صداقة وبالسجن بس أعبر الباب
لا أرجع ولا أشتاق لأحد

يمَن يروُح كل ريحآن
فدوه لشمّه ، چفوُفگ ❤

وية زعلك تمطر الدنيا غِنـة تراضيك
وإنت وية المطر طعمك ثَمل

و بمشيتك شي غريب يناغي سَمعـي
و إنت مالابس حِجل

لمسة إيدك معجزة و نظرات عينك
سِلم و تصوّب چَتل

وانة ياما و ياما تكتلني نظرتك و ارد
يحيّني الكحل

خَدّك مرطّب و ناعم نازك و ما ينحمل

و الشفايف مرة تين و مرة خَمرة
و مرة يسكنها النَحل

حتى كلماتك عجيبة ..
و إنت تحچي اتهجـى بيهن كل حرف طعمة شكل ..💜
.
#حسام_الكعبي

لتخليني وحدي منين أعرّف الناس ؟
لا أگدر أعاشر لا خِلگ عندي
أحب شلون غيرك؟ من أود شلون !
أنــة وياك كُلش خلصت وِدي
بگد حـُبك لنفسك چنت أناني وياك
منو بگدك يحبك ؟ محد بگدي ..
أخذني وياك مني شعِندي باقي وياي
و گلي وياك أخذني و كُلشي لتودي ..

انـه 7 سنيـن أقنعـك بلـ زواج
شلـون نيشـان وعـرس صـار بشهـر ؟!

مثـل عاشـور فگـدك
زلـم تلطـم بـي

اجيك من الصور للطيف
احضنك چذب بأحلامي
واگلك هاك..
انا بدونك صور
متشابهة ايامي

شگد
نوارس طايرة بطارف گذلتج ! .

شگد هوى .. .

شگد
ورد غافي وفراشات
وشواطي ، وليل ، ونجوم وگمر

شگد
ضوه ايمر اعله عيني .. .
وطولچ من اخر قصيدة يطيح شلال بنهر !

شگد
حزن بيّه و( احبچ )
وادري بسنيني جزتني وراحت وعمري عبر
.
#ضرغام_لطيف

آنه مشكلتي المسافة
والوجود المادي
چا هسه جيتك

عندي أحلى من سياج الجنة
لون سياج بيتك .

وجهك ولا فاركلي بالي
وبفركتك بضيم حالي
ماغزرن تعبي ودلالي
تاليها خان وحب بدالي

#تبارك_عسكر

طشرتهن گلبتهن ورقه ورقه
‏راجعتهن كلمه كلمه وياحسافه
‏اسوالفك كلهن دغش

طاحت اوفوك الفشل بمصابها الشامت تشمت
اخ ياروحي الكّبــل جانت عزيزة شلــون ذلت

#عريان

ودي
اغافل ليلهم و أبحر واذب گلبي بشريعة
ودي ابوگن جسمي وابعد
وديّ افك باب السنين السودة واشرد

#الگاطع

منتظر منچ رسالة اتكبر بـ گلبي الصدك
صآرحيني المستحه ايموت العشگ !!

#محمد_الركابي

چــم رسالة لروحـي كاتب

واحلف موديهـا انته

#لطيف_العامري

انطوني مجال افوت وياكم ع الخط
شو خذتنها فلاحه ملاچه 🌚