باچر من ترد ما تلگه شِي مَوجُود ..

اخفف بالوجوه
المشت فَترة وياي
ما أريد اتعب بحاجة
بعد منا ورايح جنطة مسافر
" اخذ بَس الاحتاجة "
- علي قاسم

من احلى سفرات العُمر صفنات عيني بعينك ♥️

بغض النظر علـ الحچو
بنادم يكتله الحجي المايگدر يعبره
ولهذا بالمشرحه يبدون من صدره
صخرة عله گلبي الحجي
يشريني ماكو نبي ويميل الصخرة ؟!
ونقس الوجع نفسه
ولا بيك حظ وتحن ولا بيه حظ وانسه
البارحه تذكرت كل لحظه بينا سوى
وكبران چني سنه من البارحه لهسه
معقولة عشرة عمر ماخذه للونسه ؟

وهسه تفكيري اختلف
راحة البال من انعزل
وانساها للحنية
واسراري خليهن الي
ماريد أيّ واحد بعد
يعرف شصاير بية ..

هاي عيونها والباقي مَضموم
أغار إعليها ماأراويك شعرة
بكثر ما حلوة آنة الأسمر الطوخ
من أذكرها تصير خدودي حمرة

وخلصت اللحضة الصعبة
كافي وبعد حتى الوفي ماريد اطب لگلبه
واللي يحاول يقترب، اضحكله بس ماقربه
و صفيت گلبي من الحقد
وكلمن حچه بظهري وطعن،
سلمته هوّه و ربه

مشيت بلايه ما نيشن لعيني شراع
انا بنادم بعت مفتاحي بجفوفي
ورجعت اتوسل البيبان تفتح رزة حروفي

وحگ بيبانا الما دگها شوگ ذراع
انه وروحي دمعنا انباع
يا وسفة دمعنا انباع
مهرة انجتل فارسها بظهرها وتيهتها الگاع

عفت روحي وراي تصيح
يا مجتول
لم ارسومك من الريح
يا مجتول
يالمالك ربع وي مستحاك اتطيح

انا وحنية ضلوعي
خصر حنطة للمتانين ؟
ورغيف امي سفر خوة للمتيهين

انا ونكران ذاتي
وضحك عيني ذراع للمغتاض
وعلى المايسوى طاري نصيح ك
انا وروحي مطر نيسان
مطر
بس ما عرفنا بيا مجان نطيح
.
#عقيل_العرد

حنينـه گلوبنـا لهانـت عليكـم

نسمـه بعاصفـه لو رحـت هـم ألگـاك

اول مَرة تلچمني
واضَل گاعد
وأول مَرة
احس بروحِي
أحبَك مِن طَرف واحد

كلشي مات بروحي غير تفض واموت
والله ما انشاف يم اهلي من افوت
بغرفة سودة ومنعزل كلش كئيب
لو اضل يومين ما تسمعلي صوت .

وين تروح
لا أنت نَهار و تِشرد مِن الليل
و لا حافِظلك آيـة و بيتكم مِسكون

بأول وأخر رسالة ثنينهن چِنة غرُب .

اني ما أتقبل يشوفوج حلوة
وجايّة مربيتلي اظافر ..

♥️

من گتلي العطور الحاطهن طيبات
الشيَّش ماگاضية بس جبت من عدهن ♥️

وين دافنلي السحر دليني بي
ندفنة زايد خاف ماعندك ثقة .. ♥️

يا حبيبي الشوگ من يِگبُل يسودن
ومن يفز براسي صوتك
تنخبص روحي ويأذيني رَطِنها
ليش من روحي تِگَصْر اثياب وَصلك
وانت چنت اگدار ظَنها
اشگد طِوَل دربك عليها
وما گلت دربك سحنها
زغرت اطيوفك ابعيني
وكبرت الدمعة ابجفنها
تدري كل غِنّاوة بعدك
يشرب بحيلي لحنها
اشگد حچيت الليلي عنك
وظلت اتلمّض نجومه
هاي عَبراته أظِنها
اشگد شكيتك للرسايل
وسال كل الحبر منها ...
هاي اظن اختنگت وطلگت حزنها ...
يمته نرجع
الدنيا احس تندسني موعد
من ينِثّ اعلي مِزَنها
يمته نرجع
یا چتل روحي وأمِنها
جرني يم سچة عذابك ابقى احبك !!!
تدري( بالثوار) انت
اشگد تضحي وما تمل
وهيه تعرف راح تبقى
مهجوِلة من حب وطنها !!!
.
#حسين_سعد