من يجيك الليل وحدك
حتى جرحك يستغلك
من تگلب بالصور
عينك تفشلك
تبدي تتخيل حبيبك من يذلك

شلون يذلك ؟

تجي گاطعلك مسافة
رايد تودع عزيز
توكع تراب المحطة يغطي شكلك
تمد ايدك عل قطار وهو يمشي
وماكو واحد يلتفتلك
هيچ كسره خاطري يمعود شگىلك
شاوروني بروحتك لو لقنوني
مدري شافوا گلبك اسود
عافوا الكعبة على بيتك
چبلوني
وخيطوا حزن الثمانينات ثوب ولبسوني
والعطر يخنكني عكبك
والورد ما گمت اطيقة
تدري ما يعبر الليل بلا جگارة ولا موسيقى
تدري احس الوطن مذبوح علـ صدري
تدري حلقات الجنود الماتوا بكل الحروب
كلها احسن بيها مشلوعه من اصبعي
هاي امس بس اني امس ما سولفتلك
اني عگبك باب عاچر بالحرب محد يذكرة

ومشهد غيابك خرابة
وصوتي مبحوح شيصح
الشوارع كلها مسكونة
وصفير وصوت ريح
والهياكل والجماجم ملحمة
والناس ميتة
ووحدي اعثر واطيح

ولو خبر منك يجيني

الناس تعدل من جديد
ضوه يبين من بعيد
مطر ينزل
شمس تضحك
المشانق تنصب مرجوحه
لاطفال الشهيد
الورد يطلع بالجماجم لو تجيني
واقدملك اعتذاري وانكساري وكل حنيني
لو گلت هذا خطية
وياما گتلك من اديه تروح
بس مو من اديه
وياما گلتلك شوفتني جنازه امي
من ثگل وجهك عليه
.
#زيد_السومري

عايش عليك الباقي خل يولون
بس انتَ التمرضني وتصحيني

اكتبله رسالة شلون خاف أنذل ؟
وأخاف يگول راح ورجع يتوسل
كابوس القلق ماخذني عرض بطول
شو مامتصل ؟ شو گطع؟ شو طول ؟!
يسلب راحتي وعافيتي من يغيب
لان بس الله يدري بداخلي شيحرگ
صفيت بلا سبب اتعصب عله الناس
والنفسية تتعب والوجة يذبل
ساعة ألبس هدومي واطلع من البيت
يم عتبت الباب ورائي يتبدل
اهن يومين مرن كبرني سنين
بعد يومين تلگه جنازة تتغسل ..

عموماً
روح ليش تبرر وتتعب
يمكن اني ماانحب ؟!
روح وخل أضل وحدي
روح وراح تذكرني
من اي واحد يحبك
مراح يفهمك بگدي
وليضل بالك تعدي
تلگه الاحلى من شكلي
ومتلگه الأحن من عندي

معقولة القساوة بـ گلبك لهل حد ؟!
ومعقولة أهتمامك بيه ذاك الحار
يتحول ثلج وأبرد ؟!
ولك لليوم ماغيرت عاداتي
قبل لا انام يمي افرش صورك يلة اتمدد

هاي الليله
مو تَعبآن مِتشضي
هاي الليله أذا ما تگضي أنه أگضي ..

درت وجهي ودريت
بصَفنتك حَيرة
وتلاگينة غَريب يحب
غَريب ومالهُم ديرة ..

الوادم تنطرح تغفى ويبدي
الونين من الفچر للفچر للفچر بيه

#إياد_عبدالله_الاسدي

معقولة علينه چانو يمثلون ؟
وشخصية العاشق فكرة وهمية
نفرض مثلو بس چانو يدمعون
چا حتى البواجي مو حقيقية ؟!

اشهدتلك زور مَرّة
وشوّر القرآن
انعمت عيني وگلت يلا المُهم ينهد
چا گدام غُربة تأشر بإيديك
تعيرني بعماي تگلي ذني شگد ؟!

بـ سديه انشلت من حرب
وماخذني چان النزف
وصوت وصريخ وكتل
والدنيا تتعارك
من السديه رأسن گمت
باوعت ليدي وطبت
چي سالم سوارك..

گل لاهلك دخيلك خلهم يضموك

صير مَنجل من يَهد محد وَراه
بطرگ روحهَ وَخالِس السنبل خلِس .

هية الخيانة بدت
لمن صرت نرجسي
وتحچي بأنانية
وحسيت نفسي ضعت
لمن گعدت الصبح
وما دازلي اغنية ..😔

گبل بـ ارگابنه شفاف الحَبيبات
وهسه رگابنه بيهن عوائل ..

گبال المرايه رجفت
لمن شفت شعري ،
وعضيت اصبعي بقهر
ع الراح من عمري
شبسرعه نام التعب
بخدودي
ما ادري .!