مشيت بلايه ما نيشن لعيني شراع
انا بنادم بعت مفتاحي بجفوفي
ورجعت اتوسل البيبان تفتح رزة حروفي

وحگ بيبانا الما دگها شوگ ذراع
انه وروحي دمعنا انباع
يا وسفة دمعنا انباع
مهرة انجتل فارسها بظهرها وتيهتها الگاع

عفت روحي وراي تصيح
يا مجتول
لم ارسومك من الريح
يا مجتول
يالمالك ربع وي مستحاك اتطيح

انا وحنية ضلوعي
خصر حنطة للمتانين ؟
ورغيف امي سفر خوة للمتيهين

انا ونكران ذاتي
وضحك عيني ذراع للمغتاض
وعلى المايسوى طاري نصيح ك
انا وروحي مطر نيسان
مطر
بس ما عرفنا بيا مجان نطيح
.
#عقيل_العرد

حنينـه گلوبنـا لهانـت عليكـم

نسمـه بعاصفـه لو رحـت هـم ألگـاك

اول مَرة تلچمني
واضَل گاعد
وأول مَرة
احس بروحِي
أحبَك مِن طَرف واحد

كلشي مات بروحي غير تفض واموت
والله ما انشاف يم اهلي من افوت
بغرفة سودة ومنعزل كلش كئيب
لو اضل يومين ما تسمعلي صوت .

وين تروح
لا أنت نَهار و تِشرد مِن الليل
و لا حافِظلك آيـة و بيتكم مِسكون

بأول وأخر رسالة ثنينهن چِنة غرُب .

اني ما أتقبل يشوفوج حلوة
وجايّة مربيتلي اظافر ..

♥️

من گتلي العطور الحاطهن طيبات
الشيَّش ماگاضية بس جبت من عدهن ♥️

وين دافنلي السحر دليني بي
ندفنة زايد خاف ماعندك ثقة .. ♥️

يا حبيبي الشوگ من يِگبُل يسودن
ومن يفز براسي صوتك
تنخبص روحي ويأذيني رَطِنها
ليش من روحي تِگَصْر اثياب وَصلك
وانت چنت اگدار ظَنها
اشگد طِوَل دربك عليها
وما گلت دربك سحنها
زغرت اطيوفك ابعيني
وكبرت الدمعة ابجفنها
تدري كل غِنّاوة بعدك
يشرب بحيلي لحنها
اشگد حچيت الليلي عنك
وظلت اتلمّض نجومه
هاي عَبراته أظِنها
اشگد شكيتك للرسايل
وسال كل الحبر منها ...
هاي اظن اختنگت وطلگت حزنها ...
يمته نرجع
الدنيا احس تندسني موعد
من ينِثّ اعلي مِزَنها
يمته نرجع
یا چتل روحي وأمِنها
جرني يم سچة عذابك ابقى احبك !!!
تدري( بالثوار) انت
اشگد تضحي وما تمل
وهيه تعرف راح تبقى
مهجوِلة من حب وطنها !!!
.
#حسين_سعد

ألتمن براسي أنعَم الله أعله الصهيل
شوگ ، ملگه ، أفراگ ، دمعات و سهر
زارع بِروحي قلق سويته ليل ..
وضوه زارع بيك ما خضر گمر ؟
الـ هَوه بظهري حچايتي مِن تمر عَليك
غَيمت سالفتي ما لاحگ مطر ! ..
حافي يمشي السيف بِجروحي وبقيت
لا رحت مني ولا راح الأثر.

انتَ تدري الغُربة
مو بس لليسافر
الغُربة من تعّيش بين اهلك
وحيد و تُبقى حاير
الغُربة من تستاحش
وجوّه التحبهُم
الغُربة من تعرف وحِّدتك
مو ذنبهُم 💔

مايعنيلي كلشي ولا انه اعنيلة
ولا مشتاگلة ولا اريد اغنيله
واخاف احتاجله وصيت حتى الطير
من اكتب رسائل مايوديله
العذاب الشفته منه بگبر ماموجود
عيشني الجحيم بكل تفاصيله
زعل شايل بگلبي مايشيله انسان
من افرشله كوكب مايكفيلة

وتكبر انت
وتصغر بعينك حياتك
وتبهت الألوان كلها
و وحده وحده
بعينك تموت أمنياتك.

لا من لونها ولا نفس خيط الصوف
اخذنه من العبا نرگع الدشداشه
يقيمون الضحل والينشرب ذموه
يساوون الرجف والنام بفراشه

- سمير صبيح

وعلي لمن يجيني بطيف ويهاك
هلي للمغرب يگعدون بيه

شفتك تمر حلاّن يحمس حلاها
وبوستك لازم ماي نشرب وراها ..