الملچوم
‏و أخلي الساكنات لربهن يشغرن
‏و ألتج للمكابر على أعناد الضيم
‏و الگاهن وياي يگومن يگعدن


‏#عطا_السعيدي

بس ساعدني اريدك تحچي وياي
ما اگدر ابادر تدري بيه
احچي وياي كلمة وعوفني وروح
احبك گلي والباقي علية ..

اني ضامنها جهنم من وراك
لأن ما يوم وطلب رديتلك
گتلي غنيلي بمحرم ما رضيت
گتلي ازعل .. للصبح غنيتلك

ليش من خنتيني گلتي بسرعه خنتك
عاد حني
عاد من اگعد واعاتب تطلع نصدگهه كلمة يلا صنتك
< والآن > .. جاي ادور وحدة نفس اسمچ واحبها
لان هم صارت قديمة على اسم اللي تحبها تسمي بنتك
حتى ما تغلط بإسم وحدة اجتّك من ردتها
< تزوجت التي تُشابه إسمكِ >
و ردت اقارن
جربت بالطول مالتها فقط شعرة بوسط شعرچ شفتها
< عدتُ الى ابياتي القديمة المُتناثرة
لم أرى أيّ قصور في كلماتي >
وشگد كتبت لعينچ المستحية
وكل الربع حسبالهم ميتلي اخو من گلتي احب اللحية
بس تعالي وشوفي بيتي اتمعني بحيطاني
كاتب بوجهي المقابل والقصايد لاهلي ما حاچيها
اخاف
ليش من شفتچ طلع ديواني !
واني بعد غياب وجهچ
وجهي ما اكدر اطيقه
چنت احبچ بالخيال وبالحقيقة
الدنيا لعبة وحيلي بعدچ مااتراهم ويّ فريقه
هسه راح امسحها كلها
خذت شور العقل مالي شبيها خليها لرجلها
بالجسم وبكثرة انتي .. نعوف دمي
< اصبحتُ اضحك كثيراً اكثر من سقف بيتنا الذي وعدنا بالسقوط
منذ ان مطرت على محصول يوزرسيف >
اتفاجئت عمتچ علية علية
واقصد امي
تشوفني اكتبلچ قصايد
تجي تگلي مالي ايديك
اليكتب لعينچ قصيده ينتظر مدح امرؤ القيس ويگله الله عليك

- ذوالفقار العتابي

اگلب الدنيا عليها وفوگها
اني اغارن من حجلها لطوگها
غيرتي تخليني اشك بالناس هاي
اتخيل الوياها يحچي يبوگها
ومن تگلي رايده للسوگ اروح
بودي اعزّل منطقتها وسوگها ♥️

- علي النورس