خاف الله بيه ولا تضيعني وياك
علمني أذكرك لا تعلمني أنساك

الجايّك تعبته ناسه و دنياه
من طاح وحده ، ما لگه الطاح وياه

تخوّفني فكرة من أفز ما ألگاك
خاف الله بيه ولا تضيعني وياك
.
#زيد_الهاجري

هذآك آنه الفيآي الطاح من گصيبتك
وارتاح بمتونك،
هذآك آنه اليشوف الناس بعيونك
.
#زيد_البصراوي

چنت بس أنته الوحيد اليمّه أحس
ما عندي قوّة ،

چنت گاضيها أعتذرلك

حتى لو چان السبب ما يسوه
چان وياك يسوه !

#زيد_الهاجري

چان ممكن
مثل مآ جآبتّچ گبالي القصيدة
تشيلني و تاخذني يمّچ

چان ممكن للأحلام الفارغة الما ألها داعي
الماخذتني لناس لا أعرف شكلهم
ولا ردت فد يوم يظل بيّه عطرهم

چان ممكن للأحلام تگلي شنهو تريد ؟
چا گلتلها أشمّچ

مستحي من أنتظاري لطولچ الما مشتهيني

آنه أشك ظل شي حلو بالدنيا بي أگدر أشبّهچ
كلشي بي حكمة بزواله ، ألا وجهچ

كلشي ممكن چان ، بس صوتچ نساني
وحيل صعبه للتهمّينه يحس ما صار يهمّچ

أستخدمي الما سامعه ، هواي أشتهيته
وصيحي بأسمي

بيّه خوفه لا خدار أطرافي يكثر
والشلل ما يفتهم رغبة چفوفي لو ردت ساعتها أضمّچ

آنه كل هالفترة ما گايم لأحد ما شايل أسمچ
.
#زيد_الهاجري

لـو منـك وجـه ملگـه
چـا وصيتلـك عينـي !!..
ولـو تنبـاگ ؟؟
چـا بگتـك ..
.
#زيد_الهاجري

آنه آخر سمار يمر على عيونچ
آنه آخر رجل يتمشى بظنونچ

آنه الطاحن گباله وطحت بيدچ
آنه الينذر عيونه لمواعيدچ

#زيد_الهاجري

بعدني
أندلّك شما تيّهت كلشي

بعدني
أعكَـدها بأسمك خطوتي من أمشي

بعدني
أنويها ألك كل عافيه بروحي
ولهسه أعله فكَـدك ما نشف رمشي

..
#زيد_الهاجري

تتمشه بدرب ريتي
نفس مشهوگ واشتمك
و تطشرني بدرب
واتعب وارد وارتاح والتمك
اذا مو بيك بيمن تستلذ روحي
اذا مو ليل شيسوي السهر يمك
اذا مو ماي ليش تبلل بعمري
اذا ناسيك ليش اعثر بطاري اسمك
.
#زيد_الهاجري

خاف ينّسد وألك جيّه ،،
وخاف أفتحه وكلشي بالدنيا عداك يمر عليه !

فوبيا البيبان ، من ما ودّعتني بدت بيّه ..

#زيد_الهاجري

❤
احنة جينة لحضرتك ندعي ونتوب
شو رجعنه ويانه تمشي ذنوبنه

هي شامة ويندل الله يحطها وين !
بالمكان البي يعذب گلوبنه

#زيد_السومري🌿

شفتها ودنگت
والحيره لعبت دور
علينه وغيرت شكلي وشكلها
أنه واگف نعم
بَس گلبي يرجف حيل
وطلع بيه عراضه وهوسلها
ها وها
حضني بـ دونچ هيمه
وبَس اصورچ يَمي تنام ،
.
#زيد_النافعي

يلما بيك كل حركَـه
هم نتلاكَـه مثل الناس
لو رهمتلك الفركَـه ؟

#زيد_الهاجري

شهالنسيم الماخذ هدومك ونسته ؟!
شهالحمام المشتهي چفوفك غرفته ؟!

• شهالعطش بيه أعله شمك ؟!
• شيل مني المايشبهك

ريّدني ، أنسالك هويتي
لوّحني ، أتركلك دنيتي

جيسني
أبديني أعله عرفك

شفايتلها وطينتي ، تتسمى بـ أسمك

شفايتلها ، سنيني لو تكَضي أعله وجهك
وأدري عدمن يستحق ينعاش عمري

• فوت يمي ، ورشلي منك

عطرك يسويلي واهس
أعزم الدنيا أعله صدري ،.

#زيد_الهاجري

خوّفتني
بعد ما عندي شجاعة أشتاگلك حتى من أريدك

خوفي من الصوت ما نوّمني ليلة
الصوت من گدما قوي ، يبعد
وأحس روحي أجيله

لو تسمعه
چا عرفت شسوّه بيّه

لو تسمعه
چا خفت مثلي
وبقيت سنين ، مو وياي ، بيّه

صوت أصابيعك وهنّه ( يطلعن ) من چفوف أديّه

#زيد_الهاجري

شفايتلها اسنيني لو تگضي إعله وجهك ..ّ

#زيد_الهاجري
.
.

كلشي بالدنيا من اروحله يرجعني عليك

انه اگدر ما اذكرك بس احب اتناسه بيك

#زيد_الهاجري

مامتعود اگضي ايامي من دونگ .
خل يطفالي كلـشي ولا ضوه عيـونگ

#زيد_آلهاجري

يريت الناس كلها تعوفني بحالي
وبس انتَ وحلاتك ترهم گبالي
#زيد_آلهاجري

ماسَميها عيني الماتجي بلونك
خَل يطفالي كلشي ولا ضوة عيونك
#زيد_آلهاجري

من يجيك الليل وحدك
حتى جرحك يستغلك
من تگلب بالصور
عينك تفشلك
تبدي تتخيل حبيبك من يذلك

شلون يذلك ؟

تجي گاطعلك مسافة
رايد تودع عزيز
توكع تراب المحطة يغطي شكلك
تمد ايدك عل قطار وهو يمشي
وماكو واحد يلتفتلك
هيچ كسره خاطري يمعود شگىلك
شاوروني بروحتك لو لقنوني
مدري شافوا گلبك اسود
عافوا الكعبة على بيتك
چبلوني
وخيطوا حزن الثمانينات ثوب ولبسوني
والعطر يخنكني عكبك
والورد ما گمت اطيقة
تدري ما يعبر الليل بلا جگارة ولا موسيقى
تدري احس الوطن مذبوح علـ صدري
تدري حلقات الجنود الماتوا بكل الحروب
كلها احسن بيها مشلوعه من اصبعي
هاي امس بس اني امس ما سولفتلك
اني عگبك باب عاچر بالحرب محد يذكرة

ومشهد غيابك خرابة
وصوتي مبحوح شيصح
الشوارع كلها مسكونة
وصفير وصوت ريح
والهياكل والجماجم ملحمة
والناس ميتة
ووحدي اعثر واطيح

ولو خبر منك يجيني

الناس تعدل من جديد
ضوه يبين من بعيد
مطر ينزل
شمس تضحك
المشانق تنصب مرجوحه
لاطفال الشهيد
الورد يطلع بالجماجم لو تجيني
واقدملك اعتذاري وانكساري وكل حنيني
لو گلت هذا خطية
وياما گتلك من اديه تروح
بس مو من اديه
وياما گلتلك شوفتني جنازه امي
من ثگل وجهك عليه
.
#زيد_السومري