.
.
إلمحطه إلچنت بيها ألتقيك
لسّه مرشوشه عطر
لسّه من أشتاك أجيها بغير موعد
أشم عطرك وأنتظر

#عبد_الكريم_القصاب
.
.

طيفك شبگني البارحه
و اعتذر من جروحي
البارحه برودة نده
طاحت بموگد روحي
فزيت أضحك للهوه
وتضحك بوجهي جروحي

#عبد_الكريم_القصاب
.
.

ليله صفنه
وزعل حار وماكو نوم
ظلمه بس جنك كبالي
ردت اكلك عوفني بس استحيت
دمعت عيني وبرد كلبي ورضيت
تذكرت منك طعم بوسه وغفيت .

#عبد_الكريم_القصاب
.
.

ما ناسي. ..
بس مالي شغل
بل مارهم وي روحي .

لـ#عبد_الكريم_القصاب🍃

تعال وياي
وضيّعني بعطر صوتك ..
مسني بروس اصابيعك ..
خل يضوي بسما حزني گمر بلّور
يفزز خاطري المكسور
اصابيعك مفاتيح الضوه
اليندل حزن روحي ..

#عبد_الكريم_القصاب

اجيتك والوجع والشوگ
جنحين لعطش روحي ..
حطني بشبگه منك
وانكت جروحي ..

#عبد_الكريم_القصاب🍃

يـالـ طـرت للـ ماأدري ويــن .

يامـن آجـناحـك رفيـف جروحي

طـير كَـد مـا لله حـَـد

ويـن تلكَالك سـمه آبكَـد روحـي ؟

#عبد الكريم القصاب🌿

.
افييييش
والله حلم
بالبوس طرزني
لا طال عمره الذي
من النوم فززني


#عبد_الكريم_القصاب

چم شمس ودّيت

ومباوس ضوه .... وبعدك آمغيم


لـ #عبد_الكريم_القصاب 🌿

❤

فززني طيف الهوه

وجيت أمشي گَدامه

ثاري الزعل بالگَلب

يجرح مثل جامه

لـ #عبد_الكريم_القصاب🌿

يريت ابچي ،،

واطفي الواجات المالهن شراي


#عبد_الكريم_القصاب🌿

❤
يا حبيبي ، منين تعبرلي وتجيني ، منين أجيك ؟
يا حبيبي ، إلروح خضره وتشتهيك .

#عبد_الكريم_القصاب 🌿

گالولي تجي
وحطت عصافير المحله

امتانيه الخطار واغصان الشجر

نفضن ورگ حنه وصواني ازغار

وعودان البخور اشتهن طعم النار

وحرگ روحه الشمع

من سمع بيك وذاب

وانه الخاطرك

رشيت ماي الورد عالعتبه

وغشيت بـ رفيف الگلب شباجي 

گلت يمكن يجيك تراب

وبلهفه عطش تانيت ..¡

تانيتك
تجي لـ گلبي
تجي لـ عيني

مثل جية حلم من غير دگة باب،،"

وبلهفة عطش تانيت ....


ومدري شلون
غبت اويا الشمس

وتجرح اللبلاب



#عبد_الكريم_القصاب

ي'ذاك إهناك يمدلل
تعال ..
إبكل بنفسج گلبك إلزعلان
تعال 'إبكل ترافة
روحك الخضرة


#عبد_الكريم_القصاب

يزعــل عليَّ ويحـن
وآزعل عليْه وآسأل
حلوين اِذا ننســــجم
وآحلـى اذا نـزعـــل

||#عبد_الكريم_القصاب||♥️

يا حبيبي ، منين تعبرلي وتجيني ، منين أجيك ؟
يا حبيبي ، إلروح خضره وتشتهيك .

#عبد_الكريم_القصاب 🌿

يا بياض الله يكَلبي ،

ليش دومك تحترك لهفه بدربهم ،

ويسكرون آمن الضحك ؟

مره اِضحك من جذب وآحرك كَلبهم .

#عبد_الكريم_القصاب 🌿

ياجمر
يل جنت شاعلني بضحكتك
اشبرّد الواهس ،
يذابحني بصفنتك ؟
هاي جم مرّه .
تهفّي لك شهكَتي الحارّه
آتمشط كَذلتك ،
ليش بعدك ما دفيت ؟
شنهي قصتك ؟

#عبد_الكريم_القصاب

الوطن منذور للشيطان المعمم

#عبد_الكريم_القصاب

شگد بخيت ..
اليطلع من اصخامكم
بالوجه الابيض .


#عبد_الكريم_القصاب